Daniel 11:20 - Ohiatonhseratokénti

²⁰ “Ó꞉ia enshonontí꞉ioʼne, sók ne raonkwè꞉ta ienhotó꞉ri ne tahshakoʼnikonhkáriaʼte ne tsienshakokarahérhase nonkwehshón꞉ʼa ohnaiá꞉wenʼne ne sénha ahokwáhtsheʼne tsi ronontiioʼtsheráhere. Kenʼk nikarí꞉wes sók ne tho ronnontí꞉io enhonwanonhwariàkhon, iáh ne tsi ionkwé꞉ne iáh ó꞉ni ateriiohserá꞉ke eh thaiá꞉wenʼne.”

Daniel 11:20 ပူးပေါင်းရင်းမြစ်များ

2 Kings 23:35

Né Ronnontí꞉io Jehoiakim waʼhawistaʼró꞉rohke nonkwé꞉ne né entewanónhton thóh nihotíkwahtse, né nahón꞉ton nahontsénite tsi ahonwaʼkáriakse tsi niharihwanóntons ne ronnontí꞉io ne Egypt nón꞉we.

Proverbs 30:33

Tókaʼ ne kawistohserókwen tahsawénrie, owistóhsera ienwá꞉ton. Tókaʼ ónhka enhsheʼnionhsáiaʼke, entkanékhwa. Tókaʼ ónhka enhshenaʼkón꞉ni, enhsataterihwaká꞉tatshe kiʼ.

Isaiah 60:17

Tsi ní꞉ioht notsínekwar nakaristoténhake kwáh né entékhaʼwe nowistanó꞉ron, tsi ní꞉ioht ne karístatsi akénhake kwáh né entékhaʼwe ne kawistará꞉ken; tsi ní꞉ioht nó꞉iente akénhake, otsínekwar nenkaristoténhake, tsi ní꞉ioht noniénha akénhake, karístatsi kí enkénhake. Né enkerá꞉ko ne skénnon akénhake tsi neniesathenhnikonrá꞉ren tánon karihwakwahrihshión꞉tshera enhoiéntake nónka enhiahiótenhse.

Daniel 11:21

Iahatahshónteren ne raronhiaʼkehró꞉non tsi wahaʼnikonhraiéntahte: “Ne ó꞉ia enshatenontí꞉iohste ne Syria enronkweʼtaksénhake né ne kwáh iáh oʼthé꞉nen thaʼteiotonhontsóhon ne raónha ahonontiióhake, ók kwáh thentiawénhstsi enhoké꞉tohte tánon enhaʼnikónrahte tsi enhaié꞉na ne kashatsténhsera.

Daniel 11:7

Iáh thaiónnise ónhkaʼk tsi nihá꞉ti ne aohwà꞉tsire enshontenontí꞉iohste. Ienshakotiaʼtón꞉ti ne Syria ronnontí꞉io raotióhkwa ronterí꞉iohs, thontahanenhráiaʼkte tsi iashakonaʼtaká꞉ri, tánon enhshakoʼshén꞉ni.

Habakkuk 1:1

Ne ne raotrorhiátshera ne rotokénhse Habakkuk tsi nihotkáton.