Daniel 4:17 - Ohiatonhseratokénti

¹⁷ Né kiʼ tsi nihonohétston nowennaʼshón꞉ʼa ne ratironhiaʼkehró꞉non tsi nihonatateweiennentáʼon tánon ratiʼnikón꞉rare. Ne iorihón꞉ni akwé꞉kon nonkwehshón꞉ʼa aiakoterién꞉taraʼne ne Roʼshatstenhserowá꞉nen Rawenni꞉io kwáh thishakowenní꞉io ne tsi kanontiiotsherakè꞉ron tsi ionhwentsá꞉te tánon ó꞉ni kwáh thenhanónhton nónhka aontahshakáwen ne kaʼshatsténhsera kwáh tsi nenthanón꞉weʼne—shé꞉kon ó꞉ni ne kwáh kenʼ naontaiehsennáhska.’”

Daniel 4:17 ပူးပေါင်းရင်းမြစ်များ

1 Kings 21:25

Kwáh iáh ónhka né nióre tsi ahiakoteriwatokénstonke iahiakokonhthakwénhake thóh nahieiérake né kariwátk꞉sens rahohénton ne Roiá꞉ner tsi ní꞉ioht ne Ahab—né tsi niehó꞉rekskwe ne ró꞉ne Jezebel.

2 Chronicles 28:22

N ó꞉nenh kwáh shiʼwahétkens ne raorihwasónhas nètho rónkwe Ahaz waharihwánerahke tsi nòkwah ne Roiá꞉ner sénha tsi nitiotónhne.

Psalms 103:19

Né Roiá꞉ner thóh nón꞉we nihoʼtatkwahtakwénhni nakaiéntake ne raonitskwáhra ne karonhiáke nón꞉we, tánon né raonakerásehra kwáh tsikʼnonwéson tsi né tioniaró꞉taron.

Psalms 12:8

Kwáh tetsarón꞉kwen nokwáhti ne ronhnonkwetahétken tsi tonatawenhrehátie, nó꞉nen nonkweshónha ne enhionterihwathéntsate né karihwahetkénhsera.

Psalms 9:16

Ne Roiá꞉ner waʼhathaténeste, né waʼhaterihwathentsiáte karihwenhthátsera; ne ronhnonkwetahétkens né waʼhotiʼiéhna ne waʼterístaien ne ronnónha roʼnateristaienthákwen. Higgaion. Selah

Exodus 9:16

Ók né kíʼ nakènesthe nakeshastsʼténsera waʼkonhríhon nahshón꞉nheke né káti nahónton tahonré꞉ni tsi nihiohóntsa tsi niksenhnowáhnen.

Isaiah 6:3

Tánon iatehontaʼtenatónhnions: “Rohiatatokénti, rohiatatokénti, rohiatatokénti! Ná꞉a né Sakoiá꞉ner ne ronterí꞉os ratironhiakerónons! Ohontsakwékon né titkáhere ne raohiatanerakwáhtshera.”

Isaiah 6:8

Ethó꞉ne wahiwénhnaronhke ne Roiá꞉ner ratónhnions, “Onhka ónhte iaʼkhehiathéniete, tánon ónhka ne kwáh thóh iáienh nonhkwarihwàke?” Tánon wakíron, “Kénʼen í꞉kes; í꞉i iatakaténiet!”

Ezekiel 25:17

Kwáh í꞉ken tsi ioniíhron enkheréwahte tánon kwáh enkanahnónhake tsi ensehkhekárhiakʼse. Enhóntʼtoke nakenahkwáhtshera. Ethòne enhonahteriéntarahne tsi Í꞉i ne Watiá꞉ner.”

Ezekiel 7:24

Kwáh ki entekheiaténhawe ne kwáh rononhkwetahétkens ne kénʼen tánon enkheríhon nahontiatakwení꞉ioste tsi sewenhterónhtons. Ne kwáh kennithotiʼiónsas enhonnikonhrók꞉ten nónenh enkheríhon nonkweshón꞉ʼas nahatihétkente natenátas tsi nonhwésons nisewaterénnaiens.

Daniel 11:21

Iahatahshónteren ne raronhiaʼkehró꞉non tsi wahaʼnikonhraiéntahte: “Ne ó꞉ia enshatenontí꞉iohste ne Syria enronkweʼtaksénhake né ne kwáh iáh oʼthé꞉nen thaʼteiotonhontsóhon ne raónha ahonontiióhake, ók kwáh thentiawénhstsi enhoké꞉tohte tánon enhaʼnikónrahte tsi enhaié꞉na ne kashatsténhsera.

Daniel 2:21

Raónha thoniarotárhon ne tsi nikahwistà꞉eʼks tánon tsi niiawénhserons ne onhwentsià꞉ke ó꞉ni tsi watkwenhrá꞉rons; shakonontiióhstha tánon sehshakonontiiókwahs; à꞉seʼken raónha thahtkà꞉wahs ne attokháhtshera tánon ne kaʼnikonhraientáhtshera.

Daniel 4:2

Kwáh wakerienʼtí꞉ios nakonhró꞉ri ne iorihwanehrakwáhtenions ne Roʼshatstenhserowá꞉nen Rawenni꞉io rakerihotahshién꞉ni.

Daniel 4:25

Eniesanakerákwahte tsi nón nihón꞉nes nonkwehshón꞉ʼa tánon kontírio skátne entsiʼsewakwekonhatié꞉sheke. Tsá꞉tak niiohserá꞉ke óhonte khók ensesékʼsheke tsi ní꞉ioht ne teiotiná꞉kares tionhónskwaront ó꞉ni kenʼk nón꞉we tsi iówerare non nenhsanonhwétsheke, thoʼ ó꞉ni nón꞉we nensaʼáweiahste. Tsi niaʼtenhsókten ne tsá꞉ta niiohserá꞉ke enhserihwahní꞉rate ne kwáh Roʼshatstenhserowá꞉nen Rawenni꞉io tehshakoniarotárhon onkweʼtakwé꞉kon tsi nón꞉we ne kanontiioʼtsherakéron tsi ionhwentsià꞉te tánon ó꞉ni kwáh thenhanónhton ónkha ahshakoiaʼtará꞉ko naiontenontí꞉iohste.

Daniel 7:25

Kwáh enhoriwá꞉roʼse ne Roʼshatstenhserowá꞉nen Rawenni꞉io ó꞉ni tenhshakoʼnikonhkáriakte ne Rawenni꞉io raonkweʼtaʼshón꞉ʼa. Enhateʼniénten ne tahatá꞉ton tsi nikaianerenhseró꞉ten ne raotirihwiiohstónhtshera ó꞉ni tsi ní꞉ioht tsi tehontenónwerons, tánon ne Rawenni꞉io raonkweʼtaʼshón꞉a raónha raoʼshatsténhsera enthotiʼniarotárhoke né ne áhsen shaʼtsewahsén꞉non niiohserá꞉ke nenkarihwéshon.

Romans 13:1

Kwáh iatehionkwétake ónenk tsi enhiontewénʼnaraʼkwe ne kakorásera ahoianerénseras, ne tsi iáh thakaianerenseróten takátake neh iáh Rawenni꞉io tahoriwíson, tánon tsi wahthátie neh rathikoráhsons neh kíʼ tsi Rawenni꞉io tesakówi.

1 Corinthians 1:28

Ne waharáhko tsi nahóten ne tsi ionwenhtsiáte ehtàke iakahónʼnis ó꞉ni iakokenrónʼnis tánon íwenhre iáh thènen tekástha, nahkarihwahthónʼton tsi nahóten ne tsi ionwenhtsiáte íwenhre iorihowáhnen.

1 Timothy 5:21

Rahohénton ne Rawenni꞉io ó꞉ni ne Kerístos Ié꞉sos tánon ne rotithokentísons ratironhiakerónons kwáh tewakenikonrakontákwen iakonʼnáton nasatewénnaraʼkwe kí꞉ken karihonniennítseras neh kwáh tóhsa thènen aisatʼkenronniákskon tóhkaʼ ó꞉ni tsi nashátiere nahontaseriwáhrakwe.

Revelation 4:8

Tánon kíʼ kaié꞉ri nihá꞉ti ronón꞉nhe, ne sathiiatatʼtions iáh-iak natehatinerahontióntons, kwáh okaróskonk thí꞉ken kwáh teonakwataséhton tánon ne rathinerahontsó꞉kons. Nenhtsekè꞉nes tánon nasonténhne kwáh iáh thatehatí꞉tas tsi teothiriwákwen, “Roiatatokénhti, roiatatokénhti, roiatatokénhti, ne Roiá꞉ner Ní꞉io ne Roshatatenserowá꞉nen, raónha ne tkénhne tánon nón꞉wa tánon tsi nénhtewe.”

1 Samuel 2:8

Teshesakotástha ne iakó꞉ten thóh okenrá꞉ke; saʼkoiatakarátats ne tsiaʼkotokʼtáni thóh tsi iokenratstòkoto ne wakenrontákwen, ensakahónhnien skát꞉ne róntsien ne niothinontiʼiotserása tánon ne enhatiʼiéna ne anitskwára ne tekarénhsaron. Asèken ne tsi kanawahatótons ne tsi ionwenhtsá꞉te ne raówenk ne Roiá꞉ner, tánon ononháke renskwáhere ne tsi ionwenhtsá꞉te.