Daniel 2:25 - Ohiatonhseratokénti

²⁵ Kwáh katiʼ óksaʼk ne Arioch iahoiaʼténhawe ne Daniel raohén꞉ton ne ronnontí꞉io Nebuchadnezzar tánon wahohró꞉ri né ronnontí꞉io, “Shaià꞉ta shakwaié꞉nen Sitaeró꞉non né kí꞉ken enhakwé꞉ni aʼhathró꞉ri Sanontí꞉io tsi nahò꞉ten kéntonhs ne satetshénhsera.”

Daniel 2:25 ပူးပေါင်းရင်းမြစ်များ

Genesis 41:14

Eʼthó꞉ne ne Pharaoh iahshakotó꞉ri ne raonkweʼtaʼshón꞉a nahonwehnónksa ne Só꞉se, tánon waʼthotisteríhen tsi tahonwaiaʼtínekenhwe ne tsi iontatehnhotónhkwa. Nó꞉nen shahatkonhstón꞉riaʼke ó꞉ni tonsahatá꞉ton ne raotsherónnia, raohén꞉ton ne Pharaoh niahá꞉re.

Nehemiah 7:6

Neh kí꞉ken ne ratitsaokón꞉ahs ne tsi wathonhontsá꞉ien, ronón꞉ha thethoné꞉non tsi ronwatinakerakwahtónhne tsi ronwanahnakerahkwáhton, raónha sakonakerakwáhton Nebuchadnezzar, ronhnontí꞉io ne Babylon; tánon ieshonéhnon Jerusalem tánon Judah, iatehionkwé꞉tahke tsi nón꞉we thatiʼteróntahkwe.

Proverbs 24:11

Tóhsa sateʼrahià꞉tak ónhka ahsheʼniá꞉kenhte ne ronwarióhsere tókaʼ oniʼ ronwahsehtá꞉ne ne iáh oʼthé꞉nen tehoʼnhí꞉kon.

Ecclesiastes 9:10

Iasátrek kwáh tsi nahó꞉ten ahisahióten, asèken iáh othé꞉nen tehioteriwahtiéren, iáh thaʼhóten tahonhnonthonhniónheke, iáh thahóten thakariwisákonhke, iáh tahó꞉ten thakarihonhniénhnike ne tsi tionhwenhtsáien ne kenhéion—tánon thóh nónhwe niahisenonhátie.

Daniel 1:6

Tsi nihá꞉ti ne ronwatiiaʼtarákwen Daniel, Hananiah, Mishael, tánon Azariah, ratikwé꞉kon eʼtho nón꞉we nithoné꞉non tsi tkenʼtá꞉raien ne Judah.

Daniel 5:13

Kwáh óksaʼk né Daniel tahonwaiaʼténhawe raohén꞉ton ne ronnontí꞉io, tánon né ronnontí꞉io wahoriʼwanóntonhse, “Í꞉seʼken né Daniel né eʼtho nón꞉we Judah ne Sitaeró꞉non thonwennanakerakwáhton tsi niká꞉ien né rakeʼníha ronnontí꞉iohkwe ken tehshakoiaʼténha?

Daniel 6:13

Eʼthó꞉ne wahonwahró꞉ri ne ronnontí꞉io, “Daniel tsi niká꞉ien ne thonwarekwáhton ne Judah, iáh tehiakweniénstha Sanontí꞉io iáh ó꞉ni teharihwakweniénhstha ne saianerenhseríhson. Kwáh iorihwató꞉ken ne áhsen nienwá꞉teratste raterénnaiens né sewénhnisera.”