Daniel 3:28 - Ohiatonhseratokénti

²⁸ Ne ronnontí꞉io wahén꞉ron, “Ronwahsénnaien ne Ronwawenní꞉io ne Shadrach, Meshach, tánon ne Abednego! Tahoténiehte ne raoronhiaʼkehró꞉non ne aonsahonwatiʼniá꞉kenhte kí ronnón꞉kwe tsi ronwaioʼténhse ó꞉ni thonwehtáhkwen. Iáh teionkewennaráhkwen ó꞉ni eʼtho ronnonnhárahkwe né tsi iáh thatehonatshákton ó꞉ni nakonwahsénnaienke oktiʼká꞉te ne ní꞉io kwáh né khók ne ronónha ronwawenní꞉io.

Daniel 3:28 ပူးပေါင်းရင်းမြစ်များ

Genesis 9:26

Kwáh ó꞉ni wahén꞉ron, “Thón꞉ion ne kanonhweratónhtshera ne Roiá꞉ner ne Raoní꞉io ne Shem; tánon ánion ne Canaan ne ronwatenahskónniaʼt.

1 Chronicles 5:20

Thóh nón꞉we nahatiʼniáheʼse rahonháke ne Rawenni꞉io tánon rahonháke nónh nahonterénhnaien nasakoiénawaʼse, tánon ne Rawenni꞉io watarihwaseráko ne raonaterénhnaient tánon washakosniénon tsi wahonwatisénhni ne Hagrites ó꞉ni ne thonatenhró꞉honhne.

2 Chronicles 20:20

Ohronkétsʼtsi nó꞉ia sahiórenhne nonhkweʼshón꞉as kaʼrahkonkówa niahónhne ákta ne Tekoa. Tsi niahonenonhátie, né Jehoshaphat kén kí nikawenhnó꞉tens tsi washakothárahse: “Tsiónkwe ne Judahró꞉nons ó꞉ni Jerusalemró꞉nons! Thóh nón꞉we nonhtasewé꞉tat rahonháke ne Roiá꞉ner Sewaní꞉io í꞉ken, tánon ki ensewahiataníronke enkénhake. Tasehwétat tsi nahoténsons ne rahonkweʼtashón꞉as ietsiró꞉ri, tánon kíʼ ensehwaterihwathénhtiaʼse.”

2 Chronicles 32:21

Né Roiá꞉ner raronhiakeró꞉non tahoténiete né waʼshakononhwariákon ne ronhterí꞉ios ó꞉ni ne ronaterihóntons né Assyriaró꞉nons rahotitsiókwah ronhterí꞉ios. Ká꞉ti ne rakóra Assyriaró꞉nonhke nionhsáre rotehénʼen. Énska kí꞉ken nenhʼné꞉e tsi nikaríhwes raononsatokentiʼkówaʼne né raoní꞉io iehenterónhthaʼkwe, thóh ká꞉rah nihátikwe ne sakohiohokónhas wahonwanonwariákon raonasharehkówa wáhonste.

Ezra 1:3

Aiá꞉wens ne Rawenni꞉io ahisewakwekónhake tsi rahónha rahonkweʼtashón꞉as í꞉ken. Ó꞉nenk tsi Jerusalem nienhénse tánon sasehnonhsón꞉ni Nononsatokentihkó꞉wa ne Roiá꞉ner rahorihwà꞉ke, ne Rawenni꞉io Israerrónonke, né꞉ne Rawenni꞉io ne ronhwashén꞉naiens ne Jerusalem.

Ezra 6:11

Tánon ishiʼnón꞉we tsi nakerihwí꞉sa né꞉tho tó꞉ka ónhka iáh thahionhtewénhnaraʼkwe kí꞉ken kaianerénhsera, ne tekaronhtháronhwe enhiotsiónhake ne tsi rothinonhsó꞉tons, enkahiothí꞉iaton ne tsi iehiotʼthe, tánon ethò꞉ne tenhonwatihiatawéheste. Tánon ne tsi rothinonhshó꞉tons ononhwénhsehras enhionhniáthonke tsi enhiotsʼthokó꞉thonke.

Psalms 103:20

Tetsisewaʼnonweráton ne Roiá꞉ner, Ó í꞉se ne sewaʼronhiakeró꞉nons, í꞉se ne sewáʼsháststes ne sewaʼtewenhnarákwah tsi nihorihwaʼtáton, nisewaʼtahónsate tsi nahoténhsons ratónhnions.

Psalms 147:11

ók kí ne Roiá꞉ner ne rawerientiʼióstha tsi niʼiákon ronwatsánis, rononháke tsi niháti thóh nón꞉we nihotiráhre ne iorihwató꞉ken raonoronhkwáhtshera.

Psalms 33:18

Orihwiʼiohónwe ne Roiá꞉ner ne sakonikónhrahre tsi nihiákon ne ronhwakweniénstha, né꞉ne tsi nihiákon thóh nón꞉we nihiakorahratseráien ne iorihwató꞉ken raonoronhkwáhtshera,

Psalms 33:21

Nonkwéri rahonháke nón꞉we niotsenhnón꞉ni; tsioríhwa tsi raosenhnatokentíke nón꞉we nitionkwetákwen.

Psalms 34:22

Né Roiá꞉ner sahniakéntha ne tsi ronhnón꞉nhe ne raonhatserashónha; kwáh iáh ónhka tsi niiákon ne rahonháke nón꞉we nihiakoniahesáhon iáh kíʼ taʼhiontréwaʼte.

Psalms 62:8

Tatsisehwethakwénhak ne Rawenni꞉io tiotkonhónwe kénhak, Ó tiónkwe; iatesehwatatʼtsáhak ne rahohénton; Rawenniʼióke séh nón꞉we nitewatasehthákwah. Selah

Exodus 20:5

Tó꞉sa tesewaʼtiáket ahohénton ne kahiatónhni ó꞉ni ieʼtsishén꞉naien, tsioríwa tsi Í꞉i ne Watiá꞉ner Sewaní꞉io wakatekéffen, kherewá꞉tha tsi niháti ne hiónkswens ó꞉ni tsi nienʼhontwaʼtsiríne tsi nióre ne asénhaton ó꞉ni kaieriʼháton niaʼtewateresehráhseʼre.

Isaiah 12:2

Oriwiʼiohónwe ne Ní꞉io tsi né natsatakeʼnátsera í꞉ken; kwáh kí enhini tánon iáh kí tahónteronhne, asèken ne Roiá꞉ner rahónha rakeshatstenhseráwis ó꞉ni ne nakerénhna; rahónha ne rotónhon natsatakeʼnátsera.

Isaiah 37:36

Eʼthó꞉ne ne raoronhiakeró꞉non ne Roiá꞉ner iahahiakénʼne tánon washakowéntho énska tewenhniá꞉we shatèkonʼniwáhsen-wísk niwenhniaʼwehetsheráhsen ne tsi ronanátaien ne Assyriaró꞉nons; nó꞉nen sahiórenhne, kwáh ratikwé꞉kon ronenhé꞉ion tewenhehiontó꞉taron.

Isaiah 50:10

Ónhka ne tsi nítsion tsiʼsewakweniénstha ne Roiá꞉ner tánon sewatewenhnará꞉kwah ne raoʼwenhnaókons ne raonhá꞉tshera, ónhka thóh nón꞉weh niien ne tsi tetiókaras tánon iah teiakóien ne kaswathétshera, né kí tsakétat thóh raosénhnakon ne Roiá꞉ner tánon ne ronhwaniá꞉hes ne akoʼNí꞉io?

Daniel 2:47

Né ronnontí꞉io waʼthorihwaʼserákwaʼse ne Daniel rá꞉ton, “Thí Rawenni꞉io tsi niká꞉ien ne ehtshénnaienhs, ne raonhá꞉ʼa thaʼshátste tsi nihá꞉ti ne niioʼokón꞉ʼa, raónha thieshakoiá꞉ner ne rotinontiióshon, tánon raónha ó꞉ni reʼnéhstha ne kariʼwahsehtánion. Né aorì꞉wa wahskwé꞉ni wahsheʼnikonhraién꞉tate ki kariʼwáhsehton.”

Daniel 3:25

“Oh kátiʼ nontié꞉ren tsi kaié꞉ri nihá꞉ti khé꞉kenhs ronnenónties ne tsi iotékha”? wahariʼwanón꞉ton. “Iáh thaʼtehatinéntsteren, tánon iáh oʼthé꞉nen tewé꞉ne nahonatiaʼtátson tánon ne kaieríhaton teskaieróntare ne ieronhiaʼkehró꞉non.”

Daniel 4:34

“Shontóhetste ne tsá꞉ta niiohserá꞉ke,” wahén꞉ron ne ronnontí꞉io, “Iaʼkatkáhtho ne tsi tiohtsíkerare, tánon kwáh ionsakeʼnikonhraié꞉riʼne. Wahihsénnaien ne Roshatsthenhserowá꞉nen Rawenni꞉io ó꞉ni wahikwénienhste tánon ne raoiaʼtanehrakwáhtshera tsi niká꞉ien ne ronnheʼón꞉we. Kwáh tsi nén꞉we enhawenní꞉ioke, tánon ó꞉ni ne raonakeráhsera tsi nén꞉we enkátake.

Daniel 6:16

Sók kí ne ronnontí꞉io washakónhaʼne ne raonnhaʼtsheraʼshón꞉a, iehonwaiaʼténhawh ne Daniel tánon tsi tkontì꞉teron né kèn꞉reks iehonwaiaʼtón꞉ti. Nok wahawénhase ne Daniel, “Aiá꞉wens né Saní꞉io, tsi niká꞉ien ne tsi nisarihwató꞉ken tsi ehtíoʼténhse, ne aonsahiaʼniákenhte.”

Daniel 6:26

Waʼtianerenhserón꞉ni kwáh tsik nonwéhshon né akeʼshatsténshera iekaníharaʼs tánon né tiaʼtakweʼní꞉io kwáh ioterihwí꞉son tsi niaʼteionkwè꞉take ahonwakwenién꞉stake ó꞉ni tahonwarenhsarónhsheke ne Daniel Raoʼní꞉io. Raónha ne Rawenni꞉io né ronhnheʼónʼwe, iáh ó꞉ni nonwén꞉ton thiaontókten. Iáh nonhka nonwén꞉ton thaiekwé꞉ni né aiónhtonʼte né raonakeráhsera, tánon iáh ó꞉ni nonwén꞉ton ne raoʼshatsténhsera thiaonʼtókten.

Matthew 4:10

Nok tanon tontahenron ne Iesos: ehrenset, satkonseraksen! Aseken kaiaton, tsi entsennaien ne Roianer, ia Niio, raonha ok oni hentseȣenniiostake.

Acts 4:19

Nók ne Tiér tánon ne Sán wathowatiriwaserákwaʼse, “Í꞉se tionhá꞉a tesewaʼiatóret nahóten ne tkaʼriwaiéri rahohénton ne Rawení꞉io—tóhkaʼ kén í꞉se akwawénnaraʼkwe káton kén Rawení꞉io ensakeniwénʼnaraʼkwe.

Acts 5:19

Nók ne tsi niwasóntes ne Roiá꞉ner tahotóri ne rahoronhiakerónon nahonsahsakonontónko, sahsakohiatínekenʼwe, tánon wasakoróri,

Romans 12:1

Éhʼtho káti, tewatenrosónhas, neh tsi nikowánen ne Rawenni꞉io shonkwenténras, kwahnekénnis; kwáh ieʼiokontakwénhak tsi tátʼtsion ne Rawenni꞉io tsi tiónʼnhe ók ó꞉ni nehʼne aihsewárioʼte tsi nikaríwes tionnhétie, kwáh sewariwahtokénhak tsi nòkwa ne rahohioténsera ó꞉ni thaʼtsisewanikonraʼiérit, thókiʼ nikarihóten ne kwáh ahonwasénnaien ne Rawenni꞉io.

1 Corinthians 13:3

Tó꞉ka nónwa akwékon akʼkhéhion tsi nahontsiéntake, iekaníhare ó꞉ni iakátʼkawe natieróntha nahontsiahathónhake, ók tóhka iáh tewátsien ne kanoronkwátshera, kwáh kíʼ nènʼne iáh thènen tewahtiatakená꞉tshera.

Philippians 1:20

Kwá éhtho ní꞉ioht tsi kanontónʼnions ó꞉ni kaskáneks tóhsa nonwénton neh thènen nakátiere nahonkatéhate. Neh thokàken akónnheke khés nakíheie, Netewakathonwentióni tiókonte ehnahonkenikonrhatsaníton tsi nónwa ní꞉ioht tánon Kerístos nokwáh niáwe ne kakweniensthátsera.

Hebrews 1:14

Nahóten nen꞉ne ne ratironhiakerónons? Né꞉ne rotihiatatokéntis ronwahʼiótense ne Rawenni꞉io tánon rahónwah teshakotóries nashakotisniénon tsi nihiákon neniehiéna ne kaiatakenhátshera.

Hebrews 11:37

Wahʼhonwahthinenʼióhiake, tánon áshare wáhonsthe wahthonwahtihiátiake, tánon ahsharekówah wáhonthe tsi wahonwahthinonwahriákon. Tehiotinakarontónha tánon kaiatákeras kanéhon rohnatʼtsheronniá꞉ton—ne iakóten, shakotironhiakéntha, ó꞉ni shakonatiéskwahni.

1 Tiér 1:21

Rahonháke nónwe nitiawénon tsi tatsisewétakwe ne Rawenni꞉io, tsi nikáien shokétskwen ne kenheiát꞉ne tánon taháwen ne kaiatanerakwátsera; tánon káti ne sewetakwéntsera ó꞉ni ne sewaskanéktsera thóʼnon nikahkwatákwen rahonháke ne Rawenni꞉io.

Revelation 12:11

Ók ne ronwasenhniéton ne raón꞉ha ne raonekwénhsa ne teotinaʼkaronhtónha owí꞉ra tánon nowén꞉na ronatrorhiá꞉ton, tánon ronathateweienhnentá꞉on nahontsakwaríshion tsi ronhnón꞉nhe ó꞉ni nahonní꞉heie.