Daniel 4:19 - Ohiatonhseratokénti

¹⁹ Eʼthó꞉ne, Daniel, raónha ó꞉ni Belteshazzar ronwá꞉iats, tsi nontahatónʼneke iáh tehokwénion ne thé꞉non ahá꞉wenke. Ne ronnontí꞉io wahawénhahse, “Belteshazzar, tóhsa natetshénhsera ó꞉ni tsi nikénton tisatonʼnékten.” Belteshazzar tonsaharihwaʼserá꞉ko, “Sanontí꞉io, aiá꞉wens ne eʼtho atetshénhsera tánon tsi nikaʼnikonhraientáhtha né ne iesáhswenhs aiakotónheke nók iáh ní꞉se.

Daniel 4:19 ပူးပေါင်းရင်းမြစ်များ

Genesis 31:35

Rachel wahawènhahse ne roʼníha, “Tóhsa roná꞉khwen né rakeʼníha, tsi iáh thakkwé꞉ni ne sahén꞉ton táktaʼne, aseʼkénh tsi niiotirihó꞉ten ne konnón꞉kwe ontiaʼtó꞉renʼne.” Katíʼ wahresákhon, ók iáh kíʼ thahó꞉ten tehotshénrion ne kanónhskon ié꞉ienʼs kaiaʼtonnihshón꞉ahs.

Genesis 32:18

Eʼthó꞉ne kíʼ kwáh enshí꞉ron, ‘Ne ne sahnhá꞉tshera Jacob raotshenenʼó꞉konʼs; ne natatawíhtshera tahonwatenniéhten ne riioʼténhse Esau; tánon sénha í꞉siʼ nón꞉we í꞉ken kén꞉en nontahawenonhátie.’”

Genesis 40:12

Eʼthó꞉ne né Só꞉se wahawènhahse, “Kenʼ kí꞉ken nahó꞉ten kén꞉tons ne áhsen nikaʼnháhtake ne ne áhsen niwenhniserá꞉ke;

1 Kings 18:7

Tsi nonthahatʼthahí꞉neʼne Obadiah, thontaʼiawénhstsi Elijah waʼthiáteraʼne. Wahoiénhthereʼne, rahohénton watatʼtsákete, tánon wahorihwanónhtonhse, “Kwáh kén í꞉se shiénshe?”

Exodus 32:32

Asatʼthontátʼtsheke shaʼsehnikónhrens ne rahotiriwanerahák꞉tsera; ók tó꞉ka iáh, ethòne kíʼ shaʼseksenhnaráko né kahiá꞉tonhseràke tsi nónhwe nisehsenhnarónhnion ne shonkweʼtashónʼas.”

Jeremiah 29:7

Ne sewahióten nahiohiánerenʼne ne kanahtowáhnenhs tsi nónhwe tionniénni niahísewe niaʼhisewahtenhóton. Akonháke sehwaterennaiéntak ne ronónha rahothiriwáhke, tsioríwa tó꞉ka enhothihianerásten, i꞉se ki ó꞉ni ensewahianerásten.

Jeremiah 4:19

Ne karonhiakénsehra! Iáh tatkwéni nakathakátsthate ne karonhiakénsehra! Nakwéri! Nakwéri kwáh iosthóre tsi ní꞉ioht tsi tehiahonrhiákwa! Iáh tatkwéni ne thatakahtó꞉thaʼte; Wakátʼthonte ne iehonrahwátstha tánon tsi nihioronkwénhsthare ne wahtherí꞉io.

Daniel 1:7

Ne rentiohkwakweʼní꞉io à꞉se sahshakohsennawíhon: Belteshazzar, Shadrach, Meshach, tánon Abednego.

Daniel 2:26

Ne ronnontí꞉io wahawénhahse ne Daniel (Belteshazzar tehahsennásere), “Ahskwé꞉ni ken ne ahsekró꞉ri tsi nahò꞉ten wakatetshén꞉en tánon tsi nahò꞉ten kéntonhs?”

Daniel 2:37

Sanontí꞉io, í꞉se aonhá꞉a tehseʼshátste tsi nihá꞉ti ne Rotinontiiò꞉shon. Né Rawenni꞉io ne karonhià꞉ke thèn꞉teron wahianontí꞉iohste tánon wahiaʼshatsténhseron, né ahseʼshátsteke, tánon tahserénhsaronke.

Daniel 4:24

“Né ki tsi nahoʼténshon kéntonhs, Sanontí꞉io, ó꞉ni ne ki tsi nahò꞉ten ne kwáh Roʼshatstenhserowá꞉nen Rawenni꞉io iaʼthorihwaién꞉taʼse tsi nensaiá꞉tawen.

Daniel 5:12

Kwáh shónhtek thí꞉io tsi nihateʼnikonhrattókha ó꞉ni roʼnikonhrowá꞉nen tánon rorennháon nahaʼnikonhraiéntahte natetshénseras, tahaniʼtonníahsi ó꞉ni nahaʼnikonraiéntahte ne ioteriʼwahséhton; káti iaʼtshínonk ki rón꞉kwe Daniel, né ne ronnontí꞉io rohsenná꞉wi ne Belteshazzar, tánon raónha akwé꞉kon enhiahró꞉ri nahò꞉ten thi kahiá꞉ton nahshonhtà꞉ke ó꞉ni tsi ni kéntonhs.”

Daniel 5:18

“Ne Roʼshatstenhserowá꞉nen Rawenni꞉io taháon ne iaʼníha Nebuchadnezzar ki kanakeráhsera tshiewakwé꞉kon naoʼshatsténhsera ó꞉ni ne kaiaʼtanehrakwáhtshera tánon ne nahahsennowánnha.

Daniel 5:19

Eʼtho niió꞉re tsi ronkweʼtowanén꞉nen kwáh tsi niaʼteiakaonhwentsià꞉ke nón꞉kwe, tánon tsi niaʼtehatinekwénhsake ó꞉ni tsi naiewennoʼténhake kwáh ronwatshániskwe ó꞉ni rotiiaʼtontawè꞉ton. Enhshakononwariákon tsik ónhka nénrehre nashakóhtonʼte. Enshakonónhstate tsi nenthanón꞉weʼne. Enshakokwénienste tókaʼ ó꞉ni enshakotéhaʼte tsi nénrehre.

Daniel 7:15

Tsi nahoʼténshons wakatkahthóhseron tonkwatonnékten, tánon kwáh í꞉ken tsi waʼtewakeʼnikonrháren.

Daniel 7:28

Né kí né tsi ieió꞉toʼkte norihwaʼshón꞉a. Eʼtho niió꞉re tsi ónkteronʼne kwáh watkatskennennaʼtón꞉ten, ó꞉ni kwáh orihwakwé꞉kon akonhá꞉ke waʼkateweiénton.

Daniel 8:27

Í꞉i Daniel kwáh wakaʼnikonhrókten ó꞉ni tóhka nón꞉ta onkenonhwákten. Eʼthó꞉ne tonsáktaʼne ionsakatahshónteren sontióʼten tsi nihakenhá꞉on ne ronnontí꞉io, nok wakaterihwakwé꞉ki tsi ní꞉ioht tsi wakatetshén꞉en tánon iáh tewá꞉tons naonkeʼnikonhraién꞉taʼne.

Habakkuk 3:10

Nó꞉nen ne tsi ionontahrón꞉nions wahesá꞉ken waʼtsiowí꞉sonhkwe; nohné꞉kanos thonwerónhtane ne tsi karonhiá꞉te. Nohné꞉kanos ne nà꞉kon tsi ionwenhtsá꞉te waʼhonekákare, tánon ionontowá꞉nens ionontakwahronhtónhtses;

1 Samuel 1:15

Ók ne Hannah watierihwaseráko, “Iáh, Atiá꞉ner, Í꞉i neh sewakatʼthonwísen kwáh í꞉ken tsi tewakanikón꞉rare; iáh tewatʼnekíren notsítsa khéhs ne ionekaní꞉ron, ók thóh iewatserá꞉ton nakatón꞉nhets raohén꞉ton ne Roiá꞉ner.

1 Samuel 24:8

Onahkènʼke ó꞉ni ne Táwit tonthahaiá꞉kenʼne nosón꞉wakon tánon iahonáhton ne Saul, “Atiá꞉ner sanontí꞉io!” Nó꞉nenh ne Saul raonáhken ionsahatkátho, Ne Táwit watatʼtsá꞉kete ohontsá꞉ke niahatsérate, tánon tsi nahá꞉iere ne naokwé꞉nienste.

1 Samuel 26:15

Ne Táwit wahawénhase ne Abner, “Iáh kén rón꞉kwe tèken ní꞉se? Ónka ne thóh nahaiatoténhake tsi ní꞉se ní꞉ioht NʼIsraerʼronónke? Onhkáti nontiéren tsi iáh tetsenikón꞉rahreh ne iahiá꞉ner ne ronnontí꞉io? Asèken tionkwé꞉ta tahatáweiate nahó꞉tonhte ne Iaiá꞉ner ne ronnontí꞉io.

1 Samuel 3:17

Eli wahén꞉ron, “Onhnahó꞉ten nètho wahiaró꞉ri? Tó꞉sa takatashéten. Aiá꞉wenhs ne Ní꞉io kwáh thóken꞉en ahiawéwate tó꞉ka ní꞉se asheriwásehte knahótenk tsi nó꞉kwa ní꞉i akwé꞉kon nètho iaró꞉ri.”