Daniel 4:33 - Ohiatonhseratokénti

³³ Kwáh óksak eʼtho naʼá꞉wenʼne tsi nithonwahró꞉ri. Nebuchadnezzar wahonwanakerákwahte tsi nón꞉we niienákere nonkwehshón꞉ʼa ne tsi ionhwentsià꞉te tánon ó꞉ni óhonte wà꞉rake tsi ní꞉ioht ne tiohnhónskwaron teiotinà꞉kares. Wahoʼáweiahste ne raiaʼtá꞉ke, tánon wahononhkwiseré꞉shaʼne tsi ní꞉ioht ne à꞉kweks ohsthóseri ó꞉ni waʼthatsiʼeré꞉shaʼne tsi ní꞉ioht ne otsiʼtén꞉ʼa tsi tewaʼehtóntons.

Daniel 4:33 ပူးပေါင်းရင်းမြစ်များ

Job Tánon ne Raoronhiakensera 20:5

ne raonatsenhnonhniátshera ne ionkweʼtahétkens iáh thatekawishátste, tánon ne raonatshenhnonhniá꞉tsera ne iáh teotinihioserá꞉ien kenk nonhnè꞉e nikarì꞉wes?

Isaiah 30:14

Tsi natkaríhne kwáh thóh ní꞉ioht kwáh né꞉ne raʼtsetónhni rahót꞉tse tsi natewaʼtetʼtshetóko kwáh iáh othènon tekáien nathaniténron. Kénk níwas skakéron iáh tahonsónhton nahonsaieʼniáhese né karístakon aietsirahrá꞉ko, khés ne áhionste naʼienekotsénhtaʼkwe.

Daniel 4:25

Eniesanakerákwahte tsi nón nihón꞉nes nonkwehshón꞉ʼa tánon kontírio skátne entsiʼsewakwekonhatié꞉sheke. Tsá꞉tak niiohserá꞉ke óhonte khók ensesékʼsheke tsi ní꞉ioht ne teiotiná꞉kares tionhónskwaront ó꞉ni kenʼk nón꞉we tsi iówerare non nenhsanonhwétsheke, thoʼ ó꞉ni nón꞉we nensaʼáweiahste. Tsi niaʼtenhsókten ne tsá꞉ta niiohserá꞉ke enhserihwahní꞉rate ne kwáh Roʼshatstenhserowá꞉nen Rawenni꞉io tehshakoniarotárhon onkweʼtakwé꞉kon tsi nón꞉we ne kanontiioʼtsherakéron tsi ionhwentsià꞉te tánon ó꞉ni kwáh thenhanónhton ónkha ahshakoiaʼtará꞉ko naiontenontí꞉iohste.

Daniel 4:32

Eniesarékwahte tsi ratí꞉teron nonkwehshón꞉ʼa, kontírio ientsisewakwekónhake, ó꞉ni óhonte ensehsonʼnhéhkwen né tsá꞉ta niiohserá꞉ke tsi ní꞉ioht ne tiohnhónskwaron teiotinà꞉kares. Eʼthó꞉ne enhserihwaní꞉rate ne Roʼsatsthenhserowá꞉nen Rawenni꞉io tsi raoʼshatsthénhsera í꞉kate tsi kanontiioʼtsheraké꞉ron tsi ionhwensià꞉te tánon raónha enthanónhton ónhka ahshakoiaʼtará꞉ko naiontenontí꞉iohste.”

Daniel 5:21

Rawenni꞉io wahorékwahte tsi nón꞉we nihatí꞉teron ne onkweʼshón꞉a, tánon eʼtho nahoʼnikonhró꞉tenʼne tsi ní꞉ioht ne kontírio. Skátne wahóntien ne ratirhakonhró꞉non ne tewahónhtes, ó꞉ni eʼtho ní꞉ioht tsi wahahóntake tsi ní꞉ioht ne tiohnhónskwaron teiotiná꞉kares, ó꞉ni átste raonwéhstakwe tánon tsi iáh thé꞉nen thahoiatanónhstate tsi ne ahoʼáweiaste tsi nón꞉we nihanonhwétsthakwe. Tsi niió꞉re iahoʼnikonhraién꞉taʼne tsi né seʼ ne Roʼshatstenhserowá꞉nen Rawenni꞉io tehshakoniarotárhon ne onkweʼshón꞉a ne tsi nonwéhshon niʼienakerénion tánon rokwénion ne aontahshakáon ne kanontiióʼtsheras ne kwáh tsik ónhka nen shakohiaʼtará꞉ko.

Daniel 5:5

Thontaiawénstsi osnónhsa waʼokè꞉tohte ó꞉ni tontáhsawen tsi kanawatstárhon nahshonhtà꞉ke onthiá꞉ton, tsi nón꞉we naʼteiaʼóien ne kahahseró꞉ton kwáh í꞉ken tsi teiohswáthe. Tánon ne ronnontí꞉io wahatkáhtho tsi onthiá꞉ton.

1 Thessalonians 5:2

Asè꞉ken kwáh iatesewahiáti kwáh ioiánereh tsi sewahteriéntare wáhi nónen téntre ne Roiá꞉ner thóh nenʼiáwen꞉ne tsi ní꞉ioht ne ranénskwahs ensakohnonsórenʼne tsi niwahsóntes.