Daniel 2:32 - Ohiatonhseratokénti

³² Tsi ionontsistóhare né ionnià꞉ton ne kwáh kahwistanoronʼtsherí꞉io; né wentskweʼnà꞉ke tánon né kanentshaʼkéhshon kahwistarà꞉ken nenʼ né꞉e ionnià꞉ton; né kaiaʼkarà꞉ke tánon né kahíʼiá꞉ke ne nen né꞉e ne otsí꞉nekwahr karístatsi ionnià꞉ton,

Daniel 2:32 ပူးပေါင်းရင်းမြစ်များ

Isaiah 14:4

kwáh í꞉se tènhsekwe kí꞉ken kaierónhsera ne thatséron ne ronnontí꞉io ne Babylon: Tsi ní꞉ioht ne sakoronhiakéntha tsi rotʼkáwen! Ne raonhakwátshera tsi teiotáhon!

Jeremiah 51:7

Ne Babylon thóh nikahiató꞉tenhne tsi ní꞉ioht ne owistanóron kátʼtse ne Roiá꞉ner rahtshanáhke ráhaweh, nètho kátshe ne꞉ne róhson nohontsakwéhkon ahatinekírahthe tánon ienhothinahkónhniaʼthe.

Daniel 2:33

ne kahsinaʼkéhshon karístatsi nen né꞉e ionnià꞉ton, tánon ne wahshiʼtaʼkéhshon karístatsi nen né꞉e tekaiéston tánon ionawaʼtstahkarí꞉io.

Daniel 4:22

“Kí karòn꞉ta, Sanontí꞉io, né ne í꞉se! Sakowanhà꞉on ó꞉ni saʼshatstenhserowannhà꞉onʼ. Ne tetsitsatié꞉ren ne kwáh karòn꞉tes ne iekaníharaʼs ne tsi tiohtsikerarónnion. Tánon ne saʼshatsténhsera tsik nonwéhshon non ne tsi ionhwentsiá꞉te iekaní꞉haraʼs.

Daniel 4:30

Ne ronnontí꞉io wahén꞉ron, “Sewatkáhtho tsi niionatatshà꞉ni ne Babylon! Ne wakonniá꞉ton nʼakanatakweʼní꞉ioke naweʼnéhston nʼakesatsténhsera ó꞉ni teiotenonhianíhton, nʼakerenhsarónhtshera ó꞉ni kahsennowá꞉nen.”

Daniel 5:28

Tekakhahsiónkwen, Rawenni꞉io waʼthakháhsi ne sanakeráhsera, tánon Medes ó꞉ni ne Persiaró꞉nons tahshaká꞉on.”

Revelation 17:4

Ne iónkwe ne iotseronhiá꞉ton arihwaʼkonhné꞉ha tánon onekwénhtara niwashokó꞉tens, tánon ne iorasestánion ne owistanó꞉ron tánon owistanoronshón꞉as tánon onekó꞉ras, ne kahá꞉we ne watsá꞉nake ne owistanó꞉ron teiontʼnekontáhkwa titká꞉here ne kariwástons ó꞉ni ne teiótions né꞉ne ahón꞉ha ahó꞉wenk kentétsera: