Daniel 2:37 - Ohiatonhseratokénti

³⁷ Sanontí꞉io, í꞉se aonhá꞉a tehseʼshátste tsi nihá꞉ti ne Rotinontiiò꞉shon. Né Rawenni꞉io ne karonhià꞉ke thèn꞉teron wahianontí꞉iohste tánon wahiaʼshatsténhseron, né ahseʼshátsteke, tánon tahserénhsaronke.

Daniel 2:37 ပူးပေါင်းရင်းမြစ်များ

1 Kings 4:24

Solomon akwékon thoʼniarotháronhne ne tsi iatwatʼtséntʼthos nòkwahti ne Euphrates Kaniataratátse, Tiphsah tiotásawe né꞉ne tsi nióre ne iatwatʼtsénthos nòkwahti ne Euphrates né꞉ne kanatowanénke ne Gaza. Ratikwékon ne ronhtinonhtí꞉ios ne tsi iatewatʼtsénthos nòkwahti ne Euphrates rahónha ronhwahiotenhséhakwe, tánon kwáh skénhnonk khók thikénhne ne tehonthonhontsaʼnekhanionhs.

2 Kings 25:28

Né Evilmerodach kwáh í꞉ken tsi tahoteweientónhase tánon wahoríhonte ne kwáh tkowánen ne kakweniensthátsera tahá꞉wen sénha tsi nahontasakówike ne ronátsakes ne ronwananahkerakwáhton rotinontí꞉ioskwe skát꞉ke ne rahónha ne Babyloniaró꞉nonke nón꞉we.

2 Chronicles 36:23

“Kén nahó꞉ten ráton ne Cyrus, né꞉ne Rakóra ne Persia. Né Roiá꞉ner, né꞉ne Raní꞉io tsi karonhiáte, wahakónhnien nakatʼkóraste kwáh ohontsakwé꞉kon tánon thakáwi naʼkaterihwatsʼtérisʼte tsi akanonsonhníhake nononsatokentiʼkó꞉wa né rahónha raorihwá꞉ke né꞉ne Jerusalem né Judah nón꞉we. Ó꞉nen, né sewakwé꞉kon í꞉se ne Rawenni꞉io rahonkweʼtaʼshón꞉a, wáhs thóh iaháseʼwe, tánon aiáwens ne Roiá꞉ner Sewaní꞉io í꞉ken aisewakweʼkónhake.”

Ezra 1:2

“Né kí꞉ken ne Cyrus rahorihwisahá꞉tseras, Rakó꞉ra ne Persia. Ne Roiá꞉ner, Rawenni꞉io ne Karonhiá꞉ke, wahatʼkórasthe nohontsakwé꞉kon tánon thaká꞉wi nakaterihwatsté꞉risthe naʼkenonsónhni nononhsatokentihkó꞉wa ne rahorihwà꞉ke ne Jerusalem thóh nón꞉we ne Judah.

Ezra 7:12

“Tsi nitsawè꞉non ne raonhà꞉ke ne Rakoraʼkó꞉wa Artaxerxes ne ratsihénstatsi Ezra, rotheweiénston ne rahohianerenhserashón꞉as ne Rawenni꞉io ne tsi Karonhiá꞉te.

Psalms 62:11

Nó꞉nenh ne Rawenni꞉io rotatíhon; tehiorihwáke ó꞉nenh kí꞉ken waʼkatʼthonhtéhon: nètho kashaststénhsera Rawenni꞉io nenhʼné꞉e raówenk,

Proverbs 8:15

Kheiaʼtakéhnhahs rotinontiió꞉shon nahonterihwahténtiaʼte ne raotikoráhsera tánon ne ratikó꞉ra kaianerenhserí꞉io ahatiianerenhserón꞉ni.

Isaiah 10:8

Asèken rá꞉ton: “Nakonkwetashón꞉has ne ratikorá꞉shons iáh kén ratikwékon rotinontí꞉ios tèken?

Isaiah 47:5

Shá꞉tien sák thasatatónhni, tánon tsi tetiókaras niaʼháse, saiénha ne Chaldea! Asèken ní꞉se iáh ó꞉nen ské꞉kon thaʼhonsaiesanatónhkwahke tsoniaró꞉taron tsi kanakeraserá꞉ien.

Jeremiah 28:14

Ne Roiá꞉ner Roshaststenserowánenh, né shakoʼNí꞉io ne Israerʼró꞉nons, ráwenh tsi karísthatsi atientaniákstha enshakótsten nonhkweshón꞉a tánon ronnonhtí꞉io Nebuchadnezzar enhonwahiótenseh ne Babylonia nónhwe. Ne Roiá꞉ner ráwenh iekahníhare ne konthiʼtshénnens tsi enhonwahiótenseh ne Nebuchadnezzar.”

Jeremiah 34:1

Noríhwa wahohiató꞉renʼne ne Jeremiah ne ne Roiá꞉ner roʼteriwahniethonhátie, nónenh ne Ronnonhtí꞉io Nebuchadnezzar kanenhrahkwékon ne rahonkwetaʼshón꞉a ne ronterí꞉ios ó꞉ni tsewahkwékon ne tsi kanonhtiʼiotsheraʼkérons ne rahónʼa shaʼkhotʼkoráston ne tsi ionwenhtsiáte ó꞉ni onhkwetaʼkwékon iashaʼkonahtiatónti ne Jerusalem ó꞉ni akwékon tsi nonhwéson niʼkanahthaiéntons.

Ezekiel 26:7

Ne Ronhnontí꞉io Roiá꞉ner ráton, “Kwáh enthihiaténhawe ne kwáh tsahonháʼa thóh nonhtiʼiotserowáhnen—Ronhnontí꞉io Nebuchadnezzar né꞉ne Babylonia nónwe—niashakotsáthonte ne Tyreró꞉non. Ohtó꞉rehke nòkwah nénhtre enhotsiokowahnenhátie ne ronhterí꞉ios, enhatikwekonhátie ne koshá꞉tens ó꞉ni ne tékeni tehiokakwénthon otsiónkwahs ó꞉ni ne koshá꞉tens rothishátens ronterí꞉ios.

Daniel 1:2

Ne Roiá꞉ner wahoríhon naʼhoié꞉na ne Ronnontí꞉io Jehoiakim tánon iaháhawe tóhkaraʼ ní꞉kon ne ohwistanó꞉ron ne ononhsatokenhtí꞉ke aʼówenk. Tóhka niʼ ó꞉ni nihá꞉ti wahshakoié꞉na tánon ionsahshakoiaʼténhawe tsi thonterennaientáhkhwa ne raoʼniioʼó꞉kon nón꞉we ne Babylon, tánon tsi ní꞉kon ronenhskwenhátie ne ohwistanoronʼshón꞉a, tsi rontahkweniaientáhkhwa ne ononhsatokenhtí꞉ke nón꞉we iahatakweniá꞉ien.

Daniel 2:31

“Sanontí꞉io, tsi wesatétshen wahsatkáhtho né sahén꞉ton í꞉kate teiotenonhianíhthon tsi nikowá꞉nen kaiaʼtón꞉ni, teiohswáthe ó꞉ni teiohstaráthe, tánon iótteron né akonwakenʼénion.

Daniel 2:44

Né꞉ʼe nenkahá꞉wike né ratikoráhshon tsi ionhwentsiá꞉te né Rawenni꞉io ne karonhià꞉ke enhanakerahserón꞉ni né ne iáh nonwén꞉ton thiiaontókten. Iáh ó꞉ni nonwén꞉ton thiiakonwaʼshén꞉ni, nok kwáh ienkakóntahkwe tsi eniakotkóntenʼ né ó꞉ia raotinakeráhsera tánon eʼthó꞉ne tsi nén꞉we tsi enkatátie.

Daniel 4:19

Eʼthó꞉ne, Daniel, raónha ó꞉ni Belteshazzar ronwá꞉iats, tsi nontahatónʼneke iáh tehokwénion ne thé꞉non ahá꞉wenke. Ne ronnontí꞉io wahawénhahse, “Belteshazzar, tóhsa natetshénhsera ó꞉ni tsi nikénton tisatonʼnékten.” Belteshazzar tonsaharihwaʼserá꞉ko, “Sanontí꞉io, aiá꞉wens ne eʼtho atetshénhsera tánon tsi nikaʼnikonhraientáhtha né ne iesáhswenhs aiakotónheke nók iáh ní꞉se.

Daniel 4:22

“Kí karòn꞉ta, Sanontí꞉io, né ne í꞉se! Sakowanhà꞉on ó꞉ni saʼshatstenhserowannhà꞉onʼ. Ne tetsitsatié꞉ren ne kwáh karòn꞉tes ne iekaníharaʼs ne tsi tiohtsikerarónnion. Tánon ne saʼshatsténhsera tsik nonwéhshon non ne tsi ionhwentsiá꞉te iekaní꞉haraʼs.

Daniel 4:25

Eniesanakerákwahte tsi nón nihón꞉nes nonkwehshón꞉ʼa tánon kontírio skátne entsiʼsewakwekonhatié꞉sheke. Tsá꞉tak niiohserá꞉ke óhonte khók ensesékʼsheke tsi ní꞉ioht ne teiotiná꞉kares tionhónskwaront ó꞉ni kenʼk nón꞉we tsi iówerare non nenhsanonhwétsheke, thoʼ ó꞉ni nón꞉we nensaʼáweiahste. Tsi niaʼtenhsókten ne tsá꞉ta niiohserá꞉ke enhserihwahní꞉rate ne kwáh Roʼshatstenhserowá꞉nen Rawenni꞉io tehshakoniarotárhon onkweʼtakwé꞉kon tsi nón꞉we ne kanontiioʼtsherakéron tsi ionhwentsià꞉te tánon ó꞉ni kwáh thenhanónhton ónkha ahshakoiaʼtará꞉ko naiontenontí꞉iohste.

Daniel 4:3

Tsi naʼteiotenonhianíhton ne ionehrákwaʼt, Rawenni꞉io shonkwarihotahshién꞉nihs! Tsi nikasatstenhserowá꞉nens ne iorihwanehrakwahténions tsi nihaieránions! Rawenni꞉io seʼ enhonontí꞉ioke tsi nén꞉we; kwáh tió꞉konte tsi raónha enthoniarotárhon!

Daniel 4:32

Eniesarékwahte tsi ratí꞉teron nonkwehshón꞉ʼa, kontírio ientsisewakwekónhake, ó꞉ni óhonte ensehsonʼnhéhkwen né tsá꞉ta niiohserá꞉ke tsi ní꞉ioht ne tiohnhónskwaron teiotinà꞉kares. Eʼthó꞉ne enhserihwaní꞉rate ne Roʼsatsthenhserowá꞉nen Rawenni꞉io tsi raoʼshatsthénhsera í꞉kate tsi kanontiioʼtsheraké꞉ron tsi ionhwensià꞉te tánon raónha enthanónhton ónhka ahshakoiaʼtará꞉ko naiontenontí꞉iohste.”

Daniel 4:34

“Shontóhetste ne tsá꞉ta niiohserá꞉ke,” wahén꞉ron ne ronnontí꞉io, “Iaʼkatkáhtho ne tsi tiohtsíkerare, tánon kwáh ionsakeʼnikonhraié꞉riʼne. Wahihsénnaien ne Roshatsthenhserowá꞉nen Rawenni꞉io ó꞉ni wahikwénienhste tánon ne raoiaʼtanehrakwáhtshera tsi niká꞉ien ne ronnheʼón꞉we. Kwáh tsi nén꞉we enhawenní꞉ioke, tánon ó꞉ni ne raonakeráhsera tsi nén꞉we enkátake.

Daniel 5:18

“Ne Roʼshatstenhserowá꞉nen Rawenni꞉io taháon ne iaʼníha Nebuchadnezzar ki kanakeráhsera tshiewakwé꞉kon naoʼshatsténhsera ó꞉ni ne kaiaʼtanehrakwáhtshera tánon ne nahahsennowánnha.

Daniel 7:14

Kaʼshatsténhsera tahónion, kakwenienstátshera, ó꞉ni ne kanontiióʼtshera aoʼshatsténhsrera, ne káti kwáh tsi niaʼteienekwénhsake ne ón꞉kwe, tsi niionhsohkó꞉tenʼs, tánon tsi niiewennó꞉tens ne ahonterihwahtsterístaʼse. Ne raoʼshatsténhsera tsi nén꞉we, enkátake, tánon ne raonakeráhsera iáh nonwén꞉ton thiaontókten.

Hosea 8:10

Eʼthó꞉sane tsi ne shakotinahon ne tesakotines, kwáh kí ó꞉nen enkheiaʼtaró꞉roke. Kwáh kí iostó꞉re enhatinikonraronhiáken ne rontinontí꞉ios tánon ne sakotihenthénse enhsakonatonhnot꞉takwen.

Matthew 6:13

Nok tosa aionkȣasenni ne kariȣaneron; ehren tanon takȣariȣakȣiten ne iotaksens, aseken ise ne tsiniienhenȣe ensenakereke, kasastensera oni Kanentonsera iah takariȣentane. Amen!

John 19:11

Tontaenron ne Iesos: iah se othenon taesakȣeniatseraientake nii kiatatake ne iah ehneken taontaiesaȣi; nese ȣaonni senha koȣanen ronnhikon ne rakatenninon.

Revelation 1:5

tánon thóh nénhtewe raonhà꞉ke ne Ié꞉sos Kerístos, ne ne roriwahtó꞉ken rariwaní꞉rats, ne ne thotierénhton sawenhnakerá꞉ton tsi nokwáh ne kenheiátne, tánon raónha teshakoniarotá꞉ron ne rotinontí꞉ios ne tsi ionwenhtsá꞉te. Raónha ne shonkwahnorónhkwa tánon sheshonkwahiatotarí꞉shions tsi nokwáh ne onkwahriwaneraháktseras thóh nitsawé꞉non raonekwénhsake,

Revelation 17:14

ne ronón꞉ha kwáh enhonterihioserónhni rahonhà꞉ke ne teonakaronhtón꞉ha, tánon ne teonakaronhtón꞉ha kwáh kíʼ ensakosénhni, asè꞉ken raón꞉ha ne Sakoiá꞉ner ne Roʼtiiá꞉ners ó꞉ni Sakonontí꞉ios ne Rontinontí꞉ios, tánon tsi nihiá꞉kon ne raónha ratikwekonháties né꞉ne ronwatinaʼtónhkwa ne ronwatiiatarákwen tánon rotiriwatóken.”

Revelation 19:16

Raʼotewehiarákwahke tánon ranhí꞉tsake thóh kasenhná꞉re, “Sakonontí꞉ios ne Rontinontí꞉ios ó꞉ni Sakoiá꞉ner ne Rotiiá꞉ners.”

Revelation 4:11

“Í꞉se ne kakwenienstháhtshera í꞉ken, Onkwaiá꞉ner ó꞉ni Ónkwa Ní꞉io, nashé꞉na ne kaiatanerakwáhtshera ó꞉ni ne tekarénhsaron ó꞉ni kaʼshatsténhsera, asè꞉ken í꞉se norihwakwé꞉kon shasahánion, tánon né꞉ne tsi nitisanikonhrí꞉ioʼon kwáh wakaién꞉taʼne ó꞉ni ontón꞉nhete.”

Revelation 5:12

teotiriwákwens kwáh ratiwenhnakwé꞉kon, “Teoténhtion ne teiotinaʼkaronhtónha owí꞉ra tsi niká꞉ien ne ronwanonhwarià꞉khon ne nahaié꞉na ne kaʼshatsténhsera oni naokwahsétsera ó꞉ni naototkhátshera ó꞉ni kaʼshatsténhsera nasakoiathaté꞉riste ó꞉ni tasakorénhsaron ó꞉ni kaiatanerakwáhtsera ó꞉ni naonwashén꞉naien!”