Daniel 2:30 - Ohiatonhseratokénti

³⁰ Nòn꞉wa, kí kariʼwahséhton wahakotáhshiase, iáh tókaʼken sénha í꞉i kateʼnikonhrattókha tsi ní꞉ioht ne akò꞉ren, né kí ne Sanontí꞉io nahseweientéhtaʼne tsi nikéntonhs né satetshénhsera ó꞉ni ne aesaʼnikonhraién꞉taʼne né anonhtonniónhtshera tsi wesaiaʼtó꞉renʼne.

Daniel 2:30 ပူးပေါင်းရင်းမြစ်များ

Genesis 41:16

Ne Só꞉se Waʼthorihwaʼserákwahse ne Pharaoh, “Iáh í꞉i té꞉ken; Rawenni꞉io kwáh enthá꞉wen ne Pharaoh nahawerienʼtí꞉io tsi ní꞉ioht tsi enhaʼnikonhraièn꞉tahte.”

Psalms 139:2

Sateriéntare nó꞉nen enkátien tánon nó꞉nen ténkʼtaʼne; ahí꞉non nió꞉re tsi tientéri nakanontonhniónhtsera.

Isaiah 45:4

Asèken né raorihwá꞉ke nakenhá꞉tshera Jacob, tánon Israel né rihiaʼtarákwen, I꞉i iekonhnáton kwáh tsi nisasenhnóten, I꞉i konsenhnáwi, iawerohátien tsi iáh testsientérihkwe.

Daniel 1:17

Rawenni꞉io tahshakáon ki kaié꞉ri nihá꞉ti kenʼnithotiión꞉sa ne karihonnienníhtshera ó꞉ni ne ahotirenʼnháon ne ahatihiatónsheke, ó꞉ni ne kaʼnikonhraientáhtshera iahawénhtate, tsi taháon ne Daniel ne ahorennʼhaʼónhake ne ahaʼnikonhraientáhthake nahò꞉ten ienharì꞉waken ó꞉ni ne atetshénhsera.

Daniel 2:47

Né ronnontí꞉io waʼthorihwaʼserákwaʼse ne Daniel rá꞉ton, “Thí Rawenni꞉io tsi niká꞉ien ne ehtshénnaienhs, ne raonhá꞉ʼa thaʼshátste tsi nihá꞉ti ne niioʼokón꞉ʼa, raónha thieshakoiá꞉ner ne rotinontiióshon, tánon raónha ó꞉ni reʼnéhstha ne kariʼwahsehtánion. Né aorì꞉wa wahskwé꞉ni wahsheʼnikonhraién꞉tate ki kariʼwáhsehton.”

Daniel 2:49

Ne Daniel wahoriʼwanóntonhse ne ronnontí꞉io, né ahshakorihónten ne Shadrach, Meshach, tánon ne Abednego né ahonterihwatstériste tsi niioterihwatié꞉ren tsi tkanakerahserá꞉ien ne Babylònhne; ók tsi naʼáwenʼne, ne Daniel kanotiiotsherá꞉kon ne nón꞉we nihenteróntakwe.

Amos 4:13

Asè꞉ken sewtkáhtho, tsi niká꞉ien ne ráhsaʼahs ne tsi ionontahrónnions, rawerón꞉nis kí nénhné꞉e, shakorihotahshièn꞉nis nonkwehó꞉kons; tethaʼkahraráhstha nohrhonʼké꞉ne nikahá꞉wi, tánon é꞉neken nihatohétstha ne tsi ionhontsá꞉te— né꞉ne Roiá꞉ner, ne Rawenni꞉io rotokénhti í꞉ken, ne ne raosèn꞉na!

Matthew 24:22

Neh oni ne iah taontahaȣenniserokeri neh niȣenniserotens iah onka tahioniakenhon; neh tanon ne iontatiatarakȣen akoriȣake, enȣenniserokeri noh niȣenniserotens.

St. Mark 13:20

Sekon oni ne iah tahaȣenniserokeri ne Roianer neh niȣenniserotens iah onka taioniakenhon; nok ki tanon nonȣa neneh Sakoiatarakȣen Ahorionniat tsi taȣenniserokeri.

Acts 3:12

Nónen ne Tiér sahsakóken nonkwesónha, wasakawénhaʼse, “Tewatatékens Israerʼró꞉nons, nontiéren tsi wesewaneráko kí꞉ken, tánon nontiéren tsi teskwakánere? Kàtonʼken ísewere sóhtsi hiakenisátsthe tánon ne aoríwa sóhtsi ioʼiánere tsi nisakenisénʼnaiens ne Rawení꞉io neh aoríhwa wahakenikwéni kí꞉ken rónkwe sahatentiónko?

Romans 8:28

Kwáh ohriwakwékons ionkwateriéntare ne Rawenni꞉io ioʼiáneres tsi nishakotsérahse tsi niʼiákon ne ronwanorónkwa, tsi niháti ne sakhoʼnháʼon, ne entioianénhawe tsi nihoskanektseróten.

2 Corinthians 4:15

Orihwakwé꞉kon í꞉se sewarihwà꞉ke tsi niiá꞉wenʼen, eh naontá꞉we sénha iakotiohkowá꞉nen aiakoterién꞉taraʼne tsi nithorihwaié꞉ri ne Rawenni꞉io, ne káti nahonwahsén꞉naien tánon ó꞉ni ahonwakweniénste.