Daniel 2:19 - Ohiatonhseratokénti

¹⁹ Eʼthó꞉ne né shonhsónta ne ioteriʼwahséhton wahonwarihótahsien né Daniel tsi nahò꞉ten wahotétshen, tánon ó꞉ni wahohsénnaien ne karonhià꞉ke thén꞉teron Rawenni꞉io:

Daniel 2:19 ပူးပေါင်းရင်းမြစ်များ

Job Tánon ne Raoronhiakensera 4:13

Énska tsi niwashòn꞉tes onhkesenhrentát꞉senhne, nó꞉nen kwáh shiahonhkí꞉taʼwe tsi ní꞉ioht nahiakonikonhratónhon,

Psalms 25:14

Nahonwaʼterosehrónhnien ne Roiá꞉ner né꞉ne tsi nihiákon ne ronwaʼtsánis, tánon sakawenesténhnis ne raoterihwaseronniátsera.

Daniel 1:17

Rawenni꞉io tahshakáon ki kaié꞉ri nihá꞉ti kenʼnithotiión꞉sa ne karihonnienníhtshera ó꞉ni ne ahotirenʼnháon ne ahatihiatónsheke, ó꞉ni ne kaʼnikonhraientáhtshera iahawénhtate, tsi taháon ne Daniel ne ahorennʼhaʼónhake ne ahaʼnikonhraientáhthake nahò꞉ten ienharì꞉waken ó꞉ni ne atetshénhsera.

Daniel 2:22

Raónha rarihotáhsionhs tsi nahotènshonʼ né kwáh teiohnó꞉tes tánon né kariʼwahséhton; roterién꞉tare tsi nahoténshonʼ ne wahsehtánion tsi nón꞉we ne kwáh tetió꞉karahs, tánon kwáh raonháʼaʼk ók tehotiáʼtahton ne teiohswáthe.

Daniel 4:26

Ne raronhiaʼkehró꞉non wahaténnhaʼne né tho aiotsinaʼahró꞉take nonhwentsià꞉ke, ne kí karihwahní꞉rats tsi shé꞉kon ensehsatenontí꞉iohste, né nó꞉nen enhserihwahní꞉rate tsi Rawenni꞉io seʼ rahsharí꞉ne ne tsi ionhwentsià꞉te.

Daniel 4:9

Belteshazzar, shekowá꞉nen ne shakonathiatonhseratkénʼse, konhró꞉rihs nakatetshénhsera né tsi wakaterién꞉tare né raoʼnikòn꞉ra ne Rotokénhti Rawenni꞉io tsi senikwé꞉kon tánon ó꞉ni saʼnikonhraién꞉taʼs akwé꞉kon né ioteriʼwahséhton. Takró꞉ri nahò꞉ten kéntonhs ne wakatetshén꞉en.

Daniel 7:2

tsi nahò꞉ten waʼkatkátho ne thó ne wahsontátehkwe: Kwáh tsik nonwéhshon nitiowerénha ó꞉ni kwáh í꞉ken tsi ionontowá꞉nens ionontakwarontóntieʼs ne kaniataraʼkehkó꞉wa.

Daniel 7:7

Tsi nikarí꞉wes wakateró꞉ron, kaieríhaton ne karioʼtowá꞉nens sahatotáhsi kwáh í꞉ken tsi raʼshátste, tiotónʼnek tsi ní꞉ioht tsi nonwátteron. Tsi nikowá꞉nens karístatsi ranoʼtsó꞉ton teshakonénstiaʼks né ieshakotiaʼtónties, tánon teshakohskwaʼserónkwas. Iáh thaʼteshontié꞉ren ne ronátiaʼke karioʼtowá꞉nens, kí꞉ken oié꞉ri naʼtehoná꞉karonte.

Amos 3:7

Oriwiioʼón꞉we ne Roiá꞉ner tsi iáh oh thé꞉nen thahá꞉iere, ne iáh ohén꞉ton thahshakorihotahshienní꞉re ne karihwahséhton ne raonkweʼtaʼshón꞉ʼahs rotitokénhse.

Numbers 12:6

tánon ne Roiá꞉ner wahénron, “Ónen tsathahónshaʼtat tsi nahó꞉ten enkíron! Nónen ne rotitokénhse skát꞉ke ísehwes, tsi khehiatotashiénhnis ateʼtshenhserákon tánon rahonatetshenhserákons tsi khetaránis.

Joshua 22:33

Nisraerʼró꞉nons wahonerienhtí꞉io tánon wathonwanonhwerá꞉ton ne Rawenni꞉io. Iáh ó꞉nen ne tahonsahathiʼthárakwe nahatikarónhni nonhóntsa tsi nón꞉we ne Reuben tánon ne Gad nihonatená꞉taiens.