Daniel 4:1 - Ohiatonhseratokénti

¹ Né ne Ronnontí꞉io Nebuchadnezzar roteriʼwaniehtonhátie. Kwáh tsi niaʼteiakahwentsiá꞉ke nonkwehshón꞉ʼa, tsi naionsohkoténhake, oh naiewennoténhake, ne tsi ionhwentsià꞉te: “Waʼtkwanonhweráton. Ne sewataʼkaritáhtshera kwáh iakaié꞉rike!

Daniel 4:1 ပူးပေါင်းရင်းမြစ်များ

1 Chronicles 12:18

Ethóhʼne ne Ronikonratokénti wahotiénhase ne Amasai, onakènʼke rahónʼa rasenhnowánen sahá꞉ton ne “áhsen-niwasenhnihátiʼkwe,” tánon iathohénreʼte, né kénʼen iákwes í꞉se sonhkwetaʼshón꞉as! Aisaterihwaʼthéntsiaʼse tánon tsi nihá꞉ti nenhiesaiénawaʼse! “Táwit ne Jesse iaiénha, né kénʼen iákwes í꞉se shonkwetaʼshón꞉as! Aisaterihwathénhtsaʼse tánon tsi nihá꞉ti nenhiesasniénion! Né Rawenni꞉io í꞉seke nowahti í꞉rate.” Né Táwit waʼshakohonkáron tánon waʼshakorihontónhnion né tsi rotsokwáhien ne ronterí꞉ios.

Ezra 4:17

Ne rakó꞉ra hionhsahathéniete kí꞉ken tekarihwasehrákwen: “Ne Rehum, ne rakó꞉ra, tánon ne Shimshai, sakohiatón꞉ni ne tsi kanakerahserá꞉ien, tánon ne tehothiienawáhkons né Samaria nón꞉we nihatinákere tánon ne ken iotséton ne tsi iaʼtewatsénhtos ne Euphrates, tekwahnonhwerá꞉tons.

Ezra 5:7

“Né Rakoraʼkó꞉wa Darius, aiá꞉wens tsi enshianerenhserón꞉ni skén꞉nonk thakénhake.

Esther 3:12

Tsi ká꞉ti iaʼkáhewe ne áhsen iawén꞉re shískare ne tiontenʼnitatierénhton, Haman wahshakoiaʼtaró꞉roke ne Ronontí꞉io ronwahiatón꞉ni tánon wahaianerenhserísa ne takawennaténionke akwé꞉kon tsi nihatiwennó꞉tens tánon tsi ní꞉ioht tsi ratihiá꞉tons tsi nihonakeráhsera ne ronontí꞉io, tánon akwé꞉kon iahshakonatenniéhten ne ratikoráhshon tánon ne ronaterihón꞉ton. Raohsén꞉nakon ne Ronontí꞉io Xerxes tánon karisténhton ne raonihsnónhsawi.

Esther 8:9

Kí꞉ken tsi naʼá꞉wenʼne tewáhsen áhsen shiwenhniserá꞉tehkwe ahsénhaton shiwenhní꞉tarahkwe, awenhní꞉ta ne Sivan. Mordecai iahshakó꞉nonke ronontí꞉io ronwahiatón꞉ni wahshakotenʼnikón꞉ron nahò꞉ten iahshakotihiá꞉tonse ne Sitaeró꞉non tánon ne kakoráhsera, shakotirihwawá꞉se, ronaterihón꞉ton, ne énska tewenʼniáwe tánon tewáhsen tsá꞉ta nikanakerahserà꞉ke tiotáhsawe India tsi niió꞉re Ethiopia. Iahshakohiá꞉tonse akwé꞉kon tsi kakorahseraké꞉ron tsi nihatiwennó꞉tens tánon tsi ní꞉ioht tsi ratihiá꞉tons, ók ó꞉ni ne Sitaeró꞉non tsi nihatiwennó꞉ten tánon tsi ní꞉ioht tsi ratihiá꞉tons.

Daniel 3:29

“Ó꞉nen kiʼ nón꞉wa entianerenhserón꞉ni ne kwáh tsik naienekwenhsoténhake, naionhsohkoténhake, tsi naiewennoʼténhake ne oʼthé꞉nen ahonwahsénhten ne Raotiʼní꞉io ne Shadrach, Meshach, tánon Abednego, enhonwaiaʼtaratsón꞉ko kwáh tsi niió꞉re thostiéntare, ó꞉ni entkení꞉kwekte ne tsi ronóhnsote aiotstohkó꞉take tsi ní꞉ioht tsi takahríhton. Iáh teká꞉ien ne akó꞉ren akenhá꞉ke ne Rawenni꞉io ne ahakwé꞉ni ne éhthoh ní꞉ioht tsi aonsahshakoʼniá꞉kenhte.”

Daniel 3:4

Ne rarihowanáhtha tahahkwísron tsi wahatá꞉ti, “Takwatahónhsatat! Kwáh tsi niaʼteienekwénhsake ne ón꞉kwe, tsi niionhsohkó꞉ten, tánon tsi niiewennó꞉ten!

Daniel 6:25

Shonteweienén꞉taʼne né ronnontí꞉io iashakohiá꞉tonʼse kwáh tsi niaʼteiakaʼonhontsà꞉ke ne onkwehshón꞉ʼa, tsi naienekwenhsó꞉ten, ó꞉ni tsi naiewennoʼténhake ne onhwentsià꞉ke: “Wé꞉so taontnaʼné꞉ta skén꞉nen né tsonhà꞉ke!

Daniel 6:27

Shakonónhstats tánon shakoʼniakénhtha; né roióʼtens né iorihwanehrákwa tánon né iorihwanehrakwahténions, né karonhià꞉ke ó꞉ni onhwentsià꞉ke. Sahoniá꞉kenhte ne Daniel, né kèn꞉reks ahonwaiaʼtaratsónkwen.”

Daniel 7:14

Kaʼshatsténhsera tahónion, kakwenienstátshera, ó꞉ni ne kanontiióʼtshera aoʼshatsténhsrera, ne káti kwáh tsi niaʼteienekwénhsake ne ón꞉kwe, tsi niionhsohkó꞉tenʼs, tánon tsi niiewennó꞉tens ne ahonterihwahtsterístaʼse. Ne raoʼshatsténhsera tsi nén꞉we, enkátake, tánon ne raonakeráhsera iáh nonwén꞉ton thiaontókten.

Zechariah 8:23

Ne é꞉tho entewenhniserá꞉teke oié꞉ri nihá꞉ti ne thihononhontsá꞉tes kwáh iatenhonwahiatónko sahiá꞉ta Sitaeró꞉non ók enhonhní꞉ronh, ‘Tehionkwahtonwenhtsó꞉ni ne skatʼke tahitewahtháhakwe, tiorì꞉wa tsi wahakwahrónhke né꞉tho Rawenni꞉io tsi sehnikwé꞉kon.’”

Acts 2:6

Sahonatʼthónteʼne kí꞉ken ontʼtsaróko, kwa kentioʼkowánen wahonʼnitiokwaróhroke. Kwáh ratiʼkwékon rononʼniʼnhekénʼen, Asèken kwáh ratikwékon wahonatʼthónteʼne, ne thoʼnethákwen neh rohthítha꞉re tsi nihonronhkhatseró꞉tens.

Romans 1:7

Kwáh káti sewakwékon tsi iakwahiátonse neh thonónwe Rome Rawenni꞉io tsi sewanorónkwa ó꞉ni tsiʼsewahonkaráwis neh rahónha rahonkwéta aisewáton: Aiáwens ne Rawenni꞉io sonkwaníha ó꞉ni ne Roiá꞉ner Ié꞉sos Kerístos ahtsítsion kenténrat ó꞉ni skénnen.

Ephesians 1:2

Aiá꞉wens ne Rawenni꞉io sonkwaníha ó꞉ni ne Roiá꞉ner Ié꞉sos Kerístos ahtsítsion kenténrat ó꞉ni skén꞉nen.

1 Timothy 1:2

Ne Timothy, ne kwáh riʼiénha ehʼnónwe ne tewetákwen: Aiáwens ne Ní꞉io Kaníhsera ó꞉ni Kerístos Ié꞉sos Sonkwaiáner nahontáhion ne kenténrat, ataniténron, ó꞉ni skénnon.

1 Tiér 1:2

Ietsiʼiaʼtará꞉kwen ne tsi nithonikonriʼióʼon ne Rawenni꞉io ne Kanísera ó꞉ni Rawenni꞉io Raonikonratokénti wakarihonni tsi wesewahiatatokentíne, né꞉ne ahtsisewawénnarakwe ne Ié꞉sos Kerístos tánon ne ahonsehsewatonnakanónniathe ne rahonekwénsa. Aiáwens kenténrat ó꞉ni ne skénnen aisewawenhkónweke ó꞉ni aiawetowénhnenke.