Daniel 4:25 - Ohiatonhseratokénti

²⁵ Eniesanakerákwahte tsi nón nihón꞉nes nonkwehshón꞉ʼa tánon kontírio skátne entsiʼsewakwekonhatié꞉sheke. Tsá꞉tak niiohserá꞉ke óhonte khók ensesékʼsheke tsi ní꞉ioht ne teiotiná꞉kares tionhónskwaront ó꞉ni kenʼk nón꞉we tsi iówerare non nenhsanonhwétsheke, thoʼ ó꞉ni nón꞉we nensaʼáweiahste. Tsi niaʼtenhsókten ne tsá꞉ta niiohserá꞉ke enhserihwahní꞉rate ne kwáh Roʼshatstenhserowá꞉nen Rawenni꞉io tehshakoniarotárhon onkweʼtakwé꞉kon tsi nón꞉we ne kanontiioʼtsherakéron tsi ionhwentsià꞉te tánon ó꞉ni kwáh thenhanónhton ónkha ahshakoiaʼtará꞉ko naiontenontí꞉iohste.

Daniel 4:25 ပူးပေါင်းရင်းမြစ်များ

Psalms 103:19

Né Roiá꞉ner thóh nón꞉we nihoʼtatkwahtakwénhni nakaiéntake ne raonitskwáhra ne karonhiáke nón꞉we, tánon né raonakerásehra kwáh tsikʼnonwéson tsi né tioniaró꞉taron.

Psalms 106:20

Né waʼthonthatawístakwe ne Rawenni꞉io raoiatanerakwátshera asèken né rotiʼiatonhniserónhni ne thethonhwaʼtenienténston ne teoná꞉kares, rahóntats nenhnéʼe.

Psalms 75:7

ók kíʼ Rawenni꞉io séh rarihwénhtha í꞉ken, ótiakes sakorihwénhtha ótiakes iáh tesakonitsheráwis.

Psalms 83:18

Tánon sehtokáhten tsi kwáh séh shonháhak khók í꞉ken, né sasénhna né꞉ne Roiá꞉ner í꞉ken, né꞉ne kwáh ohontsakwékon tisaʼshaststenhserowánen.

Jeremiah 27:5

“Né nakeshastsʼténsera ó꞉ni tsi nikeshástsʼte né wakátston tsi wahkonhontiónni, khehiatísons nonhkweshón꞉a, tánon konhtiʼkwékon ne katʼtshénens ne nonhwenhtsiáke nónhwe nikonhnónnhe; tánon kwáh tsík ónhka entekhéhion tsi nenhtkheráhko.

Daniel 2:21

Raónha thoniarotárhon ne tsi nikahwistà꞉eʼks tánon tsi niiawénhserons ne onhwentsià꞉ke ó꞉ni tsi watkwenhrá꞉rons; shakonontiióhstha tánon sehshakonontiiókwahs; à꞉seʼken raónha thahtkà꞉wahs ne attokháhtshera tánon ne kaʼnikonhraientáhtshera.

Daniel 2:37

Sanontí꞉io, í꞉se aonhá꞉a tehseʼshátste tsi nihá꞉ti ne Rotinontiiò꞉shon. Né Rawenni꞉io ne karonhià꞉ke thèn꞉teron wahianontí꞉iohste tánon wahiaʼshatsténhseron, né ahseʼshátsteke, tánon tahserénhsaronke.

Daniel 2:47

Né ronnontí꞉io waʼthorihwaʼserákwaʼse ne Daniel rá꞉ton, “Thí Rawenni꞉io tsi niká꞉ien ne ehtshénnaienhs, ne raonhá꞉ʼa thaʼshátste tsi nihá꞉ti ne niioʼokón꞉ʼa, raónha thieshakoiá꞉ner ne rotinontiióshon, tánon raónha ó꞉ni reʼnéhstha ne kariʼwahsehtánion. Né aorì꞉wa wahskwé꞉ni wahsheʼnikonhraién꞉tate ki kariʼwáhsehton.”

Daniel 4:16

Tsá꞉ta niiohserá꞉ke iáh eʼtho thaonsahoʼnikonhroʼténhake tsi ní꞉ioht nón꞉kwe, nók thoʼnenshoʼnikonhró꞉ten tsi ní꞉ioht ne kário.

Daniel 4:17

Né kiʼ tsi nihonohétston nowennaʼshón꞉ʼa ne ratironhiaʼkehró꞉non tsi nihonatateweiennentáʼon tánon ratiʼnikón꞉rare. Ne iorihón꞉ni akwé꞉kon nonkwehshón꞉ʼa aiakoterién꞉taraʼne ne Roʼshatstenhserowá꞉nen Rawenni꞉io kwáh thishakowenní꞉io ne tsi kanontiiotsherakè꞉ron tsi ionhwentsá꞉te tánon ó꞉ni kwáh thenhanónhton nónhka aontahshakáwen ne kaʼshatsténhsera kwáh tsi nenthanón꞉weʼne—shé꞉kon ó꞉ni ne kwáh kenʼ naontaiehsennáhska.’”

Daniel 4:2

Kwáh wakerienʼtí꞉ios nakonhró꞉ri ne iorihwanehrakwáhtenions ne Roʼshatstenhserowá꞉nen Rawenni꞉io rakerihotahshién꞉ni.