Daniel 3:17 - Ohiatonhseratokénti

¹⁷ Tókaʼ ne Rawenni꞉io tsi niká꞉ien ne shakwaioʼténhse rokwénion ne aonsahshonkwaiaʼtatáhko tsi tiotekhaʼkó꞉wa tánon ó꞉ni tsi nonkwá ne í꞉se saʼshatsténhsera, thó katiʼ nenhá꞉iere.

Daniel 3:17 ပူးပေါင်းရင်းမြစ်များ

Genesis 17:1

Ne nó꞉nen ne Abram tióhton niwáhsen tánon tióh-ton shaʼtehaohseriiá꞉kon, ne Roiá꞉ner wahototáhshien ne Abram tánon wahawènhahse, “I꞉i ne Ní꞉io wakeʼshaststenhserowá꞉nen; takewèn꞉narahk tánon kwáh tóhsa ohthé꞉non iesarihwatshènriaʼs.

Genesis 18:14

Thénen ónhte kenh sóh꞉tsi wentó꞉re ne Roiá꞉ner raorihwá꞉ke? Tsi niekaná꞉ton Kwáh téntke tentkoniatkenʼsé꞉ra, né꞉ne kokwité꞉ne nenkahá꞉wike, tánon ne Sarah roskenʼrakéhte eniakonekenhteronʼtsheraién꞉take.”

Job Tánon ne Raoronhiakensera 34:29

Nó꞉nen sák tishotatón꞉ni, ónhka aiekwé꞉ni naieriwaká꞉tate? Nó꞉nen rotkonshasé꞉ton, ónhka aiekwé꞉ni nahonwá꞉ken? Tó꞉ka ken ken tiokwakwé꞉kon akénhake khéhs tionkweʼtátions khók?—

Job Tánon ne Raoronhiakensera 5:19

Kwáh enhiaiatanónsthate ne iá꞉iak nihiorì꞉wake ahisateraskwáksenhne; ne tsatá꞉khaton nienwatéraste iáh thaóthen ne kakaronhniá꞉tshera tiahisaié꞉na.

Psalms 115:3

Nón꞉kwah Ní꞉io karonhiáke nón꞉we thénteron; thóh nihaiéra kwáh tsi nenhthanón꞉wehne.

Psalms 37:39

Ne Roiá꞉ner shakonónstats ne tionkwetaiéri tánon teshakóʼnhes nónen thé꞉nen tekanikónrahre.

Psalms 37:40

Shakoiénawashe ó꞉ni shakoniakéntha; shakotiaʼtatiskwáhtha tsi nòkwah ne rotiriwahneraʼákskon, tsoríhwa tsi raonháke nieiéntha nahiontekwáhsen.

Psalms 73:20

Né ronhnonkwetaʼhétkens thóh nihatihiathó꞉tens tsi ní꞉ioht ne kwáh kasehrenhtákʼsen éhʼren tsawé꞉ton nó꞉nen enhíe꞉ie nonhrón꞉keʼne, enkhenikónren nó꞉nen í꞉se Saiá꞉ner entèseh tánon nastsiatakèna.

Isaiah 12:2

Oriwiʼiohónwe ne Ní꞉io tsi né natsatakeʼnátsera í꞉ken; kwáh kí enhini tánon iáh kí tahónteronhne, asèken ne Roiá꞉ner rahónha rakeshatstenhseráwis ó꞉ni ne nakerénhna; rahónha ne rotónhon natsatakeʼnátsera.

Isaiah 54:14

Karihwaʼkwarishiontsherákon ní꞉se nón꞉we nenhsarihwaníronhke; ní꞉se ahí꞉non nió꞉re enteshé꞉seke naʼiesanikonraronhiákente, asèken ní꞉se iáh tahisaterónhseʼke; tánon nahontáwe ne katerontserowánen, asèken iáh tsatákʼta tahontáhwe.

Jeremiah 1:8

Tó꞉sa setʼtsaníhsek, asèken entenikwekónhake nahontáhkonhke, Í꞉i, ne Watiá꞉ner wahkahtáti!”

Jeremiah 15:20

Kwáh enkonhiasonthónnien ne iohníron otsínekwar tehiowístahron karísthatsi enkénhake tsi nióre ne ne rónnhereh eh nenhiáwenhne. Ensehwaterí꞉io, ók iáh kíʼ tahieshaʼsénni. Kwáh entenikwekónhake nahonthakónhne ó꞉ni nakonhiathanónhsthate.

Jeremiah 15:21

Kwáh enkonhniákente tsi nòkwa ne rahotishastsʼténseras ne ionkwetahétkens ó꞉ni ne ratinahthakárias. Í꞉i, ne Watiá꞉ner, wakatáhti.”

Daniel 3:26

Sók ne Nebuchadnezzar kanhohákta niahá꞉re ne teioʼthónhkwakwen karístatsi tanon iashakoná꞉ton, “Shadrach! Meshach! Abednego! Etshisewaioʼténhse ne kwáh thoʼsatstenhserowá꞉nen Rawenni꞉io! Tasewaiá꞉kenʼt!” Tánon kwáh óksaʼk tahatiiá꞉kenʼne.

Daniel 4:35

Ne ronnonhwentsakehró꞉non kwáh iáh thé꞉nen karí꞉wa té꞉ken tsi tehshakoká꞉nere; ratironhiaʼkehró꞉non tánon ne ronnonhwentsaʼkehró꞉non kwáh ratikwé꞉kon raónha tehshakoniarotárhon. Iáh ónhka thaiekwé꞉ni ne tahonwátahste, tókaʼ ó꞉ni ahonwariʼwanóntonhse onhnihatiérha.

Daniel 6:16

Sók kí ne ronnontí꞉io washakónhaʼne ne raonnhaʼtsheraʼshón꞉a, iehonwaiaʼténhawh ne Daniel tánon tsi tkontì꞉teron né kèn꞉reks iehonwaiaʼtón꞉ti. Nok wahawénhase ne Daniel, “Aiá꞉wens né Saní꞉io, tsi niká꞉ien ne tsi nisarihwató꞉ken tsi ehtíoʼténhse, ne aonsahiaʼniákenhte.”

Daniel 6:23

Iáh thiaierihwáhewe tsi nahatshennón꞉ni ne ronnontí꞉io tánon washakóhnhaʼne né raohnhaʼtsheraʼó꞉kon né aonsahonwaiaʼtitáhko ne Daniel né ohshónwakon. Sók kíʼ sahonwaiaʼtitáhko, tánon wahontkáhtho tsi kwáh iáh thé꞉nen tehotkarewáhton, né tsi Rawenni꞉io roniahé꞉sen.

Daniel 6:27

Shakonónhstats tánon shakoʼniakénhtha; né roióʼtens né iorihwanehrákwa tánon né iorihwanehrakwahténions, né karonhià꞉ke ó꞉ni onhwentsià꞉ke. Sahoniá꞉kenhte ne Daniel, né kèn꞉reks ahonwaiaʼtaratsónkwen.”

Micah 7:7

Ók kíʼ ní꞉i, kwáh kíʼ iatenhikanérake ne Roiá꞉ner, kwáh kíʼ enhihiateráhrate ne Roiá꞉ner, rahónha natiatakená꞉tshera í꞉ken; náhke Ní꞉io enhakaʼthón꞉tehne.

Luke 1:37

Aseken iah ki othenon tahonoronse ne Niio.

Acts 20:24

Kheʼrenkátiʼken ni꞉i tsi kónʼnhe iáh thé꞉nen satèkena tèken; nek khók níhkere ne hiatakókʼten ó꞉ni niákʼsa kíʼ ken kahioténsera tsi nithakáwi ne Roiá꞉ner Ié꞉sos, nahkateriwatsʼtéristhe, nehne akatʼróhri ne kariwí꞉ios nehne tsi nithoriwaiéri ne Rawenni꞉io tsi nókwa nonkwesónhas.

Acts 21:13

Nók wahtariwaseráko, “Nisewatsérah, kíʼ ní꞉ioht tsi tesewasénthos ó꞉ni teskweriasarítha? Iáh nek khók tèʼken tsi wakatateweiennentáʼon nahionkʼnerénken ne Jerusalem nónwe nók kíʼ ó꞉ni ne kwáh thóh nónwe iakíʼheie ne rahoriwá꞉ke ne Roia꞉ner Ié꞉sos.”

Romans 8:31

Tsi akwékon kíʼ neh tewanontónʼnions, onh nahóten aihtewahkwéni aihtewénron? Tóhkaʼ neh Rawenni꞉io tewakwékon, ónhka káti aiekwéni nahionkihiatʼkónten.

2 Corinthians 1:10

Rawenni꞉io sahshonkwaiá꞉tako tsi ní꞉ioht tsi teionkwatenharenʼronhkwén꞉ni ne kenhé꞉iat, ó꞉ni kwáh orihwí꞉io waʼatión꞉ni tsi shé꞉kon eh nenhsáh꞉iere.

Hebrews 7:25

Tánon káti rohkwénion, nónwah ó꞉ni tiókonte, nashakoniákente tsi nihiákon né rahonháke nónwe nién꞉ien rahohénton ne Ní꞉io, tioríhwa tsi ronnhehónwe nahoniténtase ne Rawenni꞉io ne rahotirihwáhke.

1 Samuel 17:37

Ne Táwit wahén꞉ron, “Ne Roiá꞉ner, tsi raón꞉ha sakenonsthá꞉ton ne washitáhke ne kénreks tánon ne rashitákes ne okwáhri, kwáh kiʼ enhakenónsthate tsi nó꞉kwah ne ratsanáke ne kí꞉ken Philistiaró꞉non.” Káti ne Saul wahawénhase ne Táwit, “Wáhs, tánon aiá꞉wens ne Roiá꞉ner ahiʼsenikwekónhake!”

1 Samuel 17:46

Kwáh nón꞉wa wenhniseráte ne Roiá꞉ner kwáh entʼiátʼkawe thóh katiá꞉nake, tánon ní꞉i kwáh enkonhiatiénenhte tánon enkonhnontsístsiaʼke; tánon kwáh ne entekhéhion notsitenhó꞉kons ne tsi ioweráhre kontítses ne ronenhé꞉ions raonenheiónhtas ne Philistiaró꞉nons ronterí꞉ios ne ne kwáh nón꞉wa wenhniseráte ó꞉ni ne kontírios kontitshénen ne tsi ionwenhtsá꞉te, ne ká꞉ti nohontsakwékon aiá꞉wens ahonateriéntahrane thóh nón꞉we Israeronónke tsi Rotiniʼioseraiénhse,