Daniel 2:45 - Ohiatonhseratokénti

⁴⁵ Ne ki tsi nikéntonhs, tsi wahsatkáhtho né onén꞉ia tonnitstén꞉riaʼke tsi tionónte. Né ne kwáh iáh ónhka kenʼ thieiakoié꞉ren, tánon waʼtiaón꞉ko ne kaiaʼtón꞉ni né karístatsi ionnià꞉ton, tánon né otsí꞉nekwahr nikaristò꞉ten, ionawaʼtstaʼkarí꞉io, tánon ne kahwistarà꞉ken, ó꞉ni ne ohwistanó꞉ron. Rawenni꞉io ne roʼshatstenhserowá꞉nen iahró꞉ris Sanontí꞉io, tsi neniawénhseron tánon tsi nahò꞉ten tá꞉we, waʼkonhró꞉ri kwáh tsi ní꞉ioht tsi satetshénʼen, ó꞉ni takónnion tsi nahò꞉ten kentonhs.”

Daniel 2:45 ပူးပေါင်းရင်းမြစ်များ

Genesis 41:26

Ne tsá꞉tak nikón꞉ti tiohnhónskwaronʼs ne kontiiaʼtí꞉ios ne ne tsá꞉tak niiohserá꞉ke, tánon ne tsá꞉tak niionorén꞉ton nonátsaʼs ne ó꞉ni ne tsá꞉tak niiohserá꞉ke; ne atetshènhsera kwáh kiʼ ne shaʼkaserènhta í꞉ken.

Genesis 41:28

Kwáh tho ní꞉ioht tsi wahihró꞉ri ne Pharaoh; Rawenni꞉io wahorihotáshien ne Pharaoh kwáh tsi nenhá꞉hiere.

Genesis 41:32

Tánon tsi naʼtekahná꞉ne ne Pharaoh raotetshènhsera kenʼ kiʼ nikén꞉tons nétho naʼkarihó꞉ten tsi Rawenni꞉io tho nihokwatákwen, tánon ne Rawenni꞉io kwáh iostó꞉re tho nenhá꞉iere.

2 Samuel 7:22

Asèken oriwiʼiohónwe ní꞉se tsi tiennowáhnen, O Saiá꞉ner Ní꞉io; asèken iáh ónka naonsaiesaiérenhke, tánon oriwiʼiohónwe tsi shonháhak khók ne Ní꞉io í꞉ken, ne taioiawénhawe akwé꞉kon tsi nihionkwarón꞉ken ne karihwanírats.

1 Chronicles 16:25

Né Roiá꞉ner tsi nihoshastsʼtenserowáʼnen tánon kwáh kíʼ í꞉ken tsi tahonwanonhweʼráhton; kwáh ishiʼnónwe sénha tsi ahonwaʼkwénienste tsi ní꞉ioht nakorénsons ne niʼiohokónhas.

Nehemiah 4:14

Eʼthó꞉ne iakatkáto tánon watettane tánon wahiién꞉hase ne rasennowá꞉nen tánon ne ratikoráhsons tánon ne ronátiaʼkes nonkweshón꞉as, “Tó꞉sa ietsittsánitsek. Tsi sewehiá꞉rak ne teotenonhianì꞉ton tánon rohiatanerákwat Roiá꞉ner, Tánon ietsiiaterí꞉ios ne sewathatekenokónhas tánon ne sewanekenteronhtsherashón꞉as tánon ne ietsiioʼokónhas tsonattonwí꞉sens tánon ne sewaniátkons tánon ne tsi sewanonshó꞉tons.”

Nehemiah 9:32

“Tánon nón꞉wa, ne Ní꞉io, né꞉ne teotenonhianì꞉ton tánon rashátste tánon teotenonhianitonhkó꞉wa Ní꞉io, raónha rohnóns꞉te naterihwasheronhniá꞉tshera tánon torihwaié꞉ri, tó꞉sa ne shón꞉ni ne kenk nakonhà꞉ke ne karonhiakénhsera akwé꞉kon ne karonhiakénhsera ionkwahrá꞉hon, ó꞉ni ne rotirá꞉hon nonkwahnontí꞉ios. Ó꞉ni rotitokénhses, ó꞉ni ne ionkinihó꞉kons tánon rotirá꞉hons ratikwé꞉kon ne shonkweʼtashón꞉as tsi ná꞉he tiotáhsawe shiohnhatenhniseraténionskwe ne rontinontí꞉ioskwe ne Assyria nón꞉we tsi niió꞉re nón꞉wa wenhniserá꞉te.

Job Tánon ne Raoronhiakensera 36:26

Orihwiiohón꞉we ne Rawenni꞉io tsi teotenonhianì꞉ton, tánon iáh tetsitewaienté꞉ri; tsi nahontahó꞉ionke iáh thahónton naierihwí꞉sake.

Psalms 135:5

Asèken wakateriéntare ne Roiá꞉ner tehotenonhnianíton; nonkwaiáner éhʼneken satotohesténhni ratikwékon ne niʼiohokónhas.

Psalms 145:3

Tehotenonhianíton ne Roiá꞉ner, tánon teiotonhontsóhon ne iawetatʼtsáni tsi tahonwanonhweratónhsehke; tsi natehotenonhianíton iáh thahónton ne kwáh iakaiérike aiakonikonhraiéntaʼne.

Psalms 2:9

Kwáh thenséhiake karísthatsi enshathenhnitseronhniáthakwe né꞉ne tehioristhónton tsi iehiótʼte, kénk níwas tsi tesheiatʼthókwat tsi ní꞉ioht ne otára kátshe.”

Psalms 48:1

Rahiatanoronkówa ná꞉ha ne Roiá꞉ner tánon tehiotonhontsóhon ne aʼiawetowanénke tsi ni꞉ioht tsi tahonwaʼnonweráton thóh raonátakon nonkwaNí꞉io. Né raonontatokentíke,

Psalms 96:4

Né Roiá꞉ner tsi nihoshastsʼtenserowáʼnen tánon kwáh kíʼ í꞉ken tsi tahonwanonhweʼráhton; kwáh ishiʼnónwe sénha tsi ahonwaʼkwénienste tsi ní꞉ioht nakorénsons ne niʼiohokónhas.

Isaiah 28:16

Ne káti wahón꞉ni tsi nihatónhnions ne Roiá꞉ner Ní꞉io, Satkátho, watsiéntatse tho nón꞉we Zion nahonhnitskwará꞉kwe onénhia, ne ne watenenhiátʼkenhse, ne ne kanenhianóron thenwatʼiosaién꞉taʼkwe, ne ne ioníron tsi enwaʼnitskwáhraʼkwe: “Ne tionkwé꞉ta nón꞉ka nentsiaʼkétakwe kwáh kíʼ iáh thaʼtahiakahonhnaríkʼkhon.”

Daniel 2:24

Sók ne Daniel tsi í꞉trate ne Arioch niionsáre, tsi niká꞉ien ne ronnontí꞉io ronnháʼon ahshakononhwariákhon né kanontiióʼtshera sakonateʼnikonhrá꞉wihs. Waʼhawénhahse, “Tóhsa shenonwahrià꞉khon. Iaʼtatiaʼténhawh né ronontiió꞉ke, tánon í꞉i enhihró꞉ri tsi nahò꞉ten kéntonhs né raotetshénhsera.”

Daniel 2:28

Ne ók ne Rawenni꞉io karonhià꞉ke thén꞉teron, raónha rotáhshions ne kariʼwahséhtánion. Iatokaʼtén꞉ni Sanontí꞉io tsi neniá꞉wenʼne ne kenʼ eniótiehte. Ó꞉nen kiʼ enkonhró꞉ri ne atetshénhsera, tsi nahsatkáhtho tsi náhe séntahskwe.

Daniel 2:29

“Tsi nikarì꞉wes Sanontí꞉io séntahskwe, wesatétshen tsi neniá꞉wenʼne né kenʼ eniotiéhte; tánon Rawenni꞉io, tsi niká꞉ien ne reʼnéhstha ne kariʼwahséhton, wahianaʼtónhahse tsi neniá꞉wenʼne.

Daniel 2:44

Né꞉ʼe nenkahá꞉wike né ratikoráhshon tsi ionhwentsiá꞉te né Rawenni꞉io ne karonhià꞉ke enhanakerahserón꞉ni né ne iáh nonwén꞉ton thiiaontókten. Iáh ó꞉ni nonwén꞉ton thiiakonwaʼshén꞉ni, nok kwáh ienkakóntahkwe tsi eniakotkóntenʼ né ó꞉ia raotinakeráhsera tánon eʼthó꞉ne tsi nén꞉we tsi enkatátie.

Daniel 8:25

Ne tsi nihatsítsho, raweienáksen kwáh ki enhoterihwahténtiaʼse. Enhatatonníheke ó꞉ni iakotiohkowá꞉nen enshakoʼwéntho ne kwáh iáh oʼthé꞉nen thaontontró꞉ri. Kwáh ó꞉ni enhonenhróthase ne kwáh thaʼshátste ronnontí꞉io, né ne Rawenni꞉io. Rawenni꞉io kiʼ ne enhóhtonte né ne kwáh iaʼtenhoiáʼtihste.

Haggai 2:22

tánon enkheshatstenhseráhkhwa tsi kanonhtiiotsheraké꞉rons; kwáh enkatónhte ne raotishatsténhseras ne tsi ratinontiiotsherakérons tánon enkatónhte notiónhkwas ó꞉ni né꞉ne rontihonwí꞉seres; tánon ne akoshá꞉tens ó꞉ni ne rotishá꞉tens kwáh kí enhonhní꞉heie, satihiatatʼtions né꞉ne raosarekó꞉wa ne atatekénhsera enhontirhió꞉te.

Zechariah 12:3

Ók nó꞉nenh ienkáhewe, kwáh ne enkonhiá꞉te ne Jerusalem tsi ní꞉ioht ne ionenhiáste—nakentiokó꞉ten ahonteniénten tahónhnekwe enhothikaré꞉wahte. Kwáh kanenrahkwé꞉kon ne tsi ionwenhtsá꞉te enʼthonténrohwe ne iakonhwatiaʼtón꞉ti.

Malachi 1:11

Aseʼkénh kwáh tsi nentkarahkwínekenʼne tsi nienhskaráhkwenʼne tsi tshennowá꞉nen ne tsi ienakerénion ne ronnonhontsaʼkehró꞉nonʼs, tánon kwáh tsik nonwé꞉sonʼs tsi enieienʼkwarotónnion nakhsèn꞉nakon, aseʼkènh nakhsèn꞉na tsi kahsennowá꞉nen í꞉ken ne tsi ratinakerénionʼs ne ronnonhontsaʼkehró꞉nonʼs, Rá꞉ton ne Sakoiá꞉ner ne ratironhiaʼkehró꞉nonʼs.

Matthew 21:24

Tontasakoȣennaȣeron, nok ȣahenron: Tsioriȣat oni nii enkȣariȣanontonse toka enskȣarori ethone ki oni nii enkȣarori kah niteȣakȣeniatserenha tsinitierha nonȣa.

Matthew 24:35

Karonhia Onȣentsia entiatohestste, kenh kaien nakeȣenna iah neneh nonȣenton tiiaontohestste.

Luke 17:20

Onen oni Pharisian ȣahonȣariȣanontonse, katke enȣaȣe ne Niio raonakerasera, tontasakoȣennaȣeron, ȣahenron: iah nah sotsi ok ihnon, taontontrori nonen enȣaȣe ne Niio raonakerasera.

Deuteronomy 10:17

Ne Roiá꞉ner sewaNí꞉io raónha ne kwáh thóh shatstenhserowá꞉nen tsi nokwáh ne nihioʼokón꞉as ó꞉ni tsi nokwáh ne raotishatsténhseras. Tehoshatstenhseranónhiani, tánon ó꞉nenk tsi enhonwawénhnaraʼkwe. Iáh ká꞉neka teʼthariwaráhkwa, akwé꞉kon ne raoiatoreʼtá꞉tsheras tsi tkariwaié꞉ri.

Revelation 1:19

Ó꞉nenh kíʼ shiá꞉ton tsi nahó꞉ten wasatkáto, tsi nahó꞉ten í꞉ken, tánon tsi nenhiáwenhne ne ken enhió꞉tsete.

Revelation 19:17

Eʼthó꞉ne wahí꞉ken raronhiakeró꞉non karáhkwake í꞉rate, tánon rowenhnakaré꞉ni tsi iasakonónke ratikwé꞉kon notsitenhokónhas ne ratiwerókwas ne ratítses è꞉neken tsi iowé꞉rare, “Káts, sewanitsiokwaró꞉rok ne kowá꞉ne rokwáhere ne Ní꞉io,

Revelation 4:1

Onakénhke kíʼ wakatkáto, tánon tho karonhiá꞉ke watewatenonhón꞉ti! Tánon ne tontié꞉renhte nowén꞉na, tsi ne né꞉tho onkathón꞉teʼne wakʼthará꞉ni kwáh né꞉ne ieonrawátstha, wá꞉ton, “Kén꞉en taserákthen, tánon í꞉i enkonhnatónhase tsi nahó꞉ten ó꞉nenk tsi thóh nenhiá꞉wenhne nonakénhke kí꞉ken.”