Daniel 4:12 - Ohiatonhseratokénti

¹² Naonerahtaʼshón꞉ʼa kwáh í꞉ken tsi kontkahthohtsherí꞉io, tánon akwah khitioʼrhó꞉ron ne káhik—iaʼtekaié꞉ri tsi ní꞉kon iohién꞉ton nonhwentsakwé꞉kon aiòn꞉iake. Kontírio ionatoríshen tsi iorahkwakwerhóston, otsiʼtenʼokón꞉ʼa konttsiʼnahkónnihs tsi ionhahtón꞉ton, tánon kwáh tsik ónhka ne iakónnhe iotòn꞉on naiòn꞉iake.

Daniel 4:12 ပူးပေါင်းရင်းမြစ်များ

Job Tánon ne Raoronhiakensera 12:24

Shesakókwas ne raotinikonraientá꞉tsheras nonkweshón꞉as ne tsi ionwenhtsá꞉te, tánon sakahonhnién꞉nis nahontawénhrie tsi nón꞉we ne iáh othé꞉non tehiohaté꞉nion.

Job Tánon ne Raoronhiakensera 14:7

“Asè꞉ken ioraratsherá꞉ien nenhnè꞉e ne ioronhthó꞉te, Tó꞉ka akarontsá꞉khon, kwáh ki shé꞉kon teskarenhá꞉ron, tánon nahonhatashón꞉as iáh ki tahiorihwanó꞉ron naonhtehiá꞉ron.

Job Tánon ne Raoronhiakensera 14:9

tsi nahionekáswen kwáh ki enskaswehió꞉ten tánon enskanathontónhnion kwáh né꞉ne kenh nitsioronhtahiónhha.

Lamentations 4:20

Wahtsionkhíkwen tsi nihiakwastasónha tsi iatiónnhe, neh:ne Ronnontiʼio ne Roiá꞉ner rohrákwen, Tsi nikáien sakwaniahésenʼne nahontasónkwaʼne ne kwáh tsík ónka akénhake nahionkinenrénten.

Ezekiel 17:23

né꞉ne kwáh tsiotenónhthaʼte ne Israerʼró꞉nonhke. Kwáh enkanhathontónhnion tánon enkanenhʼónten tánon kwáh enkaronhtowáhʼna. Kwáh niatekahtsitensehráhke étho nónhwe nenhkonhtiterónhthake tánon enkonhtitsénri nakonhtsienthá꞉kwahke ne tsi iorakwahwehrósthon.

Ezekiel 31:17

Skátʼke tsi nienkónhne tsi tionhontsáien ne kenhéion niaʼhiakonatsiátarahse tsi níkon nónenh ioronhtsenénhʼen. Tánon tsi nihiákon ne thóh iéteronh tsi iorahkwaweróston kwáh ohontsakwékon tenhonwahnaréniaʼthe.

Daniel 4:14

Kwáh wahatewénnatehte, ‘Seróntiaʼk tánon tetsà꞉khon naoʼnenhraʼshón꞉ʼa; senerahtoskarónko tánon tesaréniaʼt naohikʼshón꞉ʼa. Sheiatékwahʼt ne kontírio ne karontó꞉kon ó꞉ni notsiʼtenʼokón꞉ʼa ne aoʼnenhraʼkéhshon.

Matthew 13:32

Neh tiaonhaa nitkanenhaa tsinikon ne kanensonha: nok tanon nonen ioteiaron ne senha skoȣanen tsiniiot notiake, akȣa oni karonta iaonton; iakaeȣe ki notsitenhokonha ahonenrokon kontsinakonnis.

St. Mark 13:32

Kenh kaien kah nonȣe teȣenniserate, oni tsinenhioȣistahe iah onka teioterientare, iah oni nʼEron-hiakeronon, sekon oni iah ne Roienha, Akȣaki raonhatsiȣaok ne Rakeniha.

St. Mark 4:32

Nok tanon nonen kaienthon ȣakanio onteiaron akȣekon oni ionsaiakokȣeni tsinikon ne ieienthosʼ, nok tsi nateionenroȣanen tsi ȣationenronten, akȣa iah othenon teken eh ȣakontsinakonni notsitenhokonha.

Luke 13:19

Akȣa neh testiatieren tsiniiot neronkȣe raotehenrakon ȣahaientho otsinekȣar nikanenhoten; ȣakanio, nok karonta iahonton, ieiohe ki notsitenhokonha ahonenrokon etho konstsinakonnianions.