Daniel 11:27 - Ohiatonhseratokénti

²⁷ Eʼthó꞉ne ki tehninontiioʼtsherá꞉ke skátne enhiátien ne atekhwahraʼtsherákta ne tahiatskáhon, ók tsi niwahétken tsi nahò꞉ten iateʼnikonhrón꞉ni, ó꞉ni tenhiatatenowénhten. Iáh thahniié꞉na tsi nahò꞉ten tehonatonhontsó꞉ni, ne tsi iáh ároʼkhok thieióhe ne eʼtho naiá꞉wenʼne.

Daniel 11:27 ပူးပေါင်းရင်းမြစ်များ

2 Samuel 13:26

Ehʼthó꞉hʼne ne Absalom wahénron, “Tòkaʼ iáh, tieríhon kíʼne iatiatatekénʼa Amnon nahiá꞉kwe.” Ne ronnontí꞉io wahawénhase, “Onhnontiéren tsi ó꞉nek tsi kwáh raónha ahí꞉sewe?”

Psalms 12:2

Ratikwékon tehonthatenowenhténhnis; tehontatahskanekstenéʼni tsi naʼteshakotiʼtsikhetárohse.

Psalms 52:1

Nontsiéren tsi tesataterénhsaron, seniakátste shón꞉kwe, ne kariwahetkénseras tsi nisatserá꞉nion? Rawenni꞉io Tsi né nénhwe enhorihwatokénhake

Psalms 58:2

Iáh, ne sewerianéshon né wesewatenikonhrón꞉ni ne kariwaʼhét꞉ken; ne sewaʼtshanákes ne wesewaʼhióten ne iáh othènen takaianerenhseraiéntake tsi ionhwentsáte.

Psalms 62:9

Nón꞉kwe ne teshonhtsérens tsi ní꞉ioht ne iahiakotonhniserón꞉ti; tsi niháti ne toʼnatonhkwetatónhnions iáh othènon tehatirihwásthas; nasehkonhtseriháren; né ratikwékon iatahonwaʼtí꞉ieste sénha iáh tehotiʼhiátatste tsi ní꞉ioht ne iotewerahrátses.

Psalms 64:6

Ónhka aiekwéni aietʼtsénhri nonkwaterihwatón꞉tshera? Ionkwanonthonhniónhon ne kwáh tkanikonhraiéri karihwák꞉sen.” Asèken nónkwe akawéri tánon nakonikónhra tsi teiotserón꞉nion í꞉ken.

Proverbs 12:20

Nónhka ronteʼnikonhrón꞉nis ne karihwahétken kwáh í꞉ken tsi enshontateriʼwáhtsten, nónhka iakoióʼte ne ioiánere enietshén꞉ri atonhnharáhtshera.

Proverbs 19:21

Nón꞉kwe niaʼté꞉kon tsi ni tsi ahonteʼnikonhrísa, nok ki Roiá꞉ner tsi nihoʼnikonhró꞉ten eʼthó ki neniá꞉wenʼne.

Proverbs 26:23

Ne iáh teiorihwí꞉io tsi sáhthare, wahséhtha tsi nahò꞉ten kwáh tokén꞉ʼen sanonhtónnions. Ne shá꞉ka aontahsateʼnièn꞉tenhste ne kwáh tioiánere tsi tekastarathé꞉ton kátshe ionniá꞉ton ne iáh tekanawaʼtstí꞉io.

Ezekiel 17:9

“Káti Í꞉i ne Wakenonhtí꞉io Watiá꞉ner, keriwahnónhtons: Kí꞉ken watenenharísehres enwatónnhete kén tánon enwatehiáronh kén? Iáh ónhte kén ne totierénhton ákweks thaʼhateróhtsi, ahahianihionthakwénhaton, tánon tahanenhrhiákon tánon aharíhon ne ahonstátʼten? Iáh tekariwahnónhtons kashastsʼténshera tó꞉ka ó꞉ni ne kanenhrahshástste nahiakótion.

Daniel 10:1

Ne ahsénhaton shiiohserakehátie, né ne Cyrus shihakó꞉ra ne Persia, wahonwarihotáhshien ne Daniel, raónha ó꞉ni Belteshazzar ronwá꞉iats. Norí꞉wa kwáh í꞉ken, tsi tó꞉kenhske í꞉ken ók iohní꞉ron naiakoʼnikonhraién꞉taʼne. Atetshenhserá꞉kon tsi wahonwaʼnikonhraientáhten.

Daniel 11:28

Ne Syria ronnontí꞉io enshahtén꞉ti akwé꞉kon ienhá꞉hawe tsi nahó꞉ten rotatienawáʼse, kwáh iaʼtehoʼnikonhrakontáhkwen ne ahátonte ne raotirihwiiohstónhtshera ne Rawenni꞉io raonkwetaʼshón꞉ʼa. Kwáh tsi nithonikonhriió꞉on tsi eʼtho nenháiere, eʼthó꞉ne enshahtén꞉ti.

Daniel 11:29

“Í꞉siʼ nonwéha sók àreʼ ensehshakonenhrénhten ne Egyptró꞉non, nok iáh kiʼ eʼtho thahoianeráhsten tsi ní꞉ioht ne tiotierénhton.

Daniel 11:35

Tóhka nihá꞉ti ne ronteʼnikonhrattókhas ne ohén꞉ton iehónneton enhonwatí꞉rio, nok né kiʼ enkarihón꞉ni ne Rawenni꞉io ensehshakoʼnikonhrahsehrón꞉ni nonkwehshón꞉ʼa. Eʼtho neniohtonhátie tsi niió꞉re ienkáhewe ne tsi ieiótoʼkte ne tsi nihokwatákwen ne Rawenni꞉io.

Daniel 11:40

“Né nó꞉nen ne Syria ronnontí꞉io skanóronks iahotenhniseróktahse, ne Egypt ronnontí꞉io ienhotiaʼtón꞉ti, nok ne ronnontí꞉io ne Syria tenthonàkwen kwáh tsi nihoʼshatsténhsera, né én꞉ratste ne tékeni teionkahʼkwèn꞉tonte oʼtshónhkwa ne kohsá꞉tenhs kontiiaʼtaniiontáhkhwa, ne ó꞉tiaʼke enhotihsá꞉ten nen né꞉ʼe, tánon wé꞉so ne kahonweiaʼkó꞉wa konterí꞉ios énhontste. Wé꞉so tsi kanakerahseraké꞉ron ienhshakotiaʼtón꞉ti, tsi ní꞉ioht ne awenhnó꞉ton.

Daniel 8:17

Ne Kabriér ákta nontà꞉re tánon tiaʼtákta waʼthá꞉taʼne, eʼtho niió꞉re tsi onkateronhiénhten onhontsà꞉ke watiaʼtaién꞉taʼne. Wahakénhahse, “Rón꞉kwe iaʼiénha, saʼnikonhraiéntaʼn tsi nikéntonhs. Thi atetshénsera né iewatihénthos nó꞉nen ienkáhewe tsi ienwatonhontsaríhsi.”

Daniel 8:19

tánon wahén꞉ron, “Konnaʼtón꞉nihs tsi niiá꞉wens né nó꞉nen ne Rawenni꞉io enhotenaʼkwawénratshe. Naʼtetshénsera né iewatihénthos ne tsi ieiótoʼkte.

Habakkuk 2:3

Kahiatónhak, tiorì꞉wa tsi iáh aré꞉kho tsehióhe ne naiá꞉wenhne nahón꞉we norihwí꞉io; ók ne tsi nikawistáhets iostó꞉re tsi tá꞉we tsi nahorihothénsons ne konhnatónhnionhnis kwáh kíʼ thóh nenhá꞉wenhne. Ethó꞉sane kíʼ nahorihoʼthénsons ioiatakenhé꞉ion ne naiá꞉wenhne; ó꞉nenk tsi ensateráhrate, kwáh orihwiiohón꞉we tsi enwáh꞉we, kwáh iáh tahionísko.

Acts 1:7

Wahsakawénhase ne Ié꞉sos, “Ne tsi nikawistáhes ó꞉ni tsi nihiawénserons neh kahkwatakwáton ne Rakeʼníha rahosatsʼténsera, tánon iáh í꞉se tesewariwáke nahisewatheriéntarake nónen thoʼnenʼiáwen꞉ne.

Acts 17:31

Asèken rawenniseraráhkwen tsi kwáh niaʼtehionkwétake ne tsi ionwentsiáte tsi tensakohiatórete kariwakwarishiontserákon tsi nihohiatarákwen nètho rónkwe neh tehahiatórete. Neh kí꞉ken sakonesténni kwáh tsi niaʼtehionkwétake tsi nishokétskwe nètho rónkwe ne kenheiátʼne!”

1 Thessalonians 5:1

Iáh thènen tatehiotonwentióʼon ne iakwahiátonse, tewatenroʼshón꞉a, tsi nienkáheweh ó꞉ni tsi nenʼiáwen꞉ne nónen kí꞉ken thóhnenʼiawénseron.