Daniel 12:10 - Ohiatonhseratokénti

¹⁰ Iakotiohkowá꞉nen ensehshakoʼnikonhrahserón꞉ni. Tsi nihá꞉ti ne rotirihwané꞉ren iáh thahotiʼnikonhraién꞉taʼne nok ienhontahshónteren ne raotirihwanerenʼaktsherá꞉kon; né khók ne ronteʼnikonhrattókha enhotiʼnikonhraién꞉taʼne.

Daniel 12:10 ပူးပေါင်းရင်းမြစ်များ

Psalms 107:43

Aiáwenhs tsi nihiákon ne iontenikonhratʼtókha ahionhnonthonniónhko kí naorihothénhsons, aiáwenhs ne ahonhnontónhnionwe ne Roiá꞉ner raonoronhkwáhtshera ne iorihwaʼtóken.

Psalms 51:7

Éhʼren sá꞉wit nakeriwaʼnerahát꞉tshera, tánon kwáh ensehwaʼkatkwenienstónhake; sastiató꞉hare, tánon kwáh sénha enskerakénhake tsi ní꞉ioht nó꞉niete.

Proverbs 1:5

Kí꞉ken karihonnienníhtshera enká꞉nahne attokháhtshera sénha enhotiʼnikonhrowáhnha ne rotiʼnikonhrowá꞉nenʼs enhshakotiʼnikòn꞉ron ne ronateweiénhston.

Isaiah 1:18

Káts kíʼ ó꞉nen, ánion tewahriwasherónhni kí꞉ken oriwasón꞉has, rá꞉ton ne Roiá꞉ner: èʼthohsáne ne sewarihwaneraháktshera thóh nahonshokothénhake tsi ní꞉ioht nonekwénhtara, thóh nenhsewashokothénhake tsi ní꞉ioht nóniete; èʼthohsáne tsi onekwénhtara niwashokóten tsi ní꞉ioht ne tetsonekwenhtarákaras, thóh nenskarákenhne tsi ní꞉ioht ne karáken ohnonwéron.

Ezekiel 36:25

Kwáh tenhkonhiatsʼtaróhkwahthe ne kanhekí꞉io tánon enskonhiató꞉hare tsi naʼtehiesahiatatsiónston ne sahiatonhnishónhas tánon ne oiásonhs naorihoténsonhs ne tehiesahiathatiónston.

Ezekiel 47:11

Ók ne tsi kanekónhnions nonahwá꞉kons ó꞉ni ne tsi kaniatarahrónhnions aktónhties ne thiʼióke iáh nenhnéʼe thakanekiʼióhake. Thóh nénhʼen nenhiothónhake né꞉ne tiohiótsis ahónton.

Daniel 11:33

Ne ronteʼnikonhrattókhaʼs ne shakotihentén꞉se ne onkwehshón꞉ʼa iatenhonteʼnikónraiehste ne raonattokháhtshera nahotiʼnikonhraién꞉taʼne tsi niiawénhserons. Ók kwak kenʼk nikarí꞉wes kí꞉ken ronteʼnikonhrattókas ó꞉tiaʼke enhonwatí꞉rio ne tsi waterí꞉io tóka ni ó꞉ni enhonwanatiaʼtátshaʼahte tsi niió꞉re ienhonní꞉heie, tánon ó꞉tiaʼke ó꞉ni enhonwatinenhskwenháton tánon enhonwatinnhó꞉ton.

Daniel 11:35

Tóhka nihá꞉ti ne ronteʼnikonhrattókhas ne ohén꞉ton iehónneton enhonwatí꞉rio, nok né kiʼ enkarihón꞉ni ne Rawenni꞉io ensehshakoʼnikonhrahsehrón꞉ni nonkwehshón꞉ʼa. Eʼtho neniohtonhátie tsi niió꞉re ienkáhewe ne tsi ieiótoʼkte ne tsi nihokwatákwen ne Rawenni꞉io.

Daniel 12:3

Tánon tsi nihá꞉ti ne ronteʼnikonhrattókhas tenhotiswátheʼne tsi ní꞉ioht ne tsi karonhiá꞉te, tánon tsi nihá꞉ti ne shakotirihonnién꞉ni ne onkwehshón꞉ʼa ne tkarihwaié꞉ri, kwáh tsi nén꞉we tenhotihswátheke tsi ní꞉ioht ne tsi iotsistohkwarónnion.”

Hosea 14:9

Tsi nihiá꞉kon ne iontenikonraʼthókha iakonikonraiéntas kí nahorihothénsons; tsi nihiá꞉kon ne ieierihwákens iakoteriènhtare. Asè꞉ken ne raoweiénhnas ne Roiá꞉ner tkariwaié꞉ri í꞉ken, tánon ne tionkweʼtaié꞉ri thóh nón꞉we nihiakothaí꞉take, ók ne rotiriwanerahátskon né꞉ne tonasitsiátstha.

Zechariah 13:9

Tánon enhihiatheniénten ne ahsénhaton ne iatenhotáhtereh ó꞉ni kwáh enshekhehionhnahserón꞉ni tsi ní꞉ioht ne ó꞉tsire sahkaristahní꞉rahte ne karistará꞉ken. Kwáh enkhehiateniénten tsi ní꞉ioht tsi wahteniéntha ne ó꞉tsire ne owistahnó꞉ron. Ethò꞉ne hakónhake nón꞉we nenhonterén꞉naien, tánon tenkheriwahserá꞉kwahse. Entkhehró꞉ri tsi Í꞉i akonkweʼthashón꞉ʼa, ó꞉ni kwáh enhatiriwahní꞉rahte tsi Í꞉i raothiní꞉io.”

Malachi 3:3

kwáh ʼeh enhátien tsi ní꞉ioht ne raristanawènhtha tánon tesastarát꞉theta kahwistarà꞉ken, tánon ensehshakaonhnahkanón꞉ni ne tsi ratihwatsiratátie ne Levi tánon ensehshakaonhnhahserón꞉ni tsi ní꞉ioht ne kahwistarà꞉ken tánon nohwistanó꞉ron, tsi niió꞉re ienhonwá꞉tatshe nenthón꞉ion raonhá꞉ke ne Roiá꞉ner tho raorihwakwarihshionhtsherá꞉kon.

St. Mark 4:11

ȣahenron: ietsiiaȣi nise naeseȣatokense tsini hoianerenseroten ne Niio; kenh kaien nakorenson neok neneh ne teiontateriȣakentonkȣenni.

Luke 24:25

Ethone onen tahenron: kanoron ki oni tsi iah teseȣanikonra, tsi oni niseȣatennoȣentastskon nahonteseȣetakȣe tsinithonatati ne Rotitokensehakȣe.

John 18:37

Ethone saenron ne Pilat: sanontiio kenh? tontahenron ne Iesos: neh ki nʼakȣa neh ȣakennakeraststakȣen, neh oni teȣakenienton tsi teȣakenon nonȣentsiake nakeriȣanirate ne tkariȣaieri. Onka roriȣatoken, roronken nakeȣenna.

John 7:17

Toka onka kiok enhonikonraierite, enhaienterhane ne kariȣatatsera; Katehsiken, niiohne kenh nitiaȣenon, toka ken ok ii tiȣakatennikonra tsi ȣaktare.

John 8:47

Onka Niio raonkȣeta ihken, rataonsatasts ki ne Niio raoȣenna, nok nise iah teseȣataonsatasts, neki tsi iah Niio tehaonkȣeta tehken nise.

1 Corinthians 6:11

Shewáhtiakes tohnisewahweiennótenʼne. Nók kíʼ tsi sehwatonnakanonníʼon tsi nòkwa ne kariwahnerenhatsherákon; tsi sewahriwatokentíston tsi nòkwa ne Rawenni꞉io; tsi shewahteriwaseronniénni raohénton ne Rawenni꞉io né꞉ne Roiá꞉ner Ié꞉sos Kerístos thóh nihóshon tánon ne Raonikónra Nonkwaʼní꞉io. Ne rónkwe roianerasténhni ne iáh thaoniake kehs ensíron nètho rónkwe roianerasténhni ne iáh thaoniake.

2 Corinthians 7:1

Tewatenró꞉shon, Rawenni꞉io né꞉ʼe shonkwahrharatstén꞉ni. É꞉ren í꞉tewet akwé꞉kon nahò꞉ten tekenʼtsónstha ne onkwaierón꞉ta tánon ne onkwatónhnhets. Atshitewahsennowanáhte Rawenni꞉io, kwáh aietewateʼnién꞉ten aontatshitewanaʼké꞉ren.

Titus 2:14

Iehotatatʼkáwen ní꞉i onhkwariwáhke, nahonsahshonkwaniákente ne kwák tsi nahiotónhake ne kariwáksenke tánon nashontiónnien kwáh orihwí꞉io rahónha khók rahonkwetaʼsónha ahitewáhton ó꞉ni kwáh tahionkwasterihénseke ioiánere tsi naitewáhtiere.

Hebrews 12:10

Nónkwe onhkwahnísheras ionkhirewáhtha ne kénk nikaríwes, ne roʼnónha rónhnere tkarihwahiéri íken; nók ne Rawenni꞉io thóh né nihaiérah ní꞉i onhkwahiatakeʼnhátshera, né nahónton aitewahtiátaren ne raotokenthitsherákon.

1 Tiér 1:22

Nónwa ne tsi sewatewennarákwen ne oriwiʼioʼónwe níse iatesewaiáti tsi sehsewatonnakanónni ó꞉ni ne iahátkene naisewaháwake ne naioriwatokénhake tsi aietʼtsinorónkwake ne ronatiakhésons ne thoʼnetákwen, tesewatatenorónkwak tasewanikonrakontakwénhak kwáh seweriasakwékon.

1 Tiér 1:7

Kíʼ nahorihoténsons nehne akariwaniráton tsi thetsetákwen ne Kerístos tsi kwáh oriwí꞉io íken. Ieʼióhe nowistanóron, nónkwe eniekwéni taieríthe, neh nótsire wátston tsi watʼkénse; neh káti nahonkátsʼteke. Ehʼthó꞉ne enshèna ne karensaróntshera ó꞉ni ne kahiathaterítsera ó꞉ni ne kakweniensthátsera nentewenniseráteke nónen ne Ié꞉sos Kerístos enhathotáshion.

1 Sawátis 5:20

Ionkwateriéntare ne Rawenni꞉io Roiénha tsi thawénon ó꞉ni teshonkwáwi ne kanikonraienthátsera, neh꞉ne ahtsitewaientérahʼne ne kwá tókenske nʼoriwí꞉io Rawenni꞉io. Thóhnon nitión꞉ne tsi tehionkwateriwasóntere ne kwá tókenske Rawenni꞉io—ne ó꞉ni tehionkwateriwashóntere ne Roiénha Ié꞉sos Kerístos. Neh kí꞉ken ne kwá tókenske Rawenni꞉io, ó꞉ni ne kí꞉ken ne ionnheʼónwe natónnhets.

Revelation 16:11

tánon wahonwasenhnaiésate ne rah Ní꞉io Karonhiá꞉ke thèn꞉teron ne waʼkarihón꞉ni raotironhiakénhsera ó꞉ni tsi nihonatkarewathánion, tánon iáh teshonatatʼrehwá꞉ton tsi nihatiweienó꞉tens.

Revelation 19:14

Tánon ne konwaterí꞉iose ne karonhiá꞉ke, ne ronatseronhniáton ne waniatarí꞉ios, washokwará꞉ken tánon ioiá꞉nere, rahón꞉ha ronhwásere rotishaténhtse kanaskwará꞉ken.

Revelation 19:8

nakahón꞉ha iontahtá꞉wi ne ne ahiakotseronhniáton ne waʼniatarí꞉io, teiostʼwát꞉te tánon ioiá꞉nere”— ne waʼniá꞉tarí꞉io né꞉ne kéntons tsi raʼtiiotenhserí꞉ios ne roʼtiiatatokéntis.

Revelation 22:11

Shé꞉rion ne karí꞉wahetkens tsi niontiera shé꞉kon kíʼ thóh nihá꞉tiierak, tánon ne teotiiá꞉thations shé꞉kon kíʼ teotiiá꞉tationtonhak, tánon ne tionkweʼtá꞉ieri shé꞉kon kíʼ ne roʼtiió꞉ten ne ioiá꞉nere, tánon ne rotiiá꞉tatokentis shé꞉kon kíʼ roʼtiiá꞉tatokentisek.”

Revelation 3:18

Ne kíʼ kí꞉ken aorí꞉wa wakoniatenikónron nasetní꞉non nowistanó꞉ron né꞉ne kwáh owistanorontseróskon í꞉ken né꞉ne notsí꞉rake iotohétston ne káti ní꞉se naón꞉ton aisakwasé꞉ne; tánon kará꞉ken waʼkó꞉ses aiesaseronhniá꞉te tánon tó꞉sa awenéston tsi sanhéhonk thí꞉ken ne tó꞉sa ónhka aiesá꞉ken; tánon né꞉ne ratináskwa aiesakaróhkaf ne kíʼ nahón꞉ton nasatkatóhseke.

1 Samuel 24:13

Tsi nihón꞉ton sés ne iethishothonkonkénʼen, ‘Ne kariwahét꞉ken tsi niiá꞉wenhs ne khók ne ionkweʼtahét꞉ken thóh nihatiiéra.’ Ók ní꞉i iáh kiʼ tsiaʼtakonhianisnonsáren.