Daniel 4:16 - Ohiatonhseratokénti

¹⁶ Tsá꞉ta niiohserá꞉ke iáh eʼtho thaonsahoʼnikonhroʼténhake tsi ní꞉ioht nón꞉kwe, nók thoʼnenshoʼnikonhró꞉ten tsi ní꞉ioht ne kário.

Daniel 4:16 ပူးပေါင်းရင်းမြစ်များ

2 Samuel 18:32

Ne ronnontí꞉io wahaʼwénhase ne Cushró꞉non, “Rotakaríte kén ne kén nithoiónha Absalom?” Ne Cushró꞉non watariwaserá꞉ko, “Aiá꞉wenhs ne ronwásons natiá꞉ner ne ronnontí꞉io, tánon tsi nihá꞉ti ne tethotitá꞉hon ne naiesanonwarhiákhon, thóh naesahiátawen tsi kíʼ ní꞉iot ne kén nithoiónha.”

Isaiah 6:10

Shenikonrónhnien kí꞉ken onkweókons ne tahotiʼnikonhrihiókete, tánon tesehiahontákwent, tesekará꞉set, ne káti ne tó꞉sa ahatikwé꞉ni ne tahatiʼkaneráke, tánon nahontahonsatáte, tánon nahonthaʼtenikonraientáten, tánon tahonsahontkaráteni tánon ahonsahonwatítsienhte.”

Daniel 11:13

“Ne ronnontí꞉io ne Syria ensháhkete nok sénha kanenrowá꞉nen enshanitiohkón꞉ni ne ronterí꞉iohs tsi nitiohtònne. Nó꞉nen ienskáhewe, eʼtho iénsre enhotiohkowanenhátie tánon kwáh í꞉ken tsi enhonatateweiennentaónʼhake ne raotióhkwa ronterí꞉iohs.

Daniel 12:7

Ne raronhiaʼkehró꞉non tetsá꞉ron tsi wahanentshakétsko tánon karonhiá꞉ke niahaié꞉raʼte tánon kwáh orihwiioʼón꞉we waharháratste eʼtho raosén꞉nakon ne ronhnheʼón꞉we Rawenni꞉io. Onkathón꞉teʼne tsi wahén꞉ron, “Áhsen niiohserá꞉ke tánon tsiaʼtewasén꞉nen. Né nó꞉nen ienwatókten tsi nihonwatironhiakéntha ne Rawenni꞉io raotióhkwa, kwáh kiʼ orihwakwé꞉kon ó꞉nenk tsi tho neniá꞉wenʼne.”

Daniel 4:23

Í꞉se, Ó Sanontí꞉io, tsi nikarí꞉wes tehskánerahkwe, raronhiaʼkehró꞉non karonhiá꞉ke tahátsnenhte tánon rá꞉ton, ‘Seròn꞉tiaʼk tánon tésriht, nók eʼtho iotsinaʼahró꞉tak nonhontsà꞉ke. Otsinaʼahrákta seristó꞉ten tánon seronkwahsánerenk, tánon tho ohontó꞉kon iohnióʼtak. Tánon roʼáweiahst kí rón꞉kwe, ó꞉ni eʼthoʼ ratikwekón꞉hak ne kontírio tsá꞉ta niiohserá꞉ke nikarí꞉wes.’

Daniel 4:25

Eniesanakerákwahte tsi nón nihón꞉nes nonkwehshón꞉ʼa tánon kontírio skátne entsiʼsewakwekonhatié꞉sheke. Tsá꞉tak niiohserá꞉ke óhonte khók ensesékʼsheke tsi ní꞉ioht ne teiotiná꞉kares tionhónskwaront ó꞉ni kenʼk nón꞉we tsi iówerare non nenhsanonhwétsheke, thoʼ ó꞉ni nón꞉we nensaʼáweiahste. Tsi niaʼtenhsókten ne tsá꞉ta niiohserá꞉ke enhserihwahní꞉rate ne kwáh Roʼshatstenhserowá꞉nen Rawenni꞉io tehshakoniarotárhon onkweʼtakwé꞉kon tsi nón꞉we ne kanontiioʼtsherakéron tsi ionhwentsià꞉te tánon ó꞉ni kwáh thenhanónhton ónkha ahshakoiaʼtará꞉ko naiontenontí꞉iohste.

Daniel 7:25

Kwáh enhoriwá꞉roʼse ne Roʼshatstenhserowá꞉nen Rawenni꞉io ó꞉ni tenhshakoʼnikonhkáriakte ne Rawenni꞉io raonkweʼtaʼshón꞉ʼa. Enhateʼniénten ne tahatá꞉ton tsi nikaianerenhseró꞉ten ne raotirihwiiohstónhtshera ó꞉ni tsi ní꞉ioht tsi tehontenónwerons, tánon ne Rawenni꞉io raonkweʼtaʼshón꞉a raónha raoʼshatsténhsera enthotiʼniarotárhoke né ne áhsen shaʼtsewahsén꞉non niiohserá꞉ke nenkarihwéshon.

Daniel 7:28

Né kí né tsi ieió꞉toʼkte norihwaʼshón꞉a. Eʼtho niió꞉re tsi ónkteronʼne kwáh watkatskennennaʼtón꞉ten, ó꞉ni kwáh orihwakwé꞉kon akonhá꞉ke waʼkateweiénton.

Hebrews 1:11

Enshewahterihwáhton, ónk níse ehʼenshésheʼke; ónk ratikwékon enohtiksténhane tsi ní꞉ioht natʼtsherónnia.

Revelation 12:14

Ók ne iónkwe ne tkonwá꞉wi tekanerahontsá꞉ke nakwekskó꞉wa raonerá꞉ontsa, ne káti nahón꞉ton taká꞉ten é꞉ren awé꞉te aonhá꞉ke noʼniáre ahonwenhtsaténhake niakátie, thóh nón꞉we tsionát꞉te ne takonwasniéne nikariʼwésa, né꞉ne áhsen niʼioseráke nikarì꞉wes.