Daniel 3:27 - Ohiatonhseratokénti

²⁷ Ratikwé꞉kon ne ronnontí꞉io shakoienʼokón꞉ʼa, ratikó꞉ra, ne ieshonwatiiá꞉tanonhne, ó꞉ni otiaʼkéshon ne ronnontí꞉io raonkwéʼtaʼshón꞉ʼa wahotiataró꞉roke ne ahonwatí꞉ken kí áhsen nihá꞉ti ronnón꞉kwe, né ne kwáh iáh oʼthé꞉nen tehonatkarewáhton tsi iotékha. Ne raotinónhkwis kwáh iáh oʼthé꞉nen tehiotsihenstharíkon, ne raonatsherónnia iáh thaʼteiótson, tánon ó꞉ni kwáh iáh thé꞉nen tehatiienʼkwarákerahs.

Daniel 3:27 ပူးပေါင်းရင်းမြစ်များ

1 Kings 13:28

tánon iahosháthen tánon iahatʼtsénhri ne rothó꞉kenhse rahoierónhta owahá꞉ke káien, né tewahóntes ó꞉ni ne kénreks shé꞉kon thóh ákta íh꞉nete. Né kénreks iáh tehawékon ne oierónhta iáh ó꞉ni tsehotsathóntion ne tewahóntes.

2 Kings 19:19

Ó꞉nen kíʼ, Saiá꞉ner nonhkwah Ní꞉io, saskwahniá꞉kent tsi nòkwah ne Assyriaró꞉nons, né ká꞉ti niakahontsakwékons kwáh ahiakoterientátraʼne nètho tsi í꞉sek khók, O Saiá꞉ner, tsi Sewenhní꞉io í꞉ken.”

Psalms 83:18

Tánon sehtokáhten tsi kwáh séh shonháhak khók í꞉ken, né sasénhna né꞉ne Roiá꞉ner í꞉ken, né꞉ne kwáh ohontsakwékon tisaʼshaststenhserowánen.

Isaiah 26:11

Ó Saiá꞉ner, ne satsianàke iotharatáhton, ók iáh kí tehontksatos. Sheríhon nahontkátho tsi nisateriwaién꞉ni ne shonkwetaʼshónhas, tánon ronhtéhen. Serí꞉hon nótsire ne iesáskwenhs ne ahonátonhte.

Isaiah 43:2

Nó꞉nen thenshiá꞉iake ne kwáh tionó꞉tes, kwáh kí entenikweʼkónhake; tánon ne kaniaʼtarakésons, kwáh kí iáh tahiʼsanónwaien; nó꞉nen ienhénse notsiràke tashatóhetste kwáh kí iáh tashatsatáʼtsha, tánon nothón꞉kwa kwáh kí iáh tahiʼsátonhte.

Daniel 3:21

Sók kiʼ wahonwatí꞉nerenke, tiehonatsherón꞉ni raonatiá꞉tawi, ne waʼkóhses, tsehonanonhwaró꞉ron, tánon ó꞉ni ratikwé꞉kon iahonwatiiaʼtón꞉ti tsi tiotsenhowá꞉nen karístakon.

Daniel 6:23

Iáh thiaierihwáhewe tsi nahatshennón꞉ni ne ronnontí꞉io tánon washakóhnhaʼne né raohnhaʼtsheraʼó꞉kon né aonsahonwaiaʼtitáhko ne Daniel né ohshónwakon. Sók kíʼ sahonwaiaʼtitáhko, tánon wahontkáhtho tsi kwáh iáh thé꞉nen tehotkarewáhton, né tsi Rawenni꞉io roniahé꞉sen.

Daniel 6:7

Iakwakwé꞉kon ne ionkwaióʼte ne sanontiioʼtsherá꞉kon, né ne shakonatenʼnikonhrahsonterá꞉nis, né ratikoráhshon, tánon né ieshonwatiiátanonhne, ó꞉ni né ronatiaʼkéhshon ronaterihónton, iaʼtionkwarihwaién꞉taʼse, Sanontí꞉io teiotonhontsóhon né ahshiatonhserón꞉ni tánon kwáh aiorihwahnirónhake. Kwáh í꞉tsaʼk né ne áhsen niwáhsen niwenhniserá꞉ke kwáh tóhsa ónhka aiakoianerenhseraiéntake né thé꞉nen ne aionterénnaien tsi nokwá ne thikaniiohserá꞉te non naontá꞉we tókaʼ ó꞉ni ne onkwehshón꞉ʼa nokwá naontá꞉we, nok kwak nek khók né sanontiióhne nokwá꞉ti naontá꞉we. Onk ónhka entsontèwahte kí kaianerénhsera, tsi tionatshónwaien ne kèn꞉reks ieniontatiaʼtón꞉ti.

Matthew 10:30

Ieiohe oni akȣekon ȣasheton tsinikon seȣanonkȣiserote.

Acts 26:26

Sanontí꞉io Agrippa! Enkʼkwéni nakonthárase ne kwáh ahioriwaníronke, tsioríhwa tsi seriwaientéris kí꞉ken nahorihoténsons. Kwáh wakateriéntare tsi kwáh tsentères ne tsioriwátʼtions, kíʼ tsi nahawénseron iáh tsi tehiotenontáwehe nontewaséhtonʼne.

Acts 27:34

Kwahnekénnis, káti, tesewatsʼkáʼon; neh tesewathonwentióni nahisewaniákenne. Iáh ne skanonkwísera tahisewátonse ne sewanontsíne.”

Hebrews 11:34

wahónsʼwathe ne kentiohowáhnens, shahatiniákenne nasarekówah ahonahwén꞉ton. Rohtitsiʼióhakwe, nok wahatishátsʼtenne; rahtishátsʼthekwe ne tsi wahtirí꞉io ó꞉ni wahshakotisénni ne ronwahtishónskwe ne kenkʼthitoné꞉non.