Daniel 12:13 - Ohiatonhseratokénti

¹³ “Tánonʼ ní꞉se, Daniel, sarihwatokénhak kwáh tsi niió꞉re ne tsi ieió꞉tokte. Eʼthó꞉ne enhsíheie, nok tentehsatkétsko ne ahsié꞉na ne satshennonniátshera ne tsi ieióto꞉kte.”

Daniel 12:13 ပူးပေါင်းရင်းမြစ်များ

Psalms 1:5

Éhʼthoh ká꞉ti ne ronhnonkwetahétkens kwáh enhonwatiréwate nónenh ienkáhewe nahonwatiríhwenhte ne rotirihwánerenh kwáh iáh thaotinatʼtaiéntake tsi nón꞉we nihónhnes ne tionkwetaiéris.

Psalms 16:5

O Saiá꞉ner, í꞉se takerakwénhni natienhtátsera ó꞉ni natkéra tehiontnekonhthákwah; í꞉se í꞉shawe tsi niahonkenionhátie.

Psalms 16:9

Káti nakweriáne iotsenhnónhni, kwáh tiatakwékon tsi iotonhnáhere. Tánon ne tierón꞉ke kwáh skénen kówak thíken.

Exodus 33:14

Ne Roiá꞉ner wahénron, “Kwáh Í꞉i éntenʼne, tánon kwáh entkónhion natesenhniétshera.”

Daniel 12:3

Tánon tsi nihá꞉ti ne ronteʼnikonhrattókhas tenhotiswátheʼne tsi ní꞉ioht ne tsi karonhiá꞉te, tánon tsi nihá꞉ti ne shakotirihonnién꞉ni ne onkwehshón꞉ʼa ne tkarihwaié꞉ri, kwáh tsi nén꞉we tenhotihswátheke tsi ní꞉ioht ne tsi iotsistohkwarónnion.”

Daniel 12:4

Wahakénhase, “Ó꞉nen ki, Daniel, sasennhó꞉ton neʼtho kahiatónhsera tánon senerahkenʼtó꞉ren tsi niió꞉re iensewatonwentsaríhsi. Tsi neniohtonhátie, iakotiohkowá꞉nen ne raotiioʼténhsera enkaiésha ronteʼnién꞉tha ne ahotiʼnikonhraién꞉taʼne tsi neniohtonhátie.”

Zechariah 3:7

ne Roiá꞉ner Roshatstenhserowá꞉nen tsi ráhwen: “tóka enshatewenhnhárahkwe natianerénhsera tánon ne enshateriwahténtiahte ne kahioʼténhsera tsi nitkonhiá꞉wi, ethò꞉ne ki ienskóntahkwe nahshateriwatsté꞉riste Nahkenonhsatokenhtí꞉ke ó꞉ni nahotenáhthake, tánon enwahkatʼthónteke ne shaterennahienthátsheras, kwáh tsi ní꞉ioht tsi niwakatʼthónte ne ratironhiakeró꞉nonhs rahonahterennahienthátsheras ne akʼkhénton rón꞉nete.

Matthew 19:28

Tontahenron ne Iesos: oriȣiio tsi kȣarori, ise kehiken ne takȣanonteraties tsinonȣe nase tsiontons, nekati nʼonen onkȣe Roienha raonistskȣarane oni raoiatanerakȣatserakon enhenstskȣarake etho oni nise enseȣenstskȣaronnionke seȣanistskȣaratseratson tenhietsiiatoretake ne tekeni iaȣenre nihotitarake nʼIsraerronon.

Luke 21:36

Seȣatieȣaten kati, tiotkon onȣe taseȣaterennaientak, niaeseȣaȣe aeseȣarihontake ne taeseȣatohestste tsinonhiaȣenseronne, nok skennen tatsiseȣaken nonkȣe Roienha.

2 Corinthians 5:1

Kí꞉ken tewaieròn꞉ke ne teskaierón꞉tare tsi ní꞉ioht ne waʼtohseró꞉ton tsi kén꞉ʼen tewanákere tsi ionhontsá꞉te. Nok kí꞉ken ne aʼtóhsera nó꞉nen enkarihwahtón꞉ton, ionkwaterién꞉tare ne Rawenni꞉io kwáh tsi tewaiáʼtátson ó꞉ia ensehshonkwanákton tsi nón꞉we ientsitiónhnheke. Tho iontientáhkhwa iáh tho tekanonhsò꞉tens tsi shí꞉ken ní꞉ioht ne ónhkak aiakononhsisonʼónhake, nok karonhià꞉ke nón꞉we tkakè꞉ron iáh nen né꞉ʼe nonwén꞉ton thiakarihwén꞉taʼne.

2 Thessalonians 1:7

tánon ént꞉hion naisatʼrákwase tsi nítion ne sewahronhiáken ó꞉ni nonkwahtiakhéson. Thó꞉ne kíʼ thóh nenháiere nónen ne Roiá꞉ner Ié꞉sos éntʼtho kéh꞉thote tsi karonhiáte skát꞉ke ne rotisatsʼtenserowáhnen raoroniakerononʼókons,

Revelation 14:13

Tánon wakewenhná꞉ronhke thóh nontá꞉we karonhiá꞉ke watón꞉nions, “Shiá꞉ton kí꞉ken: Iakotáskats ne iakawenhé꞉ion ronón꞉ha kén꞉en ienwatáhsawen ronenhé꞉ion raonhà꞉ke ne Roiá꞉ner.” “Hen,” rá꞉ton ne Ronikonrí꞉ioston, “kwáh enhontoríhsen tsi nihonathatonhnakenà꞉on, Asè꞉ken tsi nihatiweienhó꞉ten enhotinonhtérane.”