Daniel 4:6 - Ohiatonhseratokénti

⁶ Iaʼkheiateriʼwaniéhten ratikwé꞉kon ne kanontiióʼtshera aonkweʼtaʼshón꞉ʼa né rontenʼnikonhrattókhaʼs ne Babylón꞉ke, nahontahón꞉ne akʼhén꞉ton, né naontónhsheke naionkró꞉ri nahò꞉ten neʼ kéntonhs kí atetshénhsera.

Daniel 4:6 ပူးပေါင်းရင်းမြစ်များ

Exodus 7:11

Ethò꞉ne ne Ronhnonhtí꞉io iasakononhke ne rahonkweʼtashón꞉ʼa ne ronhteniʼkonhraʼtó꞉kahs ó꞉ni ne tehontierónhnions, tánon tsi nathaʼteieronhnionháton kwáh nónhne ètho nahatí꞉iere.

Isaiah 8:19

Nón꞉wa tó꞉ka nonkweshón꞉has eniesénhase, “Wáhs ne seiateniénten ne sakonatʼthonserátkenhse tánon ne sakotinikonrí꞉sak ne ronenheiónserons; iáh kéhn tehiówenk nonkweshónhas néh asakotinikonrík꞉sake né raʼotihiatonhnishón꞉ʼahs, ne ne ronenhé꞉ions ne raotirihwáke ne ronónnhe,

Daniel 1:17

Rawenni꞉io tahshakáon ki kaié꞉ri nihá꞉ti kenʼnithotiión꞉sa ne karihonnienníhtshera ó꞉ni ne ahotirenʼnháon ne ahatihiatónsheke, ó꞉ni ne kaʼnikonhraientáhtshera iahawénhtate, tsi taháon ne Daniel ne ahorennʼhaʼónhake ne ahaʼnikonhraientáhthake nahò꞉ten ienharì꞉waken ó꞉ni ne atetshénhsera.

Daniel 2:2

Sók iahshakó꞉nonke ne raonkweʼtaʼshón꞉a ne shakonathiatonhseratkénse, tehontierónnions, rontaʼén꞉narahs, tánon ne niaʼtehotirí꞉wake ne aontahónne ó꞉ni ne ahonwaʼnikonhraientáhten ne atetshénhsera. Shahónnewe ó꞉ni ne raohén꞉ton ne ronnontí꞉io waʼthatí꞉taʼne.

Daniel 2:48

Eʼthó꞉ne ó꞉nen wahohsennakarátate né Daniel, iaweʼtowá꞉nen wahowíhon né ioià꞉nereʼs, wahorihónten tsi watonhwentsá꞉ien né Babylonne, tánon raónha ohén꞉ton iaʼthótahste tsi nihá꞉ti ne kanontiióʼtshera raonkweʼtaʼshón꞉ʼa ne shakonateʼnikonhrá꞉wihs.

Daniel 4:15

Nók ethóke iotsinaʼahrótak ó꞉ni seristó꞉ten tánon seronkwahsánerenʼk. Thóʼiohniótak kahentà꞉ke ó꞉ni ohontó꞉kon. “‘Ó꞉nen kiʼ roʼáweiahst kí rón꞉kwe, tánon ó꞉ni kontírio skátne ratiʼteróntak ó꞉ni tsi nahò꞉ten tkàniohs.

Daniel 5:11

Shaiá꞉ta rón꞉kwe rén꞉teron ne sanakerahserá꞉kon nikwé꞉kon ne roʼnikonhratokénhti ne Roiaʼtatokénhti Rawenni꞉io. Shihonontí꞉io né iaʼníha, ki rón꞉kwe wahrotáhsi tsi nikéntonhs né kaiatorehtahtsherí꞉io, nattokhátshera, kaʼnikonhraientáhtshera tsi ní꞉ioht né raotíʼnikonhraientáhtshera ne raotiní꞉ioʼs. Tánon ó꞉ni ne ronontíiohkwe Nebuchadnezzar, iaʼníha, raónha ohén꞉ton iaʼthótahste né ronwanathiatonhseratkénse, rontenʼénnarahs, tehontierónnions, tánon ne ronttsistohkwakkénse.

Daniel 5:7

Waʼthohénrehte né ónhkaʼk aontahonwatiiaʼténhawe ne rontaʼénnarahs, niaʼtehotirì꞉wake, ronttsistohkwatkénse, né shontahontáweiaʼte, né ronnontí꞉io wahshakawénhahse, “Nónhka eniekwé꞉ni naiewennahnò꞉ten ki nahò꞉ten kahiá꞉ton ó꞉ni nenionkró꞉ri nahò꞉ten kéntonhs né enshontsherònniaʼte né kwáh kanó꞉ron waʼkóhses né ne arihwawaʼkonhnéha niwahsohkó꞉ten, enhaníhtiake nohwistanó꞉ron né ne kakwenienstáhtshera, tánon ó꞉ni ahsénhaton nienhátake tsi kanontiioʼtsherá꞉ien tsi enhoterihóntake.”