Daniel 3:24 - Ohiatonhseratokénti

²⁴ Thontaiawénstsi ne Nebuchadnezzar iaʼthaniʼtsónhkwahkwe tsi nahorihwanehrá꞉ko. Washakoriʼwanóntonhse ne raonhaʼtsheraʼó꞉kon, “Iáh ken ne áhsen nihá꞉ti thaʼteietshinéntsteren ó꞉ni thiieietshiiaʼtóntion ne tsi tiotsenhowá꞉nen?” Waʼthatirihwaʼserá꞉ko, “Hen thoʼ niionkwaié꞉ren, Sanónti꞉io.”

Daniel 3:24 ပူးပေါင်းရင်းမြစ်များ

2 Chronicles 22:4

Waharihwánerahke tsi nòkwah ne Roiá꞉ner, tsioríhwa sarénheʼie ne ronikénʼen ronátiakes ne Ronontí꞉iokwe Ahab raowátsires né sonhwatenikonhráwiskwe, tánon né kíʼ wahá꞉sehre tsi nonhtahahiátenhne.

Daniel 3:17

Tókaʼ ne Rawenni꞉io tsi niká꞉ien ne shakwaioʼténhse rokwénion ne aonsahshonkwaiaʼtatáhko tsi tiotekhaʼkó꞉wa tánon ó꞉ni tsi nonkwá ne í꞉se saʼshatsténhsera, thó katiʼ nenhá꞉iere.

Daniel 3:23

Eʼthó꞉ne ne Shadrach, Meshach, tánon ne Abednego, shé꞉kon naʼtehatinéntsteren, kwáh shaʼtekatsenhíhen iahatiiaʼtakehrón꞉taʼne ne katsenhowá꞉nen.

Daniel 3:25

“Oh kátiʼ nontié꞉ren tsi kaié꞉ri nihá꞉ti khé꞉kenhs ronnenónties ne tsi iotékha”? wahariʼwanón꞉ton. “Iáh thaʼtehatinéntsteren, tánon iáh oʼthé꞉nen tewé꞉ne nahonatiaʼtátson tánon ne kaieríhaton teskaieróntare ne ieronhiaʼkehró꞉non.”

Daniel 4:22

“Kí karòn꞉ta, Sanontí꞉io, né ne í꞉se! Sakowanhà꞉on ó꞉ni saʼshatstenhserowannhà꞉onʼ. Ne tetsitsatié꞉ren ne kwáh karòn꞉tes ne iekaníharaʼs ne tsi tiohtsikerarónnion. Tánon ne saʼshatsténhsera tsik nonwéhshon non ne tsi ionhwentsiá꞉te iekaní꞉haraʼs.

Daniel 4:27

Eʼtho káti, Sanontí꞉io, tsé꞉na tsi nenkoniatenʼnikónron. Sáhtkawh tsi nisarihwanerenenhátieʼs, ne tho nátser ne tkarihwaié꞉ri, ó꞉ni saiéntak natanitén꞉ron tsi nonkwá꞉ti ne iakó꞉ten. Eʼtho꞉ne ienwatahshónteren naesaianeráhsten.”

Daniel 5:18

“Ne Roʼshatstenhserowá꞉nen Rawenni꞉io taháon ne iaʼníha Nebuchadnezzar ki kanakeráhsera tshiewakwé꞉kon naoʼshatsténhsera ó꞉ni ne kaiaʼtanehrakwáhtshera tánon ne nahahsennowánnha.

Daniel 5:6

Nó꞉nen ne ronnontí꞉io shahatkáhtho waʼthatskennentónten ó꞉ni kwáh í꞉ken tsi wahoteronhiénhten kwáh waʼthosiníshonkwe.

Daniel 6:22

Ne Rawenni꞉io né rihsénnaiens, tahotó꞉ri né raronhiaʼkehró꞉non né ahshakóhskweke né kèn꞉reks né ne tóhsa akatkaréwahte. Né aorì꞉wa eʼtho nahá꞉iere né tsi roterién꞉tare tsi iáh tewakennhìkon tánon ó꞉ni iáh thé꞉nen tekonʼnikonrhaʼtén꞉ni, Sanóntí꞉io.”

Daniel 6:7

Iakwakwé꞉kon ne ionkwaióʼte ne sanontiioʼtsherá꞉kon, né ne shakonatenʼnikonhrahsonterá꞉nis, né ratikoráhshon, tánon né ieshonwatiiátanonhne, ó꞉ni né ronatiaʼkéhshon ronaterihónton, iaʼtionkwarihwaién꞉taʼse, Sanontí꞉io teiotonhontsóhon né ahshiatonhserón꞉ni tánon kwáh aiorihwahnirónhake. Kwáh í꞉tsaʼk né ne áhsen niwáhsen niwenhniserá꞉ke kwáh tóhsa ónhka aiakoianerenhseraiéntake né thé꞉nen ne aionterénnaien tsi nokwá ne thikaniiohserá꞉te non naontá꞉we tókaʼ ó꞉ni ne onkwehshón꞉ʼa nokwá naontá꞉we, nok kwak nek khók né sanontiióhne nokwá꞉ti naontá꞉we. Onk ónhka entsontèwahte kí kaianerénhsera, tsi tionatshónwaien ne kèn꞉reks ieniontatiaʼtón꞉ti.

Acts 12:13

Tiér átste tahanóahiake, tánon neh ieʼnhátsera Rhoda iontátʼtias kanohákʼtha niahá꞉en.

Acts 26:13

Neh owahakéson ne entié꞉ne síkare, Sanontí꞉io, wakatʼkátho sénha teioswátʼte tsi ní꞉ioht ne karákwa, tsi karonhiáte nontáwe tánon wationkwá꞉wanake neh ronhnónkwe ne skát꞉ke ionkwatʼtahitákene.

Acts 26:27

Sanontí꞉io Agrippa, tesetákwa ken ne roʼnatiatatkonkwe? Wakateriéntare tsi tisetákwen!”

Acts 9:6

“Téstann tánon kanáthakon niaháse, thohʼnónwe enʼtiesaróri onhnénshieʼre.”

1 Samuel 17:55

Nó꞉nen ne Saul sahó꞉ken ne Táwit iahahiákenhne niahotiatónhti ne Philistiaró꞉non, ne raón꞉ʼa wahawénhase ne Abner, ne ne rateriʼioserakweʼní꞉io ne raotsió꞉kwah ronterí꞉ios, “Ne Abner ónhka ronhwahʼién꞉a kí꞉ken kén nithoiónha?” Ne Abner wahén꞉ron, “Ne satónnhets tsi nihión꞉nhe, Ó Sanontí꞉io, Iáh tewakateriéntare.”