Daniel 11:36 - Ohiatonhseratokénti

³⁶ “Ne Syria ronnontí꞉io kwáh tsi nenthanón꞉weʼne eʼtho nenhá꞉iere. Tenhataterénhsaron tsi sénha raónha tehotenonhianíhton tsi ní꞉ioht ne akó꞉ren ní꞉io tánon sénha í꞉rehre raónha è꞉neken thótte tsi ní꞉ioht ne kwáh thaʼsátste Rawenni꞉io. Enhoterihwahténtiaʼse eʼtho neniohtonhátie tsi niió꞉re ienkáhewe ne Rawenni꞉io enhohréwahte. Ne Rawenni꞉io kwáh orihwiioʼón꞉we eʼtho nenhá꞉iere tsi nihoteʼnikonhrón꞉ni.

Daniel 11:36 ပူးပေါင်းရင်းမြစ်များ

Psalms 136:2

O tetsisewanonhweráton ne Rawenni꞉io asèken sakotohesténhni ne ratiniʼiohokónhas, asèken ne iorihwatóken raonoronhkwáhtshera tsi nénhwe enkátake.

Psalms 33:10

Né Roiá꞉ner tesakonikonhrhiakʼthénhnis tsi nihontenikonrónh꞉nis nonkweshón꞉ha; tánon iáh tesakorihwáwis niahatísa tsi nihonathenikonhrón꞉ni.

Proverbs 19:21

Nón꞉kwe niaʼté꞉kon tsi ni tsi ahonteʼnikonhrísa, nok ki Roiá꞉ner tsi nihoʼnikonhró꞉ten eʼthó ki neniá꞉wenʼne.

Isaiah 10:23

Asèken ne Sakoiá꞉ner Ní꞉io ne ronterí꞉ios ratiʼronhiakeró꞉nons kwáh ne enrónhniaʼte nakahnanonháke tsi ienwatót꞉ten, kwáh kí kaianerenhserónhni, nonhontsaʼkwékon í꞉ken.

Isaiah 10:25

Kénʼk niskaríh꞉wes tsi ná꞉he nakenoshá꞉tshera ienwatók꞉ten, tánon nakenhakwáhtshera thóh nokwáhti nienskaiérate raonatkaronhniatsherákon.

Isaiah 10:5

Ók, Assyria, ne káhnia neh naʼkenhakwáhtshera í꞉ken— ne ratinakarénhawe ne ronhtsanàkes ne nakaterhiatitʼkhóntshera í꞉ken!

Isaiah 14:13

Í꞉sen wáhi ne serhiá꞉ne, “Ní꞉i Karonhiáke nienhenke; kwáh entkaráthate nakanitskwáhra èhʼneken enwatohétsthaʼkwe ne raotsistokwahshón꞉ʼahs ne Ní꞉io; kwáh èhʼtho enkátsien tsi ionónte ne tsi iontkenhnisahá꞉tha thóh ononhtakénhiaʼte ne Zaphon; ne tsi iakokʼkenhníson ne kwáh othorèke ít꞉ken

Isaiah 14:14

Ienkatʼtharáthate sénha èhʼneken ne tsi niʼiotʼtsatarónhnions, Kwáh ne enkatatónhniaʼte tsi ní꞉ioht ne Kwáh Eʼnekéntotʼte.”

Isaiah 26:20

Káts, akonkwetaʼshón꞉has, iaʼsewatáwahiat ne sewáhwenk kahnaktaiéntons, tánon thontasewanhó꞉ton ne tsi sewatenonhkáronʼte ne sewásonhne; sewatáset niʼkarihwésha tsi nió꞉re ienwatohetste ne kanakwáhtshera.

Isaiah 30:33

Asèken ne iotékha kanátaien wahónhnise tkaweienhnenhtáhon; oriwiʼiohónhwe tsi ne kasahathákwen tsi niʼkaweienhnenhtáhon ne ronnontí꞉io raorihwàke, tanon tsi iontsahatákwah iosónhwes í꞉ken tánon tewatakáron, né ótsire tánon nóiente wé꞉so káien; ne rahonhnísera ne Roiá꞉ner, kwáh né꞉ne iontenatentástha í꞉ken, ne enwatekátakwe.

Isaiah 46:10

Wakerihowanatonhátie ne tsi iohiotókʼte kwáh ó꞉ni tsi nitsiotásawe tánon ne wahónhnise tkènhne norihwasónhas né꞉ne arèko ehteiawénhonh, ratónhnions, “Tsi niwakatenikonrónhni kwáh kí enkátake, tánon kwáh entiérihte tsi niwakatenikonrí꞉shon,”

Isaiah 57:9

Wateshatháʼhakwe Molech niaʼháse sehienenhá꞉wi, tánon íʼshikʼnónwe tsi níkon ne satsiaʼtakonhonsthsakwah; iasheʼiaténiete ne ieʼsarihwakareʼniénhnis ahiʼnónhson nió꞉re, tánon iasheʼiaténiete iekaníhaʼre ne oné꞉shon (Sheol)

Ezekiel 28:2

“Rónhkwe iaiénha,” wahénron, “Tsró꞉ri ne rakórah ne Tyre tsi nahó꞉ten Ní꞉ih, ne Wakenonhtí꞉io Watiá꞉ner, rihrorhiánions: Né sahweráhten ne kanahiésehra, íhsehre ní꞉io nahshiathóten. Sáhthon tsi ní꞉ioht ne ní꞉io ahtitskwáhrahne sitskwáhere, kaniatarahkekówa teshatsatháton. Enhwáhton nahsèhrehke ní꞉io ashathatónhni, ók, iáh, í꞉se ne sonhontsakeró꞉non, iáh Ní꞉io thashathóten.

Ezekiel 35:13

Wakatʼthontéhon ne tsitʼtseiawénhon, tesathaterénsaron tsi ní꞉ioht tsi sahtaráhkwen tsi nòkwah ní꞉i.”

Daniel 11:16

Ne Syrian ronnontí꞉io ne ranenhréntha eʼtho nenshakoié꞉raʼse kwáh tsi nenthanón꞉weʼne, kwáh iáh ónhka thahonwaióʼtatshe. Eʼtho nón꞉we nenhatená꞉taien tsi nón꞉we ne kwáh tiohontsáhskats tsi ne ronwanarharatstén꞉ni, tánon kwáh iaʼtehaiá꞉ti ó꞉ni tsi enhaiaʼtakwení꞉ioke raoʼshatstenhserà꞉kon nón꞉we neniotaténronke.

Daniel 11:3

“Eʼthó꞉ne ne kwáh thoʼshatstenhserowá꞉nen ronnontí꞉io enhatotáhsi. Ionhontsowá꞉nen tsi nón꞉we nenhaiatakweʼniió꞉hake tánon tsi nenthaská꞉neke eʼtho nenhá꞉iere.

Daniel 11:37

Ne ronnontí꞉io enhakén꞉ron ne thiʼkaniiohtsherá꞉tes tsi niká꞉ien ne shakosothokonkénhen ratisénnaienhskwe, ó꞉ni ne konnón꞉kwe tsi niká꞉ien ne kontinorónhkhwakwe. Tánon kiʼ ó꞉ni kwáh tsi niaʼtekaniiohsherà꞉ke tsi enhshakokén꞉ron, né tsi í꞉rehre sénha raónha è꞉neken enthótteke tsi ní꞉ioht ne ronatiaʼkéshon.

Daniel 12:7

Ne raronhiaʼkehró꞉non tetsá꞉ron tsi wahanentshakétsko tánon karonhiá꞉ke niahaié꞉raʼte tánon kwáh orihwiioʼón꞉we waharháratste eʼtho raosén꞉nakon ne ronhnheʼón꞉we Rawenni꞉io. Onkathón꞉teʼne tsi wahén꞉ron, “Áhsen niiohserá꞉ke tánon tsiaʼtewasén꞉nen. Né nó꞉nen ienwatókten tsi nihonwatironhiakéntha ne Rawenni꞉io raotióhkwa, kwáh kiʼ orihwakwé꞉kon ó꞉nenk tsi tho neniá꞉wenʼne.”

Daniel 2:47

Né ronnontí꞉io waʼthorihwaʼserákwaʼse ne Daniel rá꞉ton, “Thí Rawenni꞉io tsi niká꞉ien ne ehtshénnaienhs, ne raonhá꞉ʼa thaʼshátste tsi nihá꞉ti ne niioʼokón꞉ʼa, raónha thieshakoiá꞉ner ne rotinontiióshon, tánon raónha ó꞉ni reʼnéhstha ne kariʼwahsehtánion. Né aorì꞉wa wahskwé꞉ni wahsheʼnikonhraién꞉tate ki kariʼwáhsehton.”

Daniel 4:35

Ne ronnonhwentsakehró꞉non kwáh iáh thé꞉nen karí꞉wa té꞉ken tsi tehshakoká꞉nere; ratironhiaʼkehró꞉non tánon ne ronnonhwentsaʼkehró꞉non kwáh ratikwé꞉kon raónha tehshakoniarotárhon. Iáh ónhka thaiekwé꞉ni ne tahonwátahste, tókaʼ ó꞉ni ahonwariʼwanóntonhse onhnihatiérha.

Daniel 5:19

Eʼtho niió꞉re tsi ronkweʼtowanén꞉nen kwáh tsi niaʼteiakaonhwentsià꞉ke nón꞉kwe, tánon tsi niaʼtehatinekwénhsake ó꞉ni tsi naiewennoʼténhake kwáh ronwatshániskwe ó꞉ni rotiiaʼtontawè꞉ton. Enhshakononwariákon tsik ónhka nénrehre nashakóhtonʼte. Enshakonónhstate tsi nenthanón꞉weʼne. Enshakokwénienste tókaʼ ó꞉ni enshakotéhaʼte tsi nénrehre.

Daniel 5:20

Oʼk ne tsi wahatatón꞉niʼne, wahatenontsistáksaʼte, ó꞉ni wahateʼniakátstate, Rawenni꞉io eʼtho nahá꞉sa, tsi nontahaiá꞉tenʼne ne raorenhsarónhtshera kwáh ehk thónhton.

Daniel 7:8

Tsi náhe tekkà꞉nere ne onaʼkareʼshón꞉ʼa, waʼkatkátho kenʼnikanaʼkarásaʼ taiotikétohte aktóntie ne otiaʼkéshon tsi teiotinà꞉karonte. Áhsen nikanaʼkará꞉ke wahrotsi né ne kanaʼkarowá꞉nens. Énska ne kaná꞉kare tekakahratárion tsi ní꞉ioht ne ón꞉kwe ó꞉ni kahshaká꞉ronte kwáh í꞉ken tsi kaná꞉ie tsi naʼteiotaterénhsharon.

Daniel 8:19

tánon wahén꞉ron, “Konnaʼtón꞉nihs tsi niiá꞉wens né nó꞉nen ne Rawenni꞉io enhotenaʼkwawénratshe. Naʼtetshénsera né iewatihénthos ne tsi ieiótoʼkte.

Daniel 8:4

Wahiiateró꞉roke thi teiotinaʼkarontón꞉ʼa rátsinn ratenaʼkaraienhtaniónʼne tsik nonwéshon niahá꞉re tsi iaʼtewatshéntos, tánon othorè꞉ke, ó꞉ni entiéʼne niahá꞉re. Kwáh iáh thaʼkatsiʼnonió꞉ten thakakwé꞉ni né tahonwátahste, tóka ó꞉ni né aonsaieʼniá꞉kenʼne tsi nokwá ne raoʼshatsténshera. Eh nenhá꞉iere tsi nenthaskáneke né raweriá꞉ne tánon kwáh í꞉ken tsi rotatkowanáhton.

Zechariah 11:16

Wahirihón꞉ten ne sahkonónhne teiotinakarontón꞉a nashakotenhnikónhrahren nakitshenenhó꞉kon, ók iáh ki teshakoienahwáse ne teiotinakarontón꞉a ne kontsiatátons iáh ó꞉ni tesheshakohiaʼtí꞉saks ne kenk tiehioné꞉non; iáh ó꞉ni tesheshakotiéntha ne iothikarewáhthon, iáh ó꞉ni teshakonónhtens ne ionathakárithe. Kek, ne rahwá꞉rats ne kwáh ionarésenhs ne teiotinakarontón꞉a, kwáh ó꞉ni shakotsinahriéntsiats.

John 5:30

Iah othenon takeriȣakȣeni ne ok ii taontakanonton. Neh tetiatoretakȣa tsiniiot tsi karonkas, nok iottakȣarision nakiatoretatsera; aseken iah neh teksere nakatennikonra, neh tanon rinikonrasere ne Rakeniha thakatorion.

John 6:38

Aseken tsi teȣakastsnenton ne karonhiake, iah neh teteȣakenienton nii akatatenikonraierite neh tanon nahinikonraierite ne thakatennieton.

Acts 4:28

Tsi wahonteróhroʼke neh꞉ne kwáh oriwakwékon thóh nahatíʼiere tsi nòkwa ne sahsatsténsera ó꞉ni tisanonwéʼon tsi ónenk iatesariwaiéntaʼse tsi thóh neniáwenʼne.

Deuteronomy 10:17

Ne Roiá꞉ner sewaNí꞉io raónha ne kwáh thóh shatstenhserowá꞉nen tsi nokwáh ne nihioʼokón꞉as ó꞉ni tsi nokwáh ne raotishatsténhseras. Tehoshatstenhseranónhiani, tánon ó꞉nenk tsi enhonwawénhnaraʼkwe. Iáh ká꞉neka teʼthariwaráhkwa, akwé꞉kon ne raoiatoreʼtá꞉tsheras tsi tkariwaié꞉ri.

2 Thessalonians 2:3

Kwáh tóh꞉sa ónka ietʼtsiríʼon naietʼtsinikonráhten kwák tsík nahontahiotierahtónhake. Asèhken iáh tahontenniseríhewe tsi nió꞉re nonakènkha aterihiósera iekáhewe tánon ne ranikonrákʼsen enhatohtáshion, tsi nikáien ne kwáh onéson niahotʼtakwahrishonhátie.

2 Thessalonians 2:4

Kwáh enshakohiotátʼtse tsi nahiotónhake tsi ronwahʼsénnnaiens ne ní꞉io ronwahtinathónkwah tánon rahónha éneken enhatatónni. Kwáh ó꞉ni ienhatáwehiate tánon thóh ienhátien ne Rawenni꞉io raononsatokentíke tánon enhatʼróri rahónha ne Ní꞉io.

2 Thessalonians 2:8

Ethò꞉ne ne ranikonrákʼsen enhonwahiatotáshion, nók nónen énrahwe ne Roiá꞉ner Ié꞉sos, ne enhonnonwahriákon tsi nen hotonniseráhiente tánon né enhoríhiothe tsi nihohiataneráhkwat.

Joshua 22:22

“Ne Roshatstenhserowá꞉nen né꞉ne Ní꞉io! Raónha ne Roiá꞉ner! Ne Roshatstenhserowá꞉nen né꞉ne Ní꞉io! Raónha ne Roiá꞉ner! Raónha roterièn꞉thare nonhtié꞉ren ki tsi thóh nahá꞉iere, tánon ó꞉ni tehionkwahtonhontsó꞉ni ní꞉se naisewaterienʼtharáne! Tó꞉ka iáh tahitewatewénhnaraʼkwe tánon iáh tahionkwahrihwatokénhake rahonhà꞉ke ne Roiá꞉ner, tó꞉sa ki saʼthóntat ne shé꞉kon ahiatsiónhnheke!

Revelation 10:7

nok tsi nenhwenhniserá꞉tekes nó꞉nenh ne tsá꞉ta nihá꞉ti ratironhiakeró꞉nons enhonthatíste ne iehonrakwátsta, tsi nihoteʼnikonhrón꞉ni ne Ní꞉io kwáh kíʼ ienkanáhne, tsi nishakorihowanahténhni ne raonhatserashón꞉as rotitokénhse.”

Revelation 12:14

Ók ne iónkwe ne tkonwá꞉wi tekanerahontsá꞉ke nakwekskó꞉wa raonerá꞉ontsa, ne káti nahón꞉ton taká꞉ten é꞉ren awé꞉te aonhá꞉ke noʼniáre ahonwenhtsaténhake niakátie, thóh nón꞉we tsionát꞉te ne takonwasniéne nikariʼwésa, né꞉ne áhsen niʼioseráke nikarì꞉wes.

Revelation 13:1

Tánon waʼhí꞉ken katsinoniowá꞉nen tahoteskokonhá꞉tie ne kaniatarakeʼkowáhne, oié꞉ri nateonaká꞉ronte tánon tsá꞉ta nihonontsístonte; tánon thóh ranakará꞉kes kaʼhé꞉re oié꞉ri niwanonwarotserá꞉kes, tánon thóh ranontsí꞉nes kasenhnarónhnions ne ronwanikonratsáta ne Ní꞉io.

Revelation 17:17

Asè꞉ken Ní꞉io iateoriwaientáse ne rawerhiá꞉ne ne thóh nakaiéren tsi nihotenikonrónhni tsi roriwanonwéhon nahontasaká꞉wen ne raotinontiió꞉tsera raonhà꞉ke ne katsinonhiowá꞉nen, tsi niió꞉re ne raowenhnaó꞉kons ne Ní꞉io kwáh iewatésha.

Revelation 17:3

Káti iahatiaténhawe thóh atonhnhetsherá꞉kon tsi tewahtonhontsá꞉ien ne iahonwenhtsiatʼtenhá꞉ke, tánon wákʼken iónkwe thóh kenskwá꞉here nonekwénhtara nihaʼsó꞉koten katsinonhiowá꞉nen né꞉ne kwáh titkasenhnáhere ne kariwaieshá꞉tsheras, tánon tsá꞉ta nihonontsístonhte tánon oié꞉ri natehonakà꞉ronhte.