Daniel 2:4 - Ohiatonhseratokénti

⁴ Waʼthonwarihwaʼserákwaʼse ne ronnontí꞉io né ne Aramaic kawennontáhkwen wáhontste, “Sanontí꞉io tsi nén꞉we sónnhek! Takwahró꞉ri ne satetshénhsera, tánon enkwaʼnikonhraientáhten.”

Daniel 2:4 ပူးပေါင်းရင်းမြစ်များ

Genesis 31:47

Ne Laban Jegar-sahadutha wahahsèn꞉non: ók kíʼ ne Jacob Galeed wahahsèn꞉non.

Genesis 41:8

Katíʼ né siiohrhónʼkehnéha kwáh í꞉ken tsi tehotateʼnikónhrhare; katíʼ iahshakotó꞉ri naontahonwatiiaʼténhawe tánon iahshakohnónkhon ratikwé꞉kon ne tehontkónhstha ne Egypt nón꞉we tánon ratikwé꞉kon ne rontkónhstha. Ne Pharaoh wahshakohró꞉ri ne raotetshènhseraʼs, ók iáh kiʼ ónhka tehotikwénion nahonwaʼnikonhraientahtén꞉nike ne Pharaoh raotetshènhsera.

1 Kings 1:25

Kwáh ónhwa wenhnisehráte ehniehawénon tánon sakoteskónhtha rohnatsokowánen tèro, teiotinakaronhtónʼas, tánon ne ionarésenhs tiohnhónskwahrons owíras. Rathikwékon sakohonhkaráwi ne sehiohonkónhas, tánon ne Joab ne raterihiosehrakweʼní꞉io sonhkwéta, tánon ne Abiathar ne ratsihénstatsi, tánon kwáh ónhwa thóh nahthekhwáhere skát꞉ke ne rahónha tánon tehothihenrénhtha, ‘Karíhwes rónnhek ne ronhnonhtí꞉io Adonijah!’

1 Kings 1:31

Ne Bathsheba ehtàke watewakʼtsákeʼte tánon wakénhron, “Aiáwens Natiáner ne ronhnonhtí꞉io karíhwes arónnheke!”

2 Kings 18:26

Ethòne ne Eliakim, Shebna, tánon ne Joah wahonwaró꞉ri ne rasenhnowánen, “Aramaic satewenhnón꞉tat tsi takwátharas, shénʼshion. Iakwahrónkʼkha. Tó꞉sa Hebrew satewenhnón꞉takwa; onhkweʼtakwékon ne tsi watehenró꞉te í꞉iens iakothónte.”

Ezra 4:7

Tánon shé꞉kon ne tsi iahonhnonhtí꞉ione ne Rakó꞉raʼkwe Artaxerxes ne Persia, ne Bishlam, Mithredath, Tabeel, tánon ne tehothiienawá꞉kons iahonwahiá꞉tonhse ne rakó꞉ra. Ne kahiatónhsera Aramaic kahiathonkwentánon káti ó꞉nenk tsi tekawenhnathénionhke nó꞉nen enkawenhnanó꞉thake.

Nehemiah 2:3

Tánon wahiièn꞉hase ne ronnontí꞉io, “Aiá꞉wens ne ronnontí꞉io karí꞉wes arón꞉nheke! Ohnontié꞉ren ne konksáke ne tó꞉sa ahontahionikonrénhen, Nónh ne kanatowanénhke tsi nón꞉we ne rakeʼní꞉ha ní꞉ken ne raotsatónhkwa, kwáh iáh othé꞉non tèken tánon nahʼtenhenrashón꞉as ótsire ne ioʼtsaháton?”

Isaiah 36:11

Ethó꞉ne ó꞉nenh ne Eliakim, ó꞉ni ne Shebna, tánon ne Joah wahonwén꞉hase Rabshakeh, “Asatʼtónhtate né sehiatewenhnontákwen ne Aramaic, asèken né ionkwahnikonraiéntas; tó꞉sa ne takwahtewenhnontáhkwen ne raoʼnahronkhátshera ne Judah né niahonathónhteʼne nonkweshón꞉has ne tsi tekanenhiaserón꞉nion ratitsʼkwarónhnion.”

Isaiah 44:25

ónhka sakonikonrá꞉rhios tsi nihontewenhnakaʼrátats ne rotinó꞉wenhs, tánon sakononwarorihtón꞉nis ne tehontkónsthas; ónhka tesehsakoʼkaraténies ne rontiʼnikonratʼtókas, tánon ne ronhniá꞉tha ne raonatʼthokhátsheras noʼnonwaroʼríhtha;

Daniel 1:4

Tánon né ne kwáh rontkahthotsherí꞉ios, ronteʼnikonhrattókha, ne kwáh karihonnién꞉ni né ne rotiweientehtàtskon, kwáh ni ó꞉ni iahatiiaʼtaié꞉rike, né ne ahatikwé꞉ni aʼhonwaioʼténhse ne ronnontí꞉io. Ashpenaz enhshakorihónnien ne ahatiwennahnóthake tánon ne ahatihiatónhsheke ne Babyloniaró꞉non raotiwén꞉na.

Daniel 2:7

Sók shé꞉kon tonsahonwarihwaʼserákwaʼse ne ronnontí꞉io, “Tókaʼ Sanontí꞉io né khók ahskwahró꞉ri tsi nahò꞉ten satetshén꞉en, ne enkwaʼnikonhraientáhten.”

Daniel 3:9

Wahonwénhase ne ronnontí꞉io Nebuchadnezzar, “Sanóntí꞉io tsi nén꞉we sónnhek!

Daniel 4:19

Eʼthó꞉ne, Daniel, raónha ó꞉ni Belteshazzar ronwá꞉iats, tsi nontahatónʼneke iáh tehokwénion ne thé꞉non ahá꞉wenke. Ne ronnontí꞉io wahawénhahse, “Belteshazzar, tóhsa natetshénhsera ó꞉ni tsi nikénton tisatonʼnékten.” Belteshazzar tonsaharihwaʼserá꞉ko, “Sanontí꞉io, aiá꞉wens ne eʼtho atetshénhsera tánon tsi nikaʼnikonhraientáhtha né ne iesáhswenhs aiakotónheke nók iáh ní꞉se.

Daniel 4:7

Eʼthó꞉ne káti ratikwé꞉kon ne shakonathiatonhseratkènse, tehontierónnionhs, niaʼtehotirí꞉wake, tánon né tsi iotsistohkwarónnion ronatewéienston tahonwatiiaʼténhawe, tánon waʼkhehró꞉ri nakwatetshénhsera, nok iáh kiʼ tehotikwénion naionkeʼnikonhraientahtén꞉ni.

Daniel 4:9

Belteshazzar, shekowá꞉nen ne shakonathiatonhseratkénʼse, konhró꞉rihs nakatetshénhsera né tsi wakaterién꞉tare né raoʼnikòn꞉ra ne Rotokénhti Rawenni꞉io tsi senikwé꞉kon tánon ó꞉ni saʼnikonhraién꞉taʼs akwé꞉kon né ioteriʼwahséhton. Takró꞉ri nahò꞉ten kéntonhs ne wakatetshén꞉en.

Daniel 5:10

Ne ronnontí꞉io roʼnisténha waʼakothón꞉teʼne tsi nihonaterakarehráhston ne ronnontí꞉io tánon ne raonkweʼtaʼshón꞉ʼa sók iaontáweiaʼte tsi tkakhwáhere. Waʼéron, “Aiónnise Sanontí꞉io ahsónhnheke! Ahsathontátsheke tóhsa sateronhiénhten ó꞉ni eʼtho niió꞉re tsi tahsatskennentónten.

Daniel 5:8

Eʼthó꞉ne ne kanontiióʼtshera aonkweʼtaʼshón꞉ʼa ne ronteʼnikonhrattókhaʼs ahshonhtákta niahónne, iáh ónhka tehotikwénion nahotiwennahnó꞉take tánon ó꞉ni nahonwahró꞉rike ne ronnontí꞉io tsi nahò꞉ten kéntonhs.

Daniel 6:21

Daniel tontaharihwaserá꞉ko, “Aiá꞉wens Sanontí꞉io aiónniseʼ ahsónhnheke!

Daniel 6:6

Sók kiʼ atahsehtòn꞉ke tsi wahonterihwahserón꞉ni, ronnontí꞉io ahonwatkenʼsé꞉rah, tánon shiahónnewe wahonní꞉ron, “Ó Sanontí꞉io Darius aiónnise ahsónnheke!

Daniel 6:7

Iakwakwé꞉kon ne ionkwaióʼte ne sanontiioʼtsherá꞉kon, né ne shakonatenʼnikonhrahsonterá꞉nis, né ratikoráhshon, tánon né ieshonwatiiátanonhne, ó꞉ni né ronatiaʼkéhshon ronaterihónton, iaʼtionkwarihwaién꞉taʼse, Sanontí꞉io teiotonhontsóhon né ahshiatonhserón꞉ni tánon kwáh aiorihwahnirónhake. Kwáh í꞉tsaʼk né ne áhsen niwáhsen niwenhniserá꞉ke kwáh tóhsa ónhka aiakoianerenhseraiéntake né thé꞉nen ne aionterénnaien tsi nokwá ne thikaniiohserá꞉te non naontá꞉we tókaʼ ó꞉ni ne onkwehshón꞉ʼa nokwá naontá꞉we, nok kwak nek khók né sanontiióhne nokwá꞉ti naontá꞉we. Onk ónhka entsontèwahte kí kaianerénhsera, tsi tionatshónwaien ne kèn꞉reks ieniontatiaʼtón꞉ti.

Matthew 21:9

Akȣekon ok oni iontonhakȣe: Ronȣasennaien ne David Roienha! ahonȣanenton ne tare raosennakon ne Raȣenniio! ahonȣasennaien Karonhiake.

1 Samuel 10:24

Samuel wahshakawénhaʼse nonkwetaʼkwé꞉kon, “Tsiʼsehwákens ken tsi nikáien ne Roiá꞉ner roʼiatarákwen? Kwáh iáh ónhka thóh tehaiató꞉ken tsi nítsion.” Tánon onhkweʼtakwé꞉kon watohtihénrethe, “Karí꞉wes arónhnheʼke ne ronontí꞉io!”