Daniel 11:45 - Ohiatonhseratokénti

⁴⁵ Ne ronnontí꞉io enhaʼtohserotónnion ne kwáh waʼtohserowá꞉nens tsi nón꞉we nenhatatì꞉teron, ne tsi naʼtetiá꞉tere ne kaniataraʼkehkó꞉wa tánon tsi ionónte tsi nón꞉we nikanónhsote ne ionterennaientáhkhwa. Nok enhrénheie, iáh ónhka eʼtho thaiénsheke ne ahonwahiaʼtakénnha.”

Daniel 11:45 ပူးပေါင်းရင်းမြစ်များ

Psalms 48:2

tiotenón꞉tate tánon ióskats, né naʼkokʼtsenhnonniátsheras nonhontsakwékon, tsi ionón꞉te ne Zion othorèke nokwáhti íken, né raonáta ne ronontiʼiokówa.

Isaiah 10:12

Nó꞉nen ne Roiá꞉ner enhá꞉sa akwékon ne raoʼiothénsera ne tsi ionónte ne Zion ó꞉ni thóh nón꞉we ne Jerusalem, kwáh kí enhoréhwate ne ratatkowahnátha tsi natehothaʼterénhsaron ne ronnontí꞉io ne Assyria tánon tsi nihothatóhare tsi nihanáʼie.

Isaiah 11:9

Kwáh iáh tahotikaré꞉waʼte khés nahonwanátonhte tsi nonwéshons nakenontatokentíkes; asèken ne tsi iohontsáte né tentkará꞉ke ne raotʼthoʼkhátshera ne Roiá꞉ner kwáh tsi ní꞉ioht nonèkanos tsi ioróh꞉ron ne kaniatarakhekówa.

Isaiah 14:13

Í꞉sen wáhi ne serhiá꞉ne, “Ní꞉i Karonhiáke nienhenke; kwáh entkaráthate nakanitskwáhra èhʼneken enwatohétsthaʼkwe ne raotsistokwahshón꞉ʼahs ne Ní꞉io; kwáh èhʼtho enkátsien tsi ionónte ne tsi iontkenhnisahá꞉tha thóh ononhtakénhiaʼte ne Zaphon; ne tsi iakokʼkenhníson ne kwáh othorèke ít꞉ken

Isaiah 2:2

Tsi niwenhniseraténions tsi nienkáheʼwe ne tsi rotenonhtáhere ne Roiá꞉ner tsi nón꞉we nikanónshote ne raoʼnonsatokentiʼkówa ne ahonhá꞉ʼa entsotenontáteske tsi níkon ionontarónhnions. Akahontsakwékon thóh nón꞉we iatonhonskénhni nienhonhnéthaʼke.

Isaiah 27:13

Tánon nètho entewenhniserate kowanenh iehonrawátsta enwatatiston, tánon tsi nihiakon ne iakotsiá꞉thatonhon ne tsi ionhontsaien ne Assyria tánon tsi nihá꞉ti ne ronwatihiatinekenhen ne tsi ionhontsaien ne Egypt kwáh tentonhne nahonwasenhnaien ne Roiá꞉ner nètho nón꞉we tsi iononhtató꞉kentike ne Jerusalem.

Isaiah 65:25

Nokwáho tánon né teiotinakaronhtónha owí꞉ra kwáh kí skát꞉ne tsi thenonatskahontiéseʼke, né kénreks kwáh thóh ní꞉ioht tsi enkawahetseráke tsi kí ní꞉ioht né tionónskwahron teonákares; ók nóniare—naókwha okénhra nenhnéʼe enkénhake! Kwáh iáh tahiakotikaréwaʼte khés naiakonátonhte ratiʼkwékon nakenontatokentíke, rá꞉ton ne Roiá꞉ner.

Isaiah 66:20

Kwáh enthonwatiʼiaténhaʼwe ratikwéʼkon né sewatátenons ohontsaʼkwékon nón꞉we nenhtʼthónhne tsi enthonwaiésthen né Roiá꞉ner, enhotishá꞉thentse kosáhtens, tánon enhotihonwísere notsiónkwahs, tánon né kanorokwáhere né iokakwenhtón꞉tons, enhotisháthenʼtse tewahóntes, tánon né teiotíkas kontitshénens, akenontatokentíke né Jerusalem nienhónhne, rá꞉ton né Roiá꞉ner, kwáh kí tsi ní꞉ioht né Israerʼró꞉nons tsi tatíhas nonátsas nahontahatí꞉ieste thóh kará꞉tse né iotkwéniens kátʼtshe niaʼhatíhaʼwe raoʼnónskon né Roiá꞉ner.

Ezekiel 39:2

Kwáh tenshikarahténi né ná꞉se nòkwah niahonsáre tánon enthihiatínekenwe ne ahínonhnióre nothoréke tsi nióre iénrahwe tsi tiononhtáhere ne Israerʼró꞉nonhke.

Daniel 11:16

Ne Syrian ronnontí꞉io ne ranenhréntha eʼtho nenshakoié꞉raʼse kwáh tsi nenthanón꞉weʼne, kwáh iáh ónhka thahonwaióʼtatshe. Eʼtho nón꞉we nenhatená꞉taien tsi nón꞉we ne kwáh tiohontsáhskats tsi ne ronwanarharatstén꞉ni, tánon kwáh iaʼtehaiá꞉ti ó꞉ni tsi enhaiaʼtakwení꞉ioke raoʼshatstenhserà꞉kon nón꞉we neniotaténronke.

Daniel 11:41

Kwáh ó꞉ni thienhshakotiaʼtón꞉ti ne kwáh iohontsáskats ronwanararhahstén꞉ni tánon ó꞉ni tóhka tewenʼniaweʼehtsheráhsen enshakoʼwéntho, nok né tsi kanakerahseraké꞉ron ne Edom, Moab, tánon tsik ní꞉kon tsotatén꞉ron tsi iohontsá꞉te ne Ammon iáh nenʼné꞉e kenʼ thiashakó꞉iere.

Daniel 11:44

Nenharihwá꞉ronke tsi nenthonwateriʼwaniéhten ne tsi tkarahkwínekenʼs ó꞉ni othoré꞉ke tsi nenhóhteronʼne enhonà꞉kwen, tánon ó꞉nen sénha enhateriiohserówanahte, iakotiohkowá꞉nen enshakoʼwéntho.

Daniel 2:35

Kwáh óksaʼk né karístatsi ó꞉ni né ionawaʼtstahkarí꞉io, ne otsí꞉nekwahr karístatsi tekaiéston, kahwistarà꞉ken, tánon né ohwistanó꞉ron waʼtioʼteróntthoste tánon né tonsakaierontá꞉raʼne ne oʼkèn꞉ra né nó꞉nen kwáh í꞉ken tsi ioʼkèn꞉rote nó꞉nen iehwà꞉eks nakennhà꞉ke. Akwé꞉kon tsi iaʼò꞉te ienkáhawe, kwáh iáh thé꞉non thaonsakaieronníhake. Ók né otsténra tontontehiá꞉ron ionontowá꞉nen iahón꞉ton kwáh tsi niiohón꞉tsa tsi waʼkarhó꞉roke.

Daniel 7:26

Eʼthó꞉ne ne karonhiá꞉ke tethatiiaʼtorehtáhkhwa enhóntien tsi enhatirí꞉wenhte, enhonwákhwa ne raoʼshatsténhsera, ó꞉ni kwáh ieiokontáhkwen tsi enhonwá꞉tonʼte.

Daniel 8:25

Ne tsi nihatsítsho, raweienáksen kwáh ki enhoterihwahténtiaʼse. Enhatatonníheke ó꞉ni iakotiohkowá꞉nen enshakoʼwéntho ne kwáh iáh oʼthé꞉nen thaontontró꞉ri. Kwáh ó꞉ni enhonenhróthase ne kwáh thaʼshátste ronnontí꞉io, né ne Rawenni꞉io. Rawenni꞉io kiʼ ne enhóhtonte né ne kwáh iaʼtenhoiáʼtihste.

Daniel 9:16

O Saiá꞉ner, tsi nitiawé꞉non seriwahnirá꞉ti ne sarihwatokenhtíhtshera ne Israerʼró꞉non, ne katiʼ aorì꞉wa nasathontátsheke ne táhstaʼne tsi shenaʼkhwáse tsi rotinátaien ne Jerusalem. Í꞉se saná꞉ta, tánon ne sanonhsatokénhti. Akwé꞉kon ne thihotitiohkwaténion niakwaiaʼtaktóntie ratinakerénion ratikenhrón꞉ni ne saná꞉ta, tánon ó꞉ni ne sonkweʼtaʼshón꞉ʼa ne tsi nihotirihwanéren nonkwahsótshera ó꞉ni nonkwatiaʼkéshon.

Daniel 9:20

Iaʼkatahshónteren tsi wakaterénnaien, kerihwahní꞉rats nakerihwanerenʼáktshera ó꞉ni ne raotirihwanerenʼáktsheras nakonkweʼtaʼshón꞉ʼa Israerʼró꞉non ó꞉ni riianitenhtá꞉se ne Roiá꞉ner Akeʼní꞉io naonsahanonhsahserón꞉ni ne raononhsatokenhtiʼkó꞉wa.

Joel 2:20

Kwáh é꞉ren ensehkhehiaʼtenhá꞉withe nothoreʼkeró꞉nons ronterí꞉ios ahinonhkó꞉wa enkénhake tsi nón꞉we ní꞉ses, tánon thóh iekheiató꞉ri tsi tsahonwenhtsiatʼthénhake tánon nahonhontsóskonk í꞉ken, Tsi niká꞉ien ne ohén꞉ton rónhnete enhontè꞉ko thóh nienhatitátke kaniatarakeʼkowá꞉ne ne tkarahkwí꞉neken nokwá꞉ti, tsi niká꞉ien ne onà꞉ken ronhnè꞉te thóh nokwá꞉ti nienhónhne kaniatarakheʼkowá꞉ne tsi iatawatʼtséntos nón꞉we; nahonsheratsénhtshera tánon ne wenhseráksens entewatharátate. Asè꞉ken ken tsi nihotierá꞉nion tsi nihiorihowá꞉nens!

Micah 4:2

tánon kwáh iakotiohkowá꞉nen éntsien tánon enhiaié꞉ron: “Káts, ánion ietewanón꞉taran tsi thotenonhtáhere ne Roiá꞉ner, tsi thonónhtsote ne Raoní꞉io ne Jacob; ne kíʼ nahónton nashón꞉kwah rihónhnien tsi nihaweiennó꞉ten, né káti nahónton thóh nón꞉we naitewathénhti tsi rohathátse.” Asè꞉ken Zion nón꞉we nénhtewe ne raoianerénhseras, tánon Jerusalem nón꞉we ne Roiá꞉ner nihatá꞉tis.

Zechariah 14:8

Nó꞉nen énwahwe né꞉tho enhní꞉sera, ne kahnekí꞉io Jerusalem nón꞉we nénhtewe, ashén꞉non Dead Sea nienhénwe tánon nó꞉ia ashén꞉non Mediterranean ne nienhénwe. Kwáh oserahkwé꞉kon tsi enhionekótahke, nó꞉nen iokennátʼten ó꞉ni nó꞉nen ionahná꞉wenh.

Numbers 34:5

Thóh nónhwe ienskakahrenhráko thóh niénhsewe Nahonrákwahkon ne tsi karistatátie ne Egypt tánon thóh nónhwe iatenhká꞉tahne ne Mediterranean.

2 Thessalonians 2:4

Kwáh enshakohiotátʼtse tsi nahiotónhake tsi ronwahʼsénnnaiens ne ní꞉io ronwahtinathónkwah tánon rahónha éneken enhatatónni. Kwáh ó꞉ni ienhatáwehiate tánon thóh ienhátien ne Rawenni꞉io raononsatokentíke tánon enhatʼróri rahónha ne Ní꞉io.

2 Thessalonians 2:8

Ethò꞉ne ne ranikonrákʼsen enhonwahiatotáshion, nók nónen énrahwe ne Roiá꞉ner Ié꞉sos, ne enhonnonwahriákon tsi nen hotonniseráhiente tánon né enhoríhiothe tsi nihohiataneráhkwat.

Revelation 13:10

Tó꞉ka ní꞉se iaiesaiá꞉tenhawe naiesanhó꞉ton, ne naiesanhó꞉ton iaháse, tó꞉ka ní꞉se aiesanonwarià꞉khon asareʼkó꞉wa á꞉honste, asareʼkó꞉waki enwátston tsi entiesanonwarhià꞉khon. Kí꞉ken ne kariwanón꞉tons ne rotiiatatokéntis ne rotinikonkátste tánon thonhnhetákwen.

Revelation 20:2

Wahoshatstenhserakénhni ne ronhnonwaronhtsétha, né꞉tho oniarasténha, rahón꞉ha Nótkon í꞉ken tánon Ranesonró꞉non, tánon wahonerénhke né꞉ne énska tewenhniawehetseráhsen niioserá꞉ke,

Revelation 20:9

Iahatinenhraserónhni kwáh tsi nateionhontsakáron tánon wahtatiwánake ne tsi ronahná꞉taien ne roʼtiiatatokéntis tánon ne konwahnatanorónhkwa. Tánon ótsire tonsénhne karonhiá꞉ke thóh nontá꞉we Niió꞉ne, tánon wahakotsatatʼtsahate.