Daniel 11:41 - Ohiatonhseratokénti

⁴¹ Kwáh ó꞉ni thienhshakotiaʼtón꞉ti ne kwáh iohontsáskats ronwanararhahstén꞉ni tánon ó꞉ni tóhka tewenʼniaweʼehtsheráhsen enshakoʼwéntho, nok né tsi kanakerahseraké꞉ron ne Edom, Moab, tánon tsik ní꞉kon tsotatén꞉ron tsi iohontsá꞉te ne Ammon iáh nenʼné꞉e kenʼ thiashakó꞉iere.

Daniel 11:41 ပူးပေါင်းရင်းမြစ်များ

Jeremiah 48:47

Ók tsi nienwahtennisehríheʼwe ne Roiá꞉ner kwáh shé꞉kon enshakwaʼtshésten ne Moab. Kwáh oriwahkwékon kí꞉ken tsi nahó꞉ten ne Roiá꞉ner ráwenh tsi nenhiohiátawenh ne Moab.

Jeremiah 49:6

“Ók ishinonhwéha shé꞉kon ensekʼkwahtsésten ne Ammon. Í꞉i, ne Watiá꞉ner, wakatáti.”

Daniel 11:16

Ne Syrian ronnontí꞉io ne ranenhréntha eʼtho nenshakoié꞉raʼse kwáh tsi nenthanón꞉weʼne, kwáh iáh ónhka thahonwaióʼtatshe. Eʼtho nón꞉we nenhatená꞉taien tsi nón꞉we ne kwáh tiohontsáhskats tsi ne ronwanarharatstén꞉ni, tánon kwáh iaʼtehaiá꞉ti ó꞉ni tsi enhaiaʼtakwení꞉ioke raoʼshatstenhserà꞉kon nón꞉we neniotaténronke.

Daniel 11:42

Nó꞉nen akwé꞉kon ienshakotiaʼtón꞉ti ne aktéshon nón꞉we nikanakerahseraké꞉ron, akwé꞉kon ne Egypt iáh thaonsakaʼniá꞉kenʼne.

Daniel 11:45

Ne ronnontí꞉io enhaʼtohserotónnion ne kwáh waʼtohserowá꞉nens tsi nón꞉we nenhatatì꞉teron, ne tsi naʼtetiá꞉tere ne kaniataraʼkehkó꞉wa tánon tsi ionónte tsi nón꞉we nikanónhsote ne ionterennaientáhkhwa. Nok enhrénheie, iáh ónhka eʼtho thaiénsheke ne ahonwahiaʼtakénnha.”

Daniel 8:9

Énska kí꞉ken ne kaié꞉ri nikanaʼkará꞉ke, ó꞉ia kenʼniwá꞉ʼa tonsahonaʼkarón꞉taʼne, né raoʼshatsténhsera iakaníharaʼne ne entiè꞉ne, tánon né tsi tkarahkwínekenʼs, ó꞉ni tsi nón꞉we nikarharátston nonhwéntsa.