Daniel 2:21 - Ohiatonhseratokénti

²¹ Raónha thoniarotárhon ne tsi nikahwistà꞉eʼks tánon tsi niiawénhserons ne onhwentsià꞉ke ó꞉ni tsi watkwenhrá꞉rons; shakonontiióhstha tánon sehshakonontiiókwahs; à꞉seʼken raónha thahtkà꞉wahs ne attokháhtshera tánon ne kaʼnikonhraientáhtshera.

Daniel 2:21 ပူးပေါင်းရင်းမြစ်များ

1 Kings 10:24

tánon kwáh ohontsakwékon tehiakotonhontsoníhne ne thóh iáhien tánon ahiontahónsathaʼte natʼthokhátseras ne Rawenni꞉io thó꞉wi.

1 Kings 3:28

Nó꞉nen nonhkweshón꞉as Nisraerʼró꞉nonke saherihwáronhke tsi natehohiatoréton ne Solomon, kwáh ratikwékon wahatiʼhiathánaʼne tsi nahonwakwéniensʼthe, tsioríhwa ronateriénhtare tsi Rawenni꞉io thó꞉wi ne atenikonhratʼthokhátsera naharihwakwahtáko nahioianeréhake nahó꞉ten ne tekanikónhrare.

1 Kings 4:29

Né Rawenni꞉io kwáh íken tsi ohianí꞉ioht ne kanikonhrowanáhtsera tánon ne kaʼkenhenhiónhtsera, ó꞉ni ne kanikonhraienthátsera sóhtsi tehiotenonhianíton né꞉ne ahionhnonhthónhnionhwe.

1 Chronicles 22:12

Tánon aiáwens ne Roiá꞉ner ne Saní꞉io ahontáhion natʼthokhátshera ó꞉ni ne kanikonhraienthátshera né ká꞉ti nahónton nasheiatʼkóraste Nisraeʼró꞉nons ne ahontahioianénhaʼwe ne raʼoianerénhsera.

1 Chronicles 29:30

Tsi nikaiáton watʼróris tsi nihiotónhne ne shiʼhakórahkwe, tsi nihoshastsʼtenserowánenhne, tánon tsi nihohiathawénhseron, ó꞉ni Nisraeʼró꞉nons, tánon aktatsesónhas kanakerasehrakérons.

Esther 1:13

Tsi nihoianerenhserò꞉ten ne ronontí꞉io enhshakoriʼwanón꞉tonhse ne shakotiʼnikonhrá꞉wis tsi nikaianerenhserò꞉tenʼs, né ká꞉ti ó꞉nen iahshakó꞉nonke ronónha ne ronaterién꞉tare tsi nakaié꞉ren.

Job Tánon ne Raoronhiakensera 12:18

Shesakonontihiotserarí꞉shions ne rontinontí꞉ios, tánon shesakonaskón꞉nis.

Exodus 31:3

tánon né wahihiaʼtánaʼne nakeshatsʼténsera. Tahíhion ne kanikonhraientátshera, nahaʼweienthetónhake, tánon nahakweniésehke ne kwáh tsík nahoténsons ahohióten ne kahiotenseranó꞉rons—

Exodus 31:6

Tánon ó꞉ni Oholiab rihiaʼtarákwen né nènʼneʼe roiénha ne Ahisamach, né꞉ne Dan nahotiʼtaróten, né skátke ahothihióten. Kwáh káti ó꞉ni kowáhnen tetkhehiáwi natʼthokhátsheras né ronahtsiakhésons ne rothirenhʼnáhons nahothihióten, ne káti nahónton nahonhnonhniánon tsi nahoténsons wakatenhnáhon nahionhníhake:

Daniel 1:17

Rawenni꞉io tahshakáon ki kaié꞉ri nihá꞉ti kenʼnithotiión꞉sa ne karihonnienníhtshera ó꞉ni ne ahotirenʼnháon ne ahatihiatónsheke, ó꞉ni ne kaʼnikonhraientáhtshera iahawénhtate, tsi taháon ne Daniel ne ahorennʼhaʼónhake ne ahaʼnikonhraientáhthake nahò꞉ten ienharì꞉waken ó꞉ni ne atetshénhsera.

Daniel 10:1

Ne ahsénhaton shiiohserakehátie, né ne Cyrus shihakó꞉ra ne Persia, wahonwarihotáhshien ne Daniel, raónha ó꞉ni Belteshazzar ronwá꞉iats. Norí꞉wa kwáh í꞉ken, tsi tó꞉kenhske í꞉ken ók iohní꞉ron naiakoʼnikonhraién꞉taʼne. Atetshenhserá꞉kon tsi wahonwaʼnikonhraientáhten.

Daniel 11:6

Né nó꞉nen tóhkaraʼ niiohserá꞉ke eniotohétston ne ronnontí꞉io ne Egypt shaʼkarí꞉wa enhnón꞉ni ne ronnontí꞉io ne Syria tánon enhorí꞉hon ahotí꞉niaʼke ne shakoién꞉ʼa. Ók iáh thakarihwé꞉sonke tsi shahotirí꞉wa akénhake, tánon ne aónha, ó꞉ni ne ró꞉ne, ó꞉ni ne akoién꞉ʼa, tánon ne aonnhaʼtsheraʼó꞉kon tsi niká꞉ien ne wahontenroserón꞉ni kwáh ratikwé꞉kon enhonwatinonhwarià꞉khon.

Daniel 2:20

Daniel wahén꞉ron: “Rawenni꞉io seʼ roʼnikonhrowá꞉nen ó꞉ni roʼshatstenhserowá꞉nen! Ehtshennaiénshek tsi nienhénwe ó꞉ni tsi nén꞉we.

Daniel 2:23

Konhsénnaienhs ó꞉ni tekonrénhsaronhs, í꞉se né Sewenní꞉io tsi takenekwenhsatátie. Í꞉se tehská꞉wi ne attokháhtshera ó꞉ni né kaʼshatsténhsera; tesarihwaʼserákwen né wakaterénnaien tánon takweʼnehstén꞉ni tsi nahò꞉ten ahshakwahró꞉ri ne ronnontí꞉io.”

Daniel 2:9

tsi akwé꞉kon shaʼtentiótteke tsi ní꞉ioht tsi enkwahré꞉wahte tókaʼ iáh thaskwahró꞉ri ne atetshénhsera. Wesewaterihwahserón꞉ni tsi naʼtesewátere iahesewatahshónteren ne ahskwanowénhten né tsi í꞉sewehre tókaʼ nón꞉wa kaʼk tsi ní꞉ions tensewatá꞉ton ne orihwaʼshón꞉ʼa. Takhwahró꞉ri tsi ní꞉ioht natetshénhsera, eʼthó꞉ne enwakaterién꞉taraʼne tsi ensewakwé꞉ni ne ahskwahró꞉ri tsi nahò꞉ten kéntonhs.”

Daniel 4:14

Kwáh wahatewénnatehte, ‘Seróntiaʼk tánon tetsà꞉khon naoʼnenhraʼshón꞉ʼa; senerahtoskarónko tánon tesaréniaʼt naohikʼshón꞉ʼa. Sheiatékwahʼt ne kontírio ne karontó꞉kon ó꞉ni notsiʼtenʼokón꞉ʼa ne aoʼnenhraʼkéhshon.

Daniel 4:17

Né kiʼ tsi nihonohétston nowennaʼshón꞉ʼa ne ratironhiaʼkehró꞉non tsi nihonatateweiennentáʼon tánon ratiʼnikón꞉rare. Ne iorihón꞉ni akwé꞉kon nonkwehshón꞉ʼa aiakoterién꞉taraʼne ne Roʼshatstenhserowá꞉nen Rawenni꞉io kwáh thishakowenní꞉io ne tsi kanontiiotsherakè꞉ron tsi ionhwentsá꞉te tánon ó꞉ni kwáh thenhanónhton nónhka aontahshakáwen ne kaʼshatsténhsera kwáh tsi nenthanón꞉weʼne—shé꞉kon ó꞉ni ne kwáh kenʼ naontaiehsennáhska.’”

Daniel 4:22

“Kí karòn꞉ta, Sanontí꞉io, né ne í꞉se! Sakowanhà꞉on ó꞉ni saʼshatstenhserowannhà꞉onʼ. Ne tetsitsatié꞉ren ne kwáh karòn꞉tes ne iekaníharaʼs ne tsi tiohtsikerarónnion. Tánon ne saʼshatsténhsera tsik nonwéhshon non ne tsi ionhwentsiá꞉te iekaní꞉haraʼs.

Daniel 4:32

Eniesarékwahte tsi ratí꞉teron nonkwehshón꞉ʼa, kontírio ientsisewakwekónhake, ó꞉ni óhonte ensehsonʼnhéhkwen né tsá꞉ta niiohserá꞉ke tsi ní꞉ioht ne tiohnhónskwaron teiotinà꞉kares. Eʼthó꞉ne enhserihwaní꞉rate ne Roʼsatsthenhserowá꞉nen Rawenni꞉io tsi raoʼshatsthénhsera í꞉kate tsi kanontiioʼtsheraké꞉ron tsi ionhwensià꞉te tánon raónha enthanónhton ónhka ahshakoiaʼtará꞉ko naiontenontí꞉iohste.”

Daniel 7:25

Kwáh enhoriwá꞉roʼse ne Roʼshatstenhserowá꞉nen Rawenni꞉io ó꞉ni tenhshakoʼnikonhkáriakte ne Rawenni꞉io raonkweʼtaʼshón꞉ʼa. Enhateʼniénten ne tahatá꞉ton tsi nikaianerenhseró꞉ten ne raotirihwiiohstónhtshera ó꞉ni tsi ní꞉ioht tsi tehontenónwerons, tánon ne Rawenni꞉io raonkweʼtaʼshón꞉a raónha raoʼshatsténhsera enthotiʼniarotárhoke né ne áhsen shaʼtsewahsén꞉non niiohserá꞉ke nenkarihwéshon.

Luke 21:15

Aseken akȣa ii enkion nethone ne kanikonriio kaȣenniio oni tsiniiore ne iah onka takakȣeni aietsiriȣaiakse oni aietsirihorarake ne ietsiriȣasȣens.

Romans 13:1

Kwáh iatehionkwétake ónenk tsi enhiontewénʼnaraʼkwe ne kakorásera ahoianerénseras, ne tsi iáh thakaianerenseróten takátake neh iáh Rawenni꞉io tahoriwíson, tánon tsi wahthátie neh rathikoráhsons neh kíʼ tsi Rawenni꞉io tesakówi.

1 Corinthians 1:30

Nók Rawenni꞉io tahiaiaténhawe ne taitiateriwahshónteren ne Kerístos Ié꞉sos, tánon Rawenni꞉io wahahónnien ne Kerístos rahónha nonkwahnikonrowahnhátshera akénhake. Rahónha shaʼshonkwarihwahserónnien tsi natetewáhtere ne Rawenni꞉io; Rawenni꞉io rahonkwetatókenti weteʼwáhton ó꞉ni setewahtatewenhní꞉ioʼne.

Ne꞉ne Sák Rohiaton 1:17

Ákwe tsi nahótens ne iohiánere ne kahieʼnahwaséhtseras ó꞉ni ne tkariwahiéris karonhiáke nithewétha; Rawenniʼióke nón nithewétha, né rohsahánion tsi naʼteioswátʼthes tsi karonhiátes, raónha, ne tiókonte ne sahahiáta íken iáh ó꞉ni né tetiókaras ne takarihónni ne ó꞉ia nahonsahaʼhiathótenʼne.

Ne꞉ne Sák Rohiaton 1:5

Nók tóhka ónkak tsi nítion tisewatótʼtani ne kanikonraienthátsera, teʼiontonwentióʼon Rawenniʼióke iasewaterénnaien, rahónha enthetsítion; asèken ne Rawenni꞉io kwáh raweriáne nitewétha ó꞉ni atanitentserákon tsi ákwe tesakówis.

Revelation 19:16

Raʼotewehiarákwahke tánon ranhí꞉tsake thóh kasenhná꞉re, “Sakonontí꞉ios ne Rontinontí꞉ios ó꞉ni Sakoiá꞉ner ne Rotiiá꞉ners.”