Daniel 3:20 - Ohiatonhseratokénti

²⁰ Tánon ó꞉ni wahatén꞉naʼne né ne kwáh thatiʼshátstes ne raonkwè꞉ta ne ronterí꞉iohs ne tahshakohshiʼtánerenke tánon tahonwatinéntsterenke ki áhsen nihá꞉ti tánon iashakotiiaʼtón꞉ti tsi tiotekhaʼkó꞉wa.

Daniel 3:20 ပူးပေါင်းရင်းမြစ်များ

Daniel 1:7

Ne rentiohkwakweʼní꞉io à꞉se sahshakohsennawíhon: Belteshazzar, Shadrach, Meshach, tánon Abednego.

Daniel 3:15

Ó꞉nen káti, tsi niiohstó꞉re ensewathón꞉teʼne nenwatewennó꞉ten ne iehonrawátstha, ne oná꞉kare, oʼnówa, ne oʼnowaʼkó꞉wa, ne karensotarahrónnion tánon oiáʼshon niiohtánions ne ionterennotahkwaʼshón꞉ʼa, tesewatshá꞉ket tánon sewahsénnaien ne kaiaʼtón꞉ni. Tánon tókaʼ iáh eʼtho thaeʼsewá꞉iere, kwáh kiʼ óksaʼk ienietshiiaʼtón꞉ti tsi tiotékha. Í꞉sewehre ónhte ken tókaʼ seʼnón꞉wa oknahaniiohseró꞉ten nahakwé꞉ni nahʼtshisewaʼniá꞉kenhte?”

Daniel 3:19

Eʼthó꞉ne ne Nebuchadnezzar iahótonse tsi nahonákhwen, tanon ne rakonhsà꞉ke kwáh onekwénhtara naʼáwenʼne tsi nahshakonákhwaʼse ne Shadrach, Meshach, tánon ne Abednego. Sók ki wahatén꞉naʼne tsá꞉ta niiorí꞉wake sénha ahonʼtharihá꞉ton ne karístatsi.

Daniel 3:21

Sók kiʼ wahonwatí꞉nerenke, tiehonatsherón꞉ni raonatiá꞉tawi, ne waʼkóhses, tsehonanonhwaró꞉ron, tánon ó꞉ni ratikwé꞉kon iahonwatiiaʼtón꞉ti tsi tiotsenhowá꞉nen karístakon.

Acts 16:23

Nónen kwáh éhʼtho tsi nahonwathirióshion, tsiontatenonthónkwa hiahonwathihiatónti, tánon wahonwaróri ne shakonóthons kwáh ioriwanirónhak tsi shakonóthon.

Acts 16:25

Kák꞉non ne sihwasóntʼthen ne Kór tánon ne Silas ronaterénnaien ó꞉ni tehonwariwákwaʼse ne Rawenni꞉io, tánon ne ronátiakes ne rathinóton ronwanatahónsate.