Daniel 2:28 - Ohiatonhseratokénti

²⁸ Ne ók ne Rawenni꞉io karonhià꞉ke thén꞉teron, raónha rotáhshions ne kariʼwahséhtánion. Iatokaʼtén꞉ni Sanontí꞉io tsi neniá꞉wenʼne ne kenʼ eniótiehte. Ó꞉nen kiʼ enkonhró꞉ri ne atetshénhsera, tsi nahsatkáhtho tsi náhe séntahskwe.

Daniel 2:28 ပူးပေါင်းရင်းမြစ်များ

Genesis 40:8

Wahonwènhahse, “Waʼontiatétshen, tánon iáh ónhka ne kén꞉ʼen té꞉iens naionkhiʼnikonhraientáhten nahó꞉ten kén꞉tons nétho atetshènhsera.” Tánon ne Só꞉se wahshakawènhahse, “Ne takarihwathé꞉tonke iáh kenh Rawenni꞉io tehó꞉wenʼk? Aetsathón꞉tate takenihró꞉ri.”

Genesis 41:16

Ne Só꞉se Waʼthorihwaʼserákwahse ne Pharaoh, “Iáh í꞉i té꞉ken; Rawenni꞉io kwáh enthá꞉wen ne Pharaoh nahawerienʼtí꞉io tsi ní꞉ioht tsi enhaʼnikonhraièn꞉tahte.”

Genesis 41:25

Eʼthó꞉ne ne Só꞉se wahawènhahse ne Pharaoh, “Ne Pharaoh raotetshénsera tetsá꞉ron ne shá꞉ka tsi nikén꞉tons; Rawenni꞉io wahorihotáhshien ne Pharaoh tsi nenhá꞉iere.

Genesis 49:1

Eʼthó꞉ne ne Jacob iahshakó꞉nonke ne raonekenhteronʼtsheraʼshón꞉ʼa, tánon wahén꞉ron, “Teskwatià꞉taton, ne naón꞉ton akwahró꞉ri tsi nensewaià꞉tawen nenwenhniseraténionke tá꞉we.

Psalms 115:3

Nón꞉kwah Ní꞉io karonhiáke nón꞉we thénteron; thóh nihaiéra kwáh tsi nenhthanón꞉wehne.

Isaiah 2:2

Tsi niwenhniseraténions tsi nienkáheʼwe ne tsi rotenonhtáhere ne Roiá꞉ner tsi nón꞉we nikanónshote ne raoʼnonsatokentiʼkówa ne ahonhá꞉ʼa entsotenontáteske tsi níkon ionontarónhnions. Akahontsakwékon thóh nón꞉we iatonhonskénhni nienhonhnéthaʼke.

Jeremiah 10:7

Ónhka ónhte ne iáh thaʼieshaʼkweniénstaʼne, Sehnontí꞉io nonhkweʼókon? Teshaʼténtion nahieshaʼkwéniensʼthe. Kwáh iáh ónhka ne ahonshaʼieshaiérenʼke ne rahthihiatoʼrókʼkon ne rontenikonratʼthó꞉kha nonhkwèʼne ó꞉ni ne raotiʼnakerahserákons kwáh iáh ónhka teʼtseshaʼiéren.

Jeremiah 48:47

Ók tsi nienwahtennisehríheʼwe ne Roiá꞉ner kwáh shé꞉kon enshakwaʼtshésten ne Moab. Kwáh oriwahkwékon kí꞉ken tsi nahó꞉ten ne Roiá꞉ner ráwenh tsi nenhiohiátawenh ne Moab.

Ezekiel 28:3

Íhsehre sénha í꞉se satenikonhratʼthókha tsi ní꞉ioht ne Danel, iáh thènen thahónton naiesariwahséhten.

Ezekiel 38:16

Ieshehiatsathónti nakonhkwetaʼshón꞉ʼas Israerʼró꞉nons tsi ní꞉ioht ne kawerowáhnenh tehiahontsihiakhonhátse. Nónenh ienkáhewe, Ienkonhiaténiethe niasehnenhrénhten nakonhontsákes né nahónton nasehnésten nonhkweshón꞉ʼa ónhka Í꞉i, naséhnesthe natiatatokentítshera tsi nenhkátiere ne sonháke.

Ezekiel 38:8

Nónenh wéso ioseráhke enhiothohétsthon enhínhane ne iashakotiathónti ne kanakeráhsera tsi nónhwe nahtethonhwathihiaténha nonhkweshón꞉a skátke nakʼtésonh nónhwe tkanahkerahserahkéron tánon tsi ronhnonhnhekwe iáh tehotiteronhskwe nateriiosehra. Kwáh enhanenhrenhten ne tsi ionhnonhténion ne Israel, né꞉ne iahontsiaietsáhon ó꞉ni karíwes watewenhtethónʼne, ók thóh nónhwe ónenh nitsenáhkere nonhkweshón꞉ʼa tánon skénnenhk tí꞉ken.

Daniel 1:20

Iáh tewatsterístha oh nahò꞉ten ne ronnontí꞉io enhariʼwanónton tókaʼ ó꞉ni nahò꞉ten tahoʼnikonhrhá꞉rake, kí kaié꞉ri nihá꞉ti oié꞉ri naʼtekaiá꞉sere sénha ratirihwaienté꞉ris tsi ní꞉ioht ne shakonathiatonhseratkénse, tókaʼ ó꞉ni né kwáh rotiʼnikonhrowá꞉nens ne kwáh tsi nikanakeráhsera.

Daniel 10:14

Tá꞉ke nakonʼnikonhraientáhten tsi nenhotiiá꞉tawen ne sonkweʼtaʼshón꞉ʼa ne tsi nienhénwe. Ki atetshénhsera né ne watró꞉ris tsi nahoténshon tá꞉we.”

Daniel 2:18

Wahshakohró꞉ri Rawenniió꞉ke nón꞉we iehonterénnaien tsi thén꞉teron ne karonhià꞉ke ronwaʼné꞉ken ne atanitén꞉ron ó꞉ni ronwariʼwanóntonhs né ahshakoʼnikonhraientáhten tsi nahò꞉ten ne iáh tehotiʼnikonhraiéntaʼs eʼthó naontáwe né tóhsa skátne ahonwatírio ne ronátiaʼke ne shakonateʼnikonhrá꞉wis ne Babylònhne.

Daniel 2:22

Raónha rarihotáhsionhs tsi nahotènshonʼ né kwáh teiohnó꞉tes tánon né kariʼwahséhton; roterién꞉tare tsi nahoténshonʼ ne wahsehtánion tsi nón꞉we ne kwáh tetió꞉karahs, tánon kwáh raonháʼaʼk ók tehotiáʼtahton ne teiohswáthe.

Daniel 2:44

Né꞉ʼe nenkahá꞉wike né ratikoráhshon tsi ionhwentsiá꞉te né Rawenni꞉io ne karonhià꞉ke enhanakerahserón꞉ni né ne iáh nonwén꞉ton thiiaontókten. Iáh ó꞉ni nonwén꞉ton thiiakonwaʼshén꞉ni, nok kwáh ienkakóntahkwe tsi eniakotkóntenʼ né ó꞉ia raotinakeráhsera tánon eʼthó꞉ne tsi nén꞉we tsi enkatátie.

Daniel 2:45

Ne ki tsi nikéntonhs, tsi wahsatkáhtho né onén꞉ia tonnitstén꞉riaʼke tsi tionónte. Né ne kwáh iáh ónhka kenʼ thieiakoié꞉ren, tánon waʼtiaón꞉ko ne kaiaʼtón꞉ni né karístatsi ionnià꞉ton, tánon né otsí꞉nekwahr nikaristò꞉ten, ionawaʼtstaʼkarí꞉io, tánon ne kahwistarà꞉ken, ó꞉ni ne ohwistanó꞉ron. Rawenni꞉io ne roʼshatstenhserowá꞉nen iahró꞉ris Sanontí꞉io, tsi neniawénhseron tánon tsi nahò꞉ten tá꞉we, waʼkonhró꞉ri kwáh tsi ní꞉ioht tsi satetshénʼen, ó꞉ni takónnion tsi nahò꞉ten kentonhs.”

Daniel 2:47

Né ronnontí꞉io waʼthorihwaʼserákwaʼse ne Daniel rá꞉ton, “Thí Rawenni꞉io tsi niká꞉ien ne ehtshénnaienhs, ne raonhá꞉ʼa thaʼshátste tsi nihá꞉ti ne niioʼokón꞉ʼa, raónha thieshakoiá꞉ner ne rotinontiióshon, tánon raónha ó꞉ni reʼnéhstha ne kariʼwahsehtánion. Né aorì꞉wa wahskwé꞉ni wahsheʼnikonhraién꞉tate ki kariʼwáhsehton.”

Daniel 4:5

Nók onkatétshen né iotetshenhserátteron tánon iotteronhtónnionʼs waʼkatkahthóhseron tsi náhe wakí꞉taskwe.

Hosea 3:5

Onakénhke ne Israerʼró꞉nons rahonhà꞉ke ne Roiá꞉ner Raotiní꞉io niensónhne tánon enhonwaiatísake, tánon ne Táwit raotinontí꞉io í꞉ken; ethò꞉ne enhothiteronhníhake rahonhà꞉ke ne Roiá꞉ner tánon kwáh enhatiié꞉na ne raoianerétsheras noná꞉ken tewenhniséronhte.

Amos 4:13

Asè꞉ken sewtkáhtho, tsi niká꞉ien ne ráhsaʼahs ne tsi ionontahrónnions, rawerón꞉nis kí nénhné꞉e, shakorihotahshièn꞉nis nonkwehó꞉kons; tethaʼkahraráhstha nohrhonʼké꞉ne nikahá꞉wi, tánon é꞉neken nihatohétstha ne tsi ionhontsá꞉te— né꞉ne Roiá꞉ner, ne Rawenni꞉io rotokénhti í꞉ken, ne ne raosèn꞉na!

Numbers 24:14

Ne Balaam wahawénhase ne Balak, “Ónenh kíʼ thóh iénske tsi thatíteron nakonhkwetashón꞉ʼas, ók nohénton enskaténhti, enhkontohkáten tsi nahó꞉ten NʼIsraerʼró꞉nons tsi nenhonwatiʼiérase ne sonhkwetashón꞉has tsi niahawenonhátie.”

Matthew 6:9

Kenh kati nenseȣaiere nenseȣaterennaien: Takȣaienha ne Karonhiake tesiteron! aiesasennaien!

Deuteronomy 31:19

“Ó꞉nen, shiá꞉ton kí꞉ken karén꞉na. Sehrihónhnien nonhkweshón꞉as ne Israerʼró꞉nonhke, ne káti ne kwáh thaká꞉taʼne tsi enhiakoriwaní꞉ratse tsi nokwáh ne ronón꞉ha.

Deuteronomy 4:30

Nó꞉nen tensewaʼnikónhraren tánon oriwakwé꞉kon tsi nensewahiatawénhseron, ethò꞉ne ki kwáh Roiá꞉ner nokwáh ientsí꞉sewe tánon entsisewawénhnaraʼkwe.

2 Timothy 3:1

Sehiárak kwáh enwenthoráhtseke tsi nenwenniseroténseke nonàken tewenniserathénions.

Hebrews 1:1

Tsi nitsawénon Rawenni꞉io wéso iorihwáhke sakotaráni ne ietʼtisotthonkonhkén꞉en tánon ó꞉ni wéso tsi nitsawéhnon ne rotitokenshéhakwe ó꞉ni shakotahráhni,

2 Tiér 3:3

Ne tiotserentákwen, kwáh teiontonwentióʼon naisewahnikonraiéntaʼne nonàken tewenniseráthes ótiakes enhontotashiónko ne tsi ronnónhne ne tiakoniarótaron ne kariwahétken ahskanéktshera. Kwáh ténʼiet tsi ieron

Revelation 1:1

Ne karihotáshion raonhà꞉ke ne Ié꞉sos Kerístos, né꞉ne tsi nahó꞉ten ne Ní꞉io thó꞉wi nashakahotáshiase ne raonhatsherahó꞉kons ne ne tsi nahò꞉tens kwáh iostó꞉re tsi thóh nenhiá꞉wenhne; raónha thóh nihawenéston tsi thoteniéton ne raoronhiakeró꞉non raonhà꞉ke ne raonhá꞉tshera Sawátis.