Daniel 3:26 - Ohiatonhseratokénti

²⁶ Sók ne Nebuchadnezzar kanhohákta niahá꞉re ne teioʼthónhkwakwen karístatsi tanon iashakoná꞉ton, “Shadrach! Meshach! Abednego! Etshisewaioʼténhse ne kwáh thoʼsatstenhserowá꞉nen Rawenni꞉io! Tasewaiá꞉kenʼt!” Tánon kwáh óksaʼk tahatiiá꞉kenʼne.

Daniel 3:26 ပူးပေါင်းရင်းမြစ်များ

Genesis 14:18

Tánon ne Melchizedek né ronnontí꞉io í꞉ken ne Salem tahanaʼtarénhawe tánon otsí꞉tsa tahanekénhawe; ráonha ne ratsihènhstatsi kén꞉ne, ráonha roiotʼénhse ne Rawenni꞉io ne Kwáh É꞉neken Thótte.

1 Kings 8:51

Í꞉se shonkwetaʼshónhas, ronónha ne thetesheʼhiatinekénʼen ne Egypt nón꞉we, ethohʼnónhwe ne tehiotienhanón꞉hiani karístatsi íken.

Ezra 5:11

“Wathatirihwaʼserá꞉ko, ‘I꞉i ne shakwahiò꞉tenhse ne Rawenni꞉io ne tsi karonhiá꞉te ó꞉ni ne tsi ionhontsá꞉te, tánon ki tsionhkwanonhsonhnihátie Nononsatokentihkó꞉wa né꞉ne orihwaká꞉ion tsi nitkanonhsón꞉ni tánon tsi iekasonhón꞉ne ne wahón꞉nise tsi náhe tkénhne né꞉ne roshatstenhserowá꞉nen ronhnonhtí꞉io ne Israerró꞉nonke.

Psalms 66:12

Í꞉se waʼsehríhon ne ionkhíswenhs ne tahionkhihiatorahrákkon; tehionkwahtohétston ne tsi iotétkha tánon nawénhke; eʼthóhʼsáne thóh nón꞉we nontaskwahiathénhawe tsi nón꞉we niwaʼtenatowáʼnenh.

Isaiah 28:16

Ne káti wahón꞉ni tsi nihatónhnions ne Roiá꞉ner Ní꞉io, Satkátho, watsiéntatse tho nón꞉we Zion nahonhnitskwará꞉kwe onénhia, ne ne watenenhiátʼkenhse, ne ne kanenhianóron thenwatʼiosaién꞉taʼkwe, ne ne ioníron tsi enwaʼnitskwáhraʼkwe: “Ne tionkwé꞉ta nón꞉ka nentsiaʼkétakwe kwáh kíʼ iáh thaʼtahiakahonhnaríkʼkhon.”

Isaiah 52:12

Asèken kwáh iáh tshiaʼhonsehsewaʼiákenʼne ne kasterihénke, tánon kwáh ó꞉ni iáh tahiʼsewatèko; asèken ne Roiá꞉ner sewahénton enhaténhti, tánon ne raotiʼNí꞉io NʼIsraerʼró꞉nons sewaná꞉ken énh꞉re.

Jeremiah 11:4

Ne ne ateriwahsehronniátshera ne kheʼhionniénni ne sakothisotʼthonkonkénʼen ne ne sahthontatʼkhehiatínekenʼwe ne Egypt, nonhwénhtsia thóh niʼiotónʼne tsi ní꞉ioht ne kwáh tehiotsenhanonhiáni ne rahotiriwáhke. Kheró꞉ri nahionkewénhnarahkwe tánon éhtho nihatí꞉ier tsi niwahkatenná꞉hon. Kheró꞉ri tó꞉ka enhionkewénhnarahkwe, ronónha ne akonhkwetahshón꞉a enhónton tánon Í꞉i ne Raotí꞉io enkénhake.

Daniel 2:47

Né ronnontí꞉io waʼthorihwaʼserákwaʼse ne Daniel rá꞉ton, “Thí Rawenni꞉io tsi niká꞉ien ne ehtshénnaienhs, ne raonhá꞉ʼa thaʼshátste tsi nihá꞉ti ne niioʼokón꞉ʼa, raónha thieshakoiá꞉ner ne rotinontiióshon, tánon raónha ó꞉ni reʼnéhstha ne kariʼwahsehtánion. Né aorì꞉wa wahskwé꞉ni wahsheʼnikonhraién꞉tate ki kariʼwáhsehton.”

Daniel 3:17

Tókaʼ ne Rawenni꞉io tsi niká꞉ien ne shakwaioʼténhse rokwénion ne aonsahshonkwaiaʼtatáhko tsi tiotekhaʼkó꞉wa tánon ó꞉ni tsi nonkwá ne í꞉se saʼshatsténhsera, thó katiʼ nenhá꞉iere.

Daniel 4:2

Kwáh wakerienʼtí꞉ios nakonhró꞉ri ne iorihwanehrakwáhtenions ne Roʼshatstenhserowá꞉nen Rawenni꞉io rakerihotahshién꞉ni.

Daniel 6:20

Shiahárawe né eʼtho, kwáh thotónʼne iahoná꞉ton, “Daniel, raonátshera ne rónhnheʼón꞉we Rawenni꞉io! Átskwi ne Rawenni꞉io ne iorihwató꞉ken thioʼténhse, wahoteʼsennaién꞉taʼne ken ne ahiaiaʼtanónhstate tsi nón꞉we nikónnheʼs né kèn꞉reks?”

Daniel 6:21

Daniel tontaharihwaserá꞉ko, “Aiá꞉wens Sanontí꞉io aiónniseʼ ahsónhnheke!

Daniel 7:25

Kwáh enhoriwá꞉roʼse ne Roʼshatstenhserowá꞉nen Rawenni꞉io ó꞉ni tenhshakoʼnikonhkáriakte ne Rawenni꞉io raonkweʼtaʼshón꞉ʼa. Enhateʼniénten ne tahatá꞉ton tsi nikaianerenhseró꞉ten ne raotirihwiiohstónhtshera ó꞉ni tsi ní꞉ioht tsi tehontenónwerons, tánon ne Rawenni꞉io raonkweʼtaʼshón꞉a raónha raoʼshatsténhsera enthotiʼniarotárhoke né ne áhsen shaʼtsewahsén꞉non niiohserá꞉ke nenkarihwéshon.

Acts 16:17

Wahonwásere ne Kór tánon nonkwátiakes, tehiakohenrétane, “kíʼ ronʼnónkwe neh ronwahiótense nahonwa꞉a tohsatstenserowánen Rawenni꞉io! Neh rontʼróris onʼní꞉ioht tsi ahonsahseniákenʼne!”

Acts 16:37

Nók ne Kór wasakawénhaʼse ne rathiríthons, “Iáh tehiotetʼtsénrion neh thènen tahionkeniniósken꞉en, nek khikʼsáka wahonkhinonwáreke neh tsi ionkwéne—tánon Romeʼró꞉nons nahakenihiathóten! Ethò꞉ne tsi tiontatenothónkwa hiahonkhihiatónti. Tánon kíʼ ónen rónnere ahtaséthonke tsi ahonsahionkhiʼiatékwaʼte? Kwáh seh iáh! Nehne Romeʼró꞉nons rathiriwakweʼní꞉ios kén꞉en nenk thónne tánon ronónha entionkʼkhinothónko.”

Acts 27:23

Asèken tiokarása ne Rawenni꞉io raoronʼiakerónon tsi nikáien ne raónha rahonkwéta ni꞉i tánon ó꞉ni tsi nikáien ne risénnaiens wahatiatórenne

Galatians 1:10

Éhʼken ní꞉ioht tsi shí꞉ken ní꞉ioht ne kateniéntʼtha nakʼkwéni nónkwe ahionkeriwaníratʼtse? Kwáh iáh! Nahóten tewakathonwentió꞉ni nehne Rawenni꞉io ahakeriwaníratʼtse! Kateniéntʼta kén naksennowanénhake nonkwétake? Tóhkaʼ shékon ne kateniéntʼta neh naiáwenne, Iáh kíʼ tahihiotenséhake ne Kerístos.

Deuteronomy 4:20

Ók í꞉se kíʼ ne tsónhkwe ne tsi tsiʼsewaniakénton ne Egypt nónhwe, né꞉tho tehiotonʼkwanònhiani ioté꞉kha. Thatsisewahiaʼtínekenhwe natsiʼtsiónhnien ne raónha rahonkweʼtashón꞉a ahisewá꞉ton, tsi ki nónhwa ní꞉ioht nónhwa wenhniserá꞉te.

Joshua 3:17

Tsi nikarì꞉wes nonhkweshón꞉as thakéson rónhne tehothihiaiakonhátie iahontsiaʼténhen, ne rokhá꞉res ne rahá꞉wi ne Roiá꞉ner Rahoneró꞉kwa Naterihwaʼseronhniá꞉tshera tho í꞉wah iahontsiát꞉ten tsi nón꞉we niráthe né꞉ne shatekaniatharíhen ne Jordan kwáh tsi nió꞉re ratikwé꞉kon wathatihiá꞉iake.

Joshua 4:10

Ne rokhá꞉res thóh ratà꞉kwe ne satekaniataríhen ne Jordan tsi nió꞉re akwé꞉kon é꞉tho naháwenhne tsi ki nihorihónte ne Roiá꞉ner ne Joshua nashakohró꞉ri nonhkweshón꞉as tsi nahatí꞉iere. Ne kí꞉ken tsi nihotenhnàhon ne Mahís. Nonhkweshón꞉as watotisteríhen wathatiniatarihiáke.

Revelation 19:5

Tánon thóh anitskwárahne nontontewenhní꞉ne watónnions, “Teonwanonwerá꞉ton nón꞉kwa Ní꞉io, shewakwé꞉kon ne raonhatsherashón꞉as, tánon ratikwé꞉kon ne ronwatsánis, kénk nahiesenhnáske ó꞉ni nahiesennhowá꞉nenhake.”