Daniel 11:23 - Ohiatonhseratokénti

²³ Tsi enhaterihwahseronniánion enhshakoʼnikonhrhá꞉ten ne tehontonhontsanekhánion, tánon sénha enhashátstenʼne, iaweronhátien tsi kenʼk nihaonhóntsa tsi nón꞉we nihotkoráhston.

Daniel 11:23 ပူးပေါင်းရင်းမြစ်များ

Genesis 34:13

Ne raonekenhteronʼtsheraʼshón꞉ʼahs ne Jacob kwáh í꞉ken tsi wahatiʼnikónhrhaʼte tsi ní꞉ioht tsi waʼthonwarihwaʼserákwahse ne Shechem tánon ne roʼníha Hamor, tiorí꞉wa ne Shechem shakotehá꞉thon ne rontenoʼsénha Dinah.

Psalms 52:2

né satenikonronnihátse ne kakaronniátshera. Né senhnasáke kwáh né꞉ne kwáh iosarotíie iontkonsthonriát꞉tha í꞉ken, Tiotkonhónwe sahtsokentonhnihátses.

Proverbs 11:18

Nónhka ne iáh tetiakorihwaié꞉ri iáh oʼthé꞉nen kwáh thaʼtaiontèn꞉tsha. Nok tókaʼ tho nénhshiere tsi nahò꞉ten tkariwaié꞉ri kwáh ki iorihwí꞉io tsi tensaterihwaʼserákwahse.

Daniel 11:22

Ne ónhka enhonwaióʼtatshe, kwáh enhshakaʼónhewe ó꞉ni kwáh iáh thé꞉nen thaonsakaierón꞉nike, shé꞉kon ne kwáh è꞉neken thótte ratsihenhstowá꞉nen ne Rawenni꞉io raonkwè꞉ta.

Daniel 11:24

Kwáh iáh oʼthé꞉nen thashakohronkà꞉ten tsi enhshakonenhrénhten ne kwáh tiokwáhtshe tho nón tkanakerahserá꞉ien, ó꞉ni niaʼtékon tsi nenhaieránion né ne iáh nonwén꞉ton ne raohsótshera eʼtho tehotiié꞉ren. Eʼthó꞉ne tenshakoiaʼkhónhase ne raonkweʼtaʼshón꞉ʼa ne tsi niiontsthaʼshón꞉ʼa ó꞉ni ne onhontsaʼshón꞉a ne roiená꞉on shiwaterí꞉io. Enhateʼnikonhronniánion ne ienhatiaʼtón꞉ti ne tsi tekanatannhákton ne kashatsténshera, nok ki kwáh iohstó꞉re enhotenhniseróktahse.

Daniel 8:24

Enhaʼshátstenʼne, nok iáh ki raonháʼak raoʼshatsténhsera thakénhake. Tenhatenónianihʼte tsi enshakokaronniánion nonkwehshón꞉ʼa ó꞉ni kwáh enhoianeráhsten tsi nahoʼténshon enhaterihwahténtiaʼte. Enshakoʼwéntho ne ronnonkweʼtowá꞉nenʼs ó꞉ni ne kwáh Rawenni꞉io raonkweʼtaʼshón꞉a.

Daniel 8:25

Ne tsi nihatsítsho, raweienáksen kwáh ki enhoterihwahténtiaʼse. Enhatatonníheke ó꞉ni iakotiohkowá꞉nen enshakoʼwéntho ne kwáh iáh oʼthé꞉nen thaontontró꞉ri. Kwáh ó꞉ni enhonenhróthase ne kwáh thaʼshátste ronnontí꞉io, né ne Rawenni꞉io. Rawenni꞉io kiʼ ne enhóhtonte né ne kwáh iaʼtenhoiáʼtihste.

Romans 1:29

Ne rathihiatanánon neh niateʼioriwákes neh kariwaneraháktseras, wanonthonniontseráksens, ronaskéʼnaʼse tánon kanakwátsera; kwáh rathihiatanánon neh kanosátsera, asakonásehthe, ronaterihioháties, rathinikonrátha, tánon rathiseróhen. Rothiriwakáte,

2 Corinthians 11:3

Wákterons tsi niioiá꞉tawenʼen ne Eve nontié꞉renk tho ní꞉ioht tsi teniehtshiʼnikonhrakén꞉ni. Ne ó꞉niare kaʼnikonhrá꞉tha, tánon waharihwakwé꞉ni ne Eve nakarihwanerá꞉ke. Ne nen ne shá꞉ka ne sewanonhtonniónhtshera nontié꞉renk eniehtshiʼnikonhrotá꞉ko, tánon ne enkarihón꞉ni iáh thieskaié꞉ri tsi naonsesewarihwatokénhake tsi nonkwa ne Kerístos.

2 Thessalonians 2:9

Ne ranikonrákʼsen né enhaháwine ne ranesonrónon raoshatsténsera tánon iatékon tsi nenhaieránion ne ioriwahnerahkwahténions ó꞉ni ne ioneráhkwahs,