Daniel 11:2 - Ohiatonhseratokénti

² Tánon tsi nahò꞉ten ó꞉nen enkonhró꞉ri né ne orihwí꞉io.” Ne raronhiaʼkehró꞉non wahén꞉ron, “Shé꞉kon áhsen nikanontiioʼtsherà꞉ke enhsontiaʼtakwení꞉iohste ne Persia, entióhsere né ne kaieríhaton, sénha raónha enhokwáhtsheʼne tsi ní꞉ioht ne ronatiaʼké꞉shon. Né nó꞉nen kwáh enhaʼshátsteke ó꞉ni enhokwahtshéhake eʼthó꞉ne enhshakonenhróthaʼse tsi tkanontiioʼtsherá꞉ien ne Greece.

Daniel 11:2 ပူးပေါင်းရင်းမြစ်များ

Ezra 4:24

Tsi rothihiò꞉thekwe Nononhsatokentikó꞉wane tehothitahón꞉ne tánon kwáh iáh othé꞉nen thesohtihiò꞉tenskwe tsi nió꞉re ne tekení꞉haton shihiosehrathátie ne shihononhtí꞉io ne Rakó꞉raʼkwe Darius ne Persia nón꞉we.

Ezra 4:7

Tánon shé꞉kon ne tsi iahonhnonhtí꞉ione ne Rakó꞉raʼkwe Artaxerxes ne Persia, ne Bishlam, Mithredath, Tabeel, tánon ne tehothiienawá꞉kons iahonwahiá꞉tonhse ne rakó꞉ra. Ne kahiatónhsera Aramaic kahiathonkwentánon káti ó꞉nenk tsi tekawenhnathénionhke nó꞉nen enkawenhnanó꞉thake.

Esther 1:1

Tsi nón꞉we nihatientáhkhwa ne Ronontí꞉io Xerxes, eʼthó nón꞉we tkanatakweʼní꞉io ne Susa tsi nón꞉we ne Persia, énska tewenʼniáwe tánon tewáhsen tsá꞉ta kakorahseraké꞉ron tehasnonhsáhere, India tiotáhsawe tsi niió꞉re Ethiopia.

Proverbs 22:21

tánon ensarihónnien nahò꞉ten kén꞉ton norihwí꞉io. Sók nó꞉nen ieniesaténniehte naserihwisákha, nek tentéhshawe tsi nahò꞉ten tkariwaié꞉ri nowennaʼshón꞉ʼa tenwaterihwaʼserá꞉ko.

Daniel 10:1

Ne ahsénhaton shiiohserakehátie, né ne Cyrus shihakó꞉ra ne Persia, wahonwarihotáhshien ne Daniel, raónha ó꞉ni Belteshazzar ronwá꞉iats. Norí꞉wa kwáh í꞉ken, tsi tó꞉kenhske í꞉ken ók iohní꞉ron naiakoʼnikonhraién꞉taʼne. Atetshenhserá꞉kon tsi wahonwaʼnikonhraientáhten.

Daniel 11:25

“Roʼnikonhrahní꞉ron tsi ní꞉ioht tsi enhanitiohkón꞉ni ne ronterí꞉iohs ne iahotiaʼtón꞉ti ne ronnontí꞉io ne Egypt, rotateweiennentá꞉on naontahataténhe ó꞉ni kanenhrowá꞉nen tánon ratiʼshátste ne rahonkweʼtaʼshón꞉ʼa ronterí꞉iohs. Ók ne Egypt ronnontí꞉io enhonwaʼnikonrhà꞉ten tánon iáh thahoterihwahténtiaʼse.

Daniel 7:5

Ne tekeníhaton karioʼtowá꞉nen ohkwá꞉ri neʼ teshiatié꞉ren ne nó꞉nen í꞉rate. Tsi naʼtehanawirátere áhsen nikanaʼáhtake ioienawá꞉kon, tánon iaʼkonwatewennóntienʼse, “Wà꞉s, seʼwà꞉rak kwáh tsi ní꞉kon enhskwé꞉ni.”

Daniel 8:21

Ne kaiaʼtákerahs né ne iakotatiá꞉se né Greece raotikó꞉ra, tánon ne teiotokénhton nénska kowá꞉nen tehonà꞉karonte tsi naʼtehatkahrátere né ne tiotierénhton ronnontí꞉io.

Daniel 8:26

Ki atetshénsera tsi nokwá ne orhonʼkè꞉ne ó꞉ni ne oʼkarahsnéha iáh thaón꞉ton naterennaienthatserá꞉kon tsi aonsakowatiaʼtátshaʼahate ne katshé꞉nen tsi né iontienʼkwaronniaʼtáhkhwa, tsi niiesaʼnikonhraientahtén꞉ni eh neniá꞉wenʼne. Nok seriʼwáhseht nón꞉wa, áseʼken eniónnise ne iakáhewe ne eh naiá꞉wenʼne.”

Daniel 8:4

Wahiiateró꞉roke thi teiotinaʼkarontón꞉ʼa rátsinn ratenaʼkaraienhtaniónʼne tsik nonwéshon niahá꞉re tsi iaʼtewatshéntos, tánon othorè꞉ke, ó꞉ni entiéʼne niahá꞉re. Kwáh iáh thaʼkatsiʼnonió꞉ten thakakwé꞉ni né tahonwátahste, tóka ó꞉ni né aonsaieʼniá꞉kenʼne tsi nokwá ne raoʼshatsténshera. Eh nenhá꞉iere tsi nenthaskáneke né raweriá꞉ne tánon kwáh í꞉ken tsi rotatkowanáhton.

Amos 3:7

Oriwiioʼón꞉we ne Roiá꞉ner tsi iáh oh thé꞉nen thahá꞉iere, ne iáh ohén꞉ton thahshakorihotahshienní꞉re ne karihwahséhton ne raonkweʼtaʼshón꞉ʼahs rotitokénhse.

John 10:35

Toka kati nonȣa Niio iakohnatonkȣen tsiniiakon iontataronkatenni ne Niio raoȣenna (iahse sane teseȣateȣatane tsini kaiaton).

Revelation 21:5

Tánon tsi niká꞉ien ne thóh renskó꞉te nanitskwará꞉ne wahén꞉ton, “Satkáto, Ní꞉i wakonhnihá꞉tie orihwakwé꞉kon á꞉se.” Kwáh ó꞉ni wahén꞉ron, “Shiá꞉ton kí꞉ken, asé꞉ken kí꞉ken owennaʼsónhas né꞉ne aontaiaketákwe tánon orihwí꞉io í꞉ken.”