Daniel 11:40 - Ohiatonhseratokénti

⁴⁰ “Né nó꞉nen ne Syria ronnontí꞉io skanóronks iahotenhniseróktahse, ne Egypt ronnontí꞉io ienhotiaʼtón꞉ti, nok ne ronnontí꞉io ne Syria tenthonàkwen kwáh tsi nihoʼshatsténhsera, né én꞉ratste ne tékeni teionkahʼkwèn꞉tonte oʼtshónhkwa ne kohsá꞉tenhs kontiiaʼtaniiontáhkhwa, ne ó꞉tiaʼke enhotihsá꞉ten nen né꞉ʼe, tánon wé꞉so ne kahonweiaʼkó꞉wa konterí꞉ios énhontste. Wé꞉so tsi kanakerahseraké꞉ron ienhshakotiaʼtón꞉ti, tsi ní꞉ioht ne awenhnó꞉ton.

Daniel 11:40 ပူးပေါင်းရင်းမြစ်များ

Isaiah 21:1

Nateriwanhotáhtshera ne kaienáhon, ne aoriwàke ne iahonwenhtsiaʼthenháke ne kaniatarakhekowáne. Tsi natekaweratáses ne Negeb nón꞉we watohétstha, iaʼhonwenhtsiaʼthenháke nón꞉we niʼtewétha, thóh nitewé꞉tha ne kwáh í꞉ken tionhontsiák꞉sen.

Isaiah 5:28

né raotiʼiénkwires iohiotí꞉ies, akwékon ne raonahénhas waserihiotarókʼkhons, ne raoʼtitsenenhókons iakosátens ne aotitsinarenhtákes kwáh né꞉ne onénhia í꞉ken, tánon ne raotiʼkawénhtas notsiónkwas kwáh né꞉ne ioʼtsiskaiónhni tsi teioweratáseh.

Isaiah 66:15

Asèken né Roiá꞉ner kwáh otsirá꞉ke nón꞉we néntre, tánon né raósere notsiónkwah kwáh né꞉ne iotsiskahionhnihátie teioweratáse, né nahonsahaʼkárhiakʼte né raonhakwáhtshera tsi nihonhakwénhen, tánon né raoʼtewenhnaienhtónhtshera taiotonkótatse ótsire.

Jeremiah 4:13

Satkátho, ne tehontátʼtions tsi nonhtahonehnonhátie kwáh tsi ní꞉ioht ne otsátahs. Ne wahterí꞉ios ne raothísehres ne otsiónkwas kwáh tsi ní꞉ioht ne wahtsiskahionniátha, tánon ne raothitsenenhókonhs kosáhtens sénha tehiothíkas tsi ní꞉ioht ne ákweks. Hionkwahiathatónʼon! Hionkwariwahiesá꞉hon!

Ezekiel 38:4

Kwáh tenshikarahténi, enhihiarhió꞉tarohke ne rahrhiót꞉tsake, tánon enhihiatísehre ó꞉ni kanenhrahkwékon ne rahonkwetaʼshón꞉ʼas ronhterí꞉ios éhrehn eh khehiatenháwithe. Ne rahonkwetashón꞉ʼa ronhterí꞉ios skátke ne rahotsenenhókonhs koshátens tánon ne iehonkweniaiéri rohtisáhtens, tsi ni ohnahtiokowáhnen, tánon iatehionhkwétahke ne ronhterí꞉ios rathíhawe ne tehioniathástha tánon ronhsarénhawe.

Ezekiel 38:9

Rahónʼa tánon ne rahonkwetaʼshón꞉ʼa ronhterí꞉ios tánon ne wéso kanahkeráhseras ne rathikwekonhátie thóh ní꞉ioht tsi ieshakotsathónti tsi ní꞉ioht ne kawerowáhnen tánon entkaróhroʼke tsi ionwenhtsáte tsi ní꞉ioht notsátha.”

Daniel 11:10

“Ne Syria ronnontí꞉io shakoioʼokón꞉ʼa enhontatkwatá꞉ko ne ahonterí꞉io tánon enhanitiohkón꞉ni kanenhrowá꞉nen ne ronterí꞉iohs. Tánon eʼtho ní꞉ioht tsi ienshakonatiatón꞉ti ne tehontátswenhs raotiná꞉takon tsi ní꞉ioht ne awenhnó꞉ton.

Daniel 11:11

Raonaʼkwenhtsherákon ne Egypt ronnontí꞉io enhiaterí꞉io ne Syria ronnontí꞉io, tánon ronatiohkowá꞉nen ne ronterí꞉iohs tánon kwáh ratikwé꞉kon wahshakoié꞉na.

Daniel 11:13

“Ne ronnontí꞉io ne Syria ensháhkete nok sénha kanenrowá꞉nen enshanitiohkón꞉ni ne ronterí꞉iohs tsi nitiohtònne. Nó꞉nen ienskáhewe, eʼtho iénsre enhotiohkowanenhátie tánon kwáh í꞉ken tsi enhonatateweiennentaónʼhake ne raotióhkwa ronterí꞉iohs.

Daniel 11:22

Ne ónhka enhonwaióʼtatshe, kwáh enhshakaʼónhewe ó꞉ni kwáh iáh thé꞉nen thaonsakaierón꞉nike, shé꞉kon ne kwáh è꞉neken thótte ratsihenhstowá꞉nen ne Rawenni꞉io raonkwè꞉ta.

Daniel 11:25

“Roʼnikonhrahní꞉ron tsi ní꞉ioht tsi enhanitiohkón꞉ni ne ronterí꞉iohs ne iahotiaʼtón꞉ti ne ronnontí꞉io ne Egypt, rotateweiennentá꞉on naontahataténhe ó꞉ni kanenhrowá꞉nen tánon ratiʼshátste ne rahonkweʼtaʼshón꞉ʼa ronterí꞉iohs. Ók ne Egypt ronnontí꞉io enhonwaʼnikonrhà꞉ten tánon iáh thahoterihwahténtiaʼse.

Daniel 11:35

Tóhka nihá꞉ti ne ronteʼnikonhrattókhas ne ohén꞉ton iehónneton enhonwatí꞉rio, nok né kiʼ enkarihón꞉ni ne Rawenni꞉io ensehshakoʼnikonhrahsehrón꞉ni nonkwehshón꞉ʼa. Eʼtho neniohtonhátie tsi niió꞉re ienkáhewe ne tsi ieiótoʼkte ne tsi nihokwatákwen ne Rawenni꞉io.

Daniel 11:39

Ne aontahánhe ne otstén꞉ra tekanatannhákton, ne enhshakoniáhese nón꞉kwe né ne ratihsénnaiens ne thikaniiohsherá꞉te. Kwáh í꞉ken tsi enhshakokwénienhste tó꞉kaʼ enhonwaién꞉tereʼne tsi raónha rakó꞉ra, tiotenáktate tsi nón꞉we nenshakorihónten, tánon tsi tehshakorihwaʼserákwase enhshakaonhóntson.

Daniel 11:7

Iáh thaiónnise ónhkaʼk tsi nihá꞉ti ne aohwà꞉tsire enshontenontí꞉iohste. Ienshakotiaʼtón꞉ti ne Syria ronnontí꞉io raotióhkwa ronterí꞉iohs, thontahanenhráiaʼkte tsi iashakonaʼtaká꞉ri, tánon enhshakoʼshén꞉ni.

Daniel 12:4

Wahakénhase, “Ó꞉nen ki, Daniel, sasennhó꞉ton neʼtho kahiatónhsera tánon senerahkenʼtó꞉ren tsi niió꞉re iensewatonwentsaríhsi. Tsi neniohtonhátie, iakotiohkowá꞉nen ne raotiioʼténhsera enkaiésha ronteʼnién꞉tha ne ahotiʼnikonhraién꞉taʼne tsi neniohtonhátie.”

Daniel 12:9

Waʼtharihwaʼseráko, “Daniel ó꞉nenk tsi aʼéren énhsehte, áseʼken ki owennaʼshón꞉ʼa ó꞉nenk tsi enkariʼwahséhtonke tánon enwasehtánionke tsi niió꞉re ienwatókten.

Daniel 8:17

Ne Kabriér ákta nontà꞉re tánon tiaʼtákta waʼthá꞉taʼne, eʼtho niió꞉re tsi onkateronhiénhten onhontsà꞉ke watiaʼtaién꞉taʼne. Wahakénhahse, “Rón꞉kwe iaʼiénha, saʼnikonhraiéntaʼn tsi nikéntonhs. Thi atetshénsera né iewatihénthos nó꞉nen ienkáhewe tsi ienwatonhontsaríhsi.”

Habakkuk 3:14

Saiénkwire waʼtetsenonhtsistawehéste ne raterihiosehrakweʼní꞉io rahonkwè꞉ta, thóh ní꞉ioht tsi ónhwe kwáh né꞉ne tehioweratá꞉se ne tahionkwahreniá꞉te, iahonhninekén꞉en tsi shí꞉ken ní꞉ioht niaiakotsatanekwáhne ne rotí꞉ten tsi nihonataséhton.

Zechariah 9:14

Ne Roiá꞉ner enhathatenéstʼthe è꞉neken tsi ronahtenonhtsisthatón꞉nions nahonthashá꞉konhe; enharónhthate ne raoienkwí꞉res tsi ní꞉ioht ne tahonhninhekárahwe. Ne Rononhtí꞉io Roiá꞉ner enhahonráhwahte; enhanenhrahsherón꞉ni tsi tehiowerahtá꞉ses nenhtiekenhékha.

Revelation 16:12

Ne iaiá꞉khaton raronhiakeró꞉non tahá꞉weron ne raó꞉tse thóh kaniatarakeʼkowá꞉nen Euphrates, tánon nahoné꞉ka ostéske ne nahón꞉ton nahiakohasehrónhnien ne rontinontí꞉ios tsi nenhtón꞉ne tsitʼkarahkwí꞉nekens.

Revelation 9:16

Tsi nihá꞉ti ne raotitióhkwas ne rotisátens tsi ronterí꞉ios né꞉ne tekéni tewenhniáwe million; onkahonsonkóte tsi nihá꞉ti.