Daniel 4:2 - Ohiatonhseratokénti

² Kwáh wakerienʼtí꞉ios nakonhró꞉ri ne iorihwanehrakwáhtenions ne Roʼshatstenhserowá꞉nen Rawenni꞉io rakerihotahshién꞉ni.

Daniel 4:2 ပူးပေါင်းရင်းမြစ်များ

Job Tánon ne Raoronhiakensera 7:14

Ók ní꞉se ne táskon nahonkatét꞉tsen ne iotesehrenhtákterons nahonterónhkwen tánon ne tsi niwenhniseré꞉sons ne tatʼteronkwenní꞉tha tsi niwatatsataron꞉rons

Psalms 51:14

Seniákent ne tsi kónnhe, Ó Sewenní꞉io tánon takenónstat, tánon kwáh enkheró꞉ri nonkweshón꞉ha tsi nisaiá꞉neren.

Psalms 65:9

Sehnéstha tsi natesehriwásnie ne tsi iohontsáte tsi tesahteniétha nokenhnorésera, kwáh í꞉ken tsi iawetowánen tsi nishanerástha; tesehiatʼkawénhnis nonkweshónha nonátsa, asèken né꞉ne kwáh í꞉se thóh nisahkwahthákwen.

Psalms 66:16

Káts tánon sewaʼtónhtek, sewaʼkwékon ne tsi sewatʼtsánis ne Rawenni꞉io, tánon kwáh enkatʼró꞉ri tsi ní꞉i nihakatierá꞉se.

Psalms 71:18

Eʼthohʼsáne tsi ó꞉nen akekʼsténha tánon waʼkenontsistaráken, tó꞉sa kíʼ takatewénhtet, Ó Sewenní꞉io, tenikwekónhak tsi nikaríwes enkatró꞉ri ne sashaststénhsera tsi nihiokwénion ó꞉ni tsi nathenwaʼtereseranethárion. Né sashaststénhsera

Daniel 2:1

Ne tekeníhaton shiiohseratátie ne Nebuchadnezzar shihonontí꞉io, wahotétshen. Tsi naʼthaʼnikonhrá꞉ren iáh tesewátonhskwe ne aonsahó꞉taʼwe.

Daniel 3:26

Sók ne Nebuchadnezzar kanhohákta niahá꞉re ne teioʼthónhkwakwen karístatsi tanon iashakoná꞉ton, “Shadrach! Meshach! Abednego! Etshisewaioʼténhse ne kwáh thoʼsatstenhserowá꞉nen Rawenni꞉io! Tasewaiá꞉kenʼt!” Tánon kwáh óksaʼk tahatiiá꞉kenʼne.

Daniel 4:17

Né kiʼ tsi nihonohétston nowennaʼshón꞉ʼa ne ratironhiaʼkehró꞉non tsi nihonatateweiennentáʼon tánon ratiʼnikón꞉rare. Ne iorihón꞉ni akwé꞉kon nonkwehshón꞉ʼa aiakoterién꞉taraʼne ne Roʼshatstenhserowá꞉nen Rawenni꞉io kwáh thishakowenní꞉io ne tsi kanontiiotsherakè꞉ron tsi ionhwentsá꞉te tánon ó꞉ni kwáh thenhanónhton nónhka aontahshakáwen ne kaʼshatsténhsera kwáh tsi nenthanón꞉weʼne—shé꞉kon ó꞉ni ne kwáh kenʼ naontaiehsennáhska.’”

Daniel 4:24

“Né ki tsi nahoʼténshon kéntonhs, Sanontí꞉io, ó꞉ni ne ki tsi nahò꞉ten ne kwáh Roʼshatstenhserowá꞉nen Rawenni꞉io iaʼthorihwaién꞉taʼse tsi nensaiá꞉tawen.

Daniel 4:25

Eniesanakerákwahte tsi nón nihón꞉nes nonkwehshón꞉ʼa tánon kontírio skátne entsiʼsewakwekonhatié꞉sheke. Tsá꞉tak niiohserá꞉ke óhonte khók ensesékʼsheke tsi ní꞉ioht ne teiotiná꞉kares tionhónskwaront ó꞉ni kenʼk nón꞉we tsi iówerare non nenhsanonhwétsheke, thoʼ ó꞉ni nón꞉we nensaʼáweiahste. Tsi niaʼtenhsókten ne tsá꞉ta niiohserá꞉ke enhserihwahní꞉rate ne kwáh Roʼshatstenhserowá꞉nen Rawenni꞉io tehshakoniarotárhon onkweʼtakwé꞉kon tsi nón꞉we ne kanontiioʼtsherakéron tsi ionhwentsià꞉te tánon ó꞉ni kwáh thenhanónhton ónkha ahshakoiaʼtará꞉ko naiontenontí꞉iohste.

Daniel 4:34

“Shontóhetste ne tsá꞉ta niiohserá꞉ke,” wahén꞉ron ne ronnontí꞉io, “Iaʼkatkáhtho ne tsi tiohtsíkerare, tánon kwáh ionsakeʼnikonhraié꞉riʼne. Wahihsénnaien ne Roshatsthenhserowá꞉nen Rawenni꞉io ó꞉ni wahikwénienhste tánon ne raoiaʼtanehrakwáhtshera tsi niká꞉ien ne ronnheʼón꞉we. Kwáh tsi nén꞉we enhawenní꞉ioke, tánon ó꞉ni ne raonakeráhsera tsi nén꞉we enkátake.

Daniel 5:18

“Ne Roʼshatstenhserowá꞉nen Rawenni꞉io taháon ne iaʼníha Nebuchadnezzar ki kanakeráhsera tshiewakwé꞉kon naoʼshatsténhsera ó꞉ni ne kaiaʼtanehrakwáhtshera tánon ne nahahsennowánnha.

Daniel 6:27

Shakonónhstats tánon shakoʼniakénhtha; né roióʼtens né iorihwanehrákwa tánon né iorihwanehrakwahténions, né karonhià꞉ke ó꞉ni onhwentsià꞉ke. Sahoniá꞉kenhte ne Daniel, né kèn꞉reks ahonwaiaʼtaratsónkwen.”

Daniel 7:25

Kwáh enhoriwá꞉roʼse ne Roʼshatstenhserowá꞉nen Rawenni꞉io ó꞉ni tenhshakoʼnikonhkáriakte ne Rawenni꞉io raonkweʼtaʼshón꞉ʼa. Enhateʼniénten ne tahatá꞉ton tsi nikaianerenhseró꞉ten ne raotirihwiiohstónhtshera ó꞉ni tsi ní꞉ioht tsi tehontenónwerons, tánon ne Rawenni꞉io raonkweʼtaʼshón꞉a raónha raoʼshatsténhsera enthotiʼniarotárhoke né ne áhsen shaʼtsewahsén꞉non niiohserá꞉ke nenkarihwéshon.

John 4:48

Tahenron ne Iesos: Katiken oni nise entiseȣetakȣe noiah tenhseȣatkatosere ne ioriȣanerakȣat.

Joshua 7:19

Ne Joshua wahawénhase, “Koniénha, orihwí꞉io satró꞉ri kén꞉en rahohénton ne Roiá꞉ner, ne Sakoní꞉io Nisraerʼró꞉nonke, tánon serihwaní꞉rat. Takró꞉ri ó꞉nenh tsi nishatié꞉ren. Tó꞉sa shatheʼniénten naskerihwasénhten.”