Daniel 2:42 - Ohiatonhseratokénti

⁴² Ne ohiakwí꞉ra—ohstónha karístatsi tánon ionawaʼtstahkarí꞉io tekaiéhston—né nenʼné꞉ʼe kéntonhs tsi iokwenhrá꞉ron né tsi kanakerahserá꞉ien enkaʼshátsteke tánon eniokwenhrá꞉ron tánon eniotsiʼióʼhake.

Daniel 2:42 ပူးပေါင်းရင်းမြစ်များ

Daniel 2:41

Tánon ó꞉ni wahsatkáhtho tsi tewahsiʼtónton ó꞉ni tsi tewahiakwirón꞉ton né kaiaʼtón꞉ni tekaiéston né ionawatstahkarí꞉io tánon ne karístatsi. Ne nenʼné꞉e kéntonhs ne onkwehshón꞉ʼa tsi iáh shahotirí꞉wa thakénhake, ká꞉roʼ nikaʼshátste tsi ní꞉ioht né karístatsi, áseʼken karístatsi tánon ionawaʼtstahkarí꞉io tekaiéston.

Daniel 2:43

Tánon tsi wahsatkáhtho né eʼtho karístatsi tsi tekaiéhston ne ionawaʼtstahkarí꞉io. Né ne kéntonhs né ratikó꞉ra né꞉ʼe nón꞉we nikanakerahserá꞉ien enhonteʼnién꞉ten né ahshakotihweʼnón꞉ni né raotihwà꞉tsire tsi naʼtehonatateniaktén꞉ni, ók iáh kiʼ thahonaterihwahténtiaʼse, iáh sénha tsi kiʼ ní꞉ioht né karístatsi tánon ne ionawaʼtstahkarí꞉io tekáiehston.

Daniel 7:24

Thí oié꞉ri nikanaʼkará꞉ke né ne oié꞉ri nihá꞉ti rotinontí꞉ios ronnónha enthatiniarotárhoke ne tsi kanontiioʼtsherá꞉ien. Eʼthó꞉ne thiháte ronnontí꞉io enshatotáhsi; kwáh ne í꞉ken tsi thiháte tsi ní꞉ioht ne thotihén꞉ton, tánon enhshakoʼshén꞉ni ne áhsen nikanontíioʼtsherá꞉ke.

Revelation 13:1

Tánon waʼhí꞉ken katsinoniowá꞉nen tahoteskokonhá꞉tie ne kaniatarakeʼkowáhne, oié꞉ri nateonaká꞉ronte tánon tsá꞉ta nihonontsístonte; tánon thóh ranakará꞉kes kaʼhé꞉re oié꞉ri niwanonwarotserá꞉kes, tánon thóh ranontsí꞉nes kasenhnarónhnions ne ronwanikonratsáta ne Ní꞉io.