Daniel 11:32 - Ohiatonhseratokénti

³² Ne ronnontí꞉io tsi nenhaʼnikónrhaʼte enthonwahswanòn꞉na tsi nihá꞉ti ó꞉nen ronahtsakwaríhsion ne raotirihwiiohstónhtshera, nok tsi nihá꞉ti ne shé꞉kon Rawenni꞉io ronwahnonterátieʼs tenthotinàkhwen.

Daniel 11:32 ပူးပေါင်းရင်းမြစ်များ

1 Chronicles 28:9

Tánon tsi nòkwah ne Solomon wahawénhase nenhʼné꞉e, “Riʼiénha, Waʼkonrihónten natserihwaníratse ne ianíha raoní꞉io tánon natsiótenhse né kwáh seweriásak akénhake tánon né nahisanikonhroténhake. Akwé꞉kon roteriéntare nónkwah nonthonhniónhtsheras ó꞉ni nón kwahskanéktsheras. Tó꞉ka rahonháke nòkwah nienhénse, kwáh enthiaiéna; ók tó꞉ka entsiatsatonhtákwahse, kwáh kíʼ tsi nénhwe tsi enhiatewénhtheʼte.

Nehemiah 4:14

Eʼthó꞉ne iakatkáto tánon watettane tánon wahiién꞉hase ne rasennowá꞉nen tánon ne ratikoráhsons tánon ne ronátiaʼkes nonkweshón꞉as, “Tó꞉sa ietsittsánitsek. Tsi sewehiá꞉rak ne teotenonhianì꞉ton tánon rohiatanerákwat Roiá꞉ner, Tánon ietsiiaterí꞉ios ne sewathatekenokónhas tánon ne sewanekenteronhtsherashón꞉as tánon ne ietsiioʼokónhas tsonattonwí꞉sens tánon ne sewaniátkons tánon ne tsi sewanonshó꞉tons.”

Psalms 9:10

Tánon tsi nihiákon ne ieshasenhnaientéri shonháke nón꞉we nitiakawetákwen, Asèken ní꞉se, Saiá꞉ner, iáh tesehiatewenhtétha tsi nihiákon ne iesaiatísaks.

Proverbs 19:5

Tókaʼ enhsanó꞉wenhte tsi ieiaʼtorehtáhkhwa, eniesahré꞉wahte—iáh thahseʼniá꞉kenʼne.

Proverbs 26:28

Ó꞉nenk tsi enhshehswénhsheke ónhka í꞉sehre atskaré꞉wahte tsi sanowenhtánions. Owennaʼshón꞉ʼa áhsatste ne iáh tho té꞉ioht ne tkáhas naiakokarón꞉ni.

Jeremiah 31:34

Iáh ónhka tsi niháti nashakotirihónnien ne ronahténros tóka ó꞉ni ahshakotiʼrórih ne tehonnonsanéken, ‘Tsienteríhak ne Roiá꞉ner,’ tsioríwah tsi ratiʼkwékon enhiontienteríhake, ne ne kwáh kenk nahiesénnasʼke tsi nióre ne kwáh tsiaʼkotsénnahthe. Ensehkhenikónhrenseh ne raoʼtirihwahneraháktsheras tánon kwáh iáh tahonshaʼkehiárahke tsi naʼthahonahterenthaʼwehréhon. Í꞉i, ne Watiá꞉ner wakatáti.”

Daniel 11:21

Iahatahshónteren ne raronhiaʼkehró꞉non tsi wahaʼnikonhraiéntahte: “Ne ó꞉ia enshatenontí꞉iohste ne Syria enronkweʼtaksénhake né ne kwáh iáh oʼthé꞉nen thaʼteiotonhontsóhon ne raónha ahonontiióhake, ók kwáh thentiawénhstsi enhoké꞉tohte tánon enhaʼnikónrahte tsi enhaié꞉na ne kashatsténhsera.

Daniel 11:34

Tsi nikarí꞉wes ronwanaʼwénthos ne Rawenni꞉io raotióhkwa, enwatetshén꞉ri ohstónha enhonwatiié꞉nawaʼse, tánon ronatiohkowá꞉nen éhthoh ratiiá꞉tare, tsi enhontiá꞉taren ne tsi rononhastsí꞉wa khók rontatè꞉hiare.

Zechariah 10:12

Kwáh enkhéhion nahkonhkweʼtashón꞉ʼa nahathishátsteke; kwáh enhiontsén꞉nahien ó꞉ni enhionkewenhnaráhkwake.” Ne Roiá꞉ner rothatí꞉hon.

Malachi 4:2

Ók kiʼ ní꞉se ne tsi nítson ne sewakweniénhstha nakhsèn꞉na ne karáhkwa ne karihwakwarihshiónhtshera kwáh entkarahkwínekenʼne, ne ne iakotsèn꞉tha enkará꞉tie kanerahontshá꞉keʼs. Ní꞉se kwáh iensewaiá꞉kenʼne tensewaniʼtsonhkwahkwánion tsi ní꞉ioht ne tiohnhónskwaron owí꞉ra ieioiakén꞉ʼen ne tsi tekatáhstha.

John 17:3

Kenh kaien enhiakaonnhete onȣe: neh naiakoterientarake tsi sonhaa ok ne Niio, nok ne tetsiatorion, Iesos-Keristos.

1 Sawátis 5:20

Ionkwateriéntare ne Rawenni꞉io Roiénha tsi thawénon ó꞉ni teshonkwáwi ne kanikonraienthátsera, neh꞉ne ahtsitewaientérahʼne ne kwá tókenske nʼoriwí꞉io Rawenni꞉io. Thóhnon nitión꞉ne tsi tehionkwateriwasóntere ne kwá tókenske Rawenni꞉io—ne ó꞉ni tehionkwateriwashóntere ne Roiénha Ié꞉sos Kerístos. Neh kí꞉ken ne kwá tókenske Rawenni꞉io, ó꞉ni ne kí꞉ken ne ionnheʼónwe natónnhets.

Revelation 6:11

Ne satiiatáktions taonwénhnon kará꞉ken atewehiá꞉ra tánon wahonwatiró꞉ri rontoríhsen shé꞉kon nikariwéhsa, tsi niió꞉re ienkaʼná꞉ne tsi nihá꞉ti ne rontenroshón꞉as ratinhá꞉tsheras ó꞉ni ronthatekenokónhas ó꞉ni rontenhnhosonhokónhas, ronónha ó꞉ni kwáh iostó꞉re tsi enhonwatinonwarià꞉kon.