Daniel 11:15 - Ohiatonhseratokénti

¹⁵ Eʼthó꞉ne ne ronnontí꞉io ne Syria oʼkénra enhatenontonniánion nahsonhtaktóntie ne tekanatanhákton né nahontiesénhake iatahontawènrate ne ronterí꞉iohs raonkweʼtaʼshón꞉ʼa tánon enhatiaʼtakweʼní꞉iohste. Ne Egypt aonkweʼtaʼshón꞉ʼa ronterí꞉iohs iáh thiahontahshónteren ne ahonterí꞉io; shé꞉kon ne kwáh thonnonkweʼtí꞉ios iáh ki thiatekaié꞉ri tsi naonsahatiʼshátsteke.

Daniel 11:15 ပူးပေါင်းရင်းမြစ်များ

Jeremiah 33:4

Í꞉i, ne Watiá꞉ner, ne kheNí꞉io ne Israerʼró꞉nons, káton ne tsi kanonhsóhtons ne Jerusalem ó꞉ni ne tsi ronónhsohthe ne ronnonhtí꞉io ne Judah nónhwe kwáh enkanonhsahróshionʼke ne enkarihónni tsi tehonwahtiʼnahthanáhnenhne tánon tsi iehonwahnhatsiaʼtóntion.

Jeremiah 5:10

Ienkhehiaténieʼte ne tehontátʼtions nahatíhiake nahkonhkwetahsón꞉a rothinenharahientʼthósehron, ók iáh kíʼ tiahathikónhtahkwe nakonwahnáhthonte. Enkheró꞉ri nahathinahtoskarónko, tsioríwa thíken onahtehsonʼa tsi iáh i꞉ih tewahkáwenk.

Jeremiah 52:4

Káti ne wísk—iawénhreh shískare ne Tsoʼthor—kówa, ne꞉ne tiotonháton shiʼhioserahtátse ne Zedekiah shihononhtí꞉io, ne Ronhnonhtí꞉io Nebuchadnezzar ne Babylon nónhwe wahonénhriʼne kwáh tsi nihotiókwah ne ronhterí꞉ios hiashaʼkotiatónti ne Jerusalem. Waʼthatinahthánahke ne kanahtoʼwáhnenh tánon wahonthatsoténsten wahonkenratsʼthokhotónʼnion nahsontatʼthóntses tsi wahonthathónnien ne iahathiʼratʼtensthákwahke ne wathahénroʼthe ne tekanahthanátʼthon.

Jeremiah 6:6

Ne Roiá꞉ner roshaststenserowáhnen shakonáhon kí꞉ken rontinonhtí꞉ios nahathirontiákon tánon rahthithonhionthónnion onhnaiáwenhne ne tahkonwawáhnahke ne Jerusalem. Ráhwenh, “Kwáh entréwahte kí꞉ken kanahtowáhnen tsioríwa tsi kwáh titkáhereh ne kariwahiesáhtshera.

Ezekiel 17:17

Shé꞉kon ne kwáh thatisháststes ne Egypt Ronhnontí꞉io rahotiókwah ronterí꞉ios iáh tahathikwéni nahonwahiénawahse nahonterí꞉io ne Babyloniaró꞉nons nónenh enhontenonhtonhniánion nokénras ó꞉ni tenhathiwáhnahke ne osténras watenhenronhniáton ne nahónton iakotiokowáhnen ashakonahwénhtho.

Ezekiel 4:2

Ethòne, ne tahonthontenienténsthonke ne takonhwahnatánnhake, teshontsákhons, shakenratsthokonhthónnion, shatenathonniánion ne ronhterí꞉ios rahothirihwáhke, tánon sonhniánion ne tewahsonhtaríhtha nakthónties.

Daniel 11:14

Eʼthó꞉ne iakotiohkowá꞉nen enhonwatkónten ne Egypt ronnontí꞉io. Ó꞉ni ó꞉tiaʼke ne ratihseró꞉henʼs sanakerahserá꞉kon non nenthónne, Daniel, enhonwatkónten ne Ronnontí꞉io né tsi nahò꞉ten ronatkáhthon natetshenhserákon, nok kiʼ enhonwatiʼshén꞉ni.

Daniel 11:6

Né nó꞉nen tóhkaraʼ niiohserá꞉ke eniotohétston ne ronnontí꞉io ne Egypt shaʼkarí꞉wa enhnón꞉ni ne ronnontí꞉io ne Syria tánon enhorí꞉hon ahotí꞉niaʼke ne shakoién꞉ʼa. Ók iáh thakarihwé꞉sonke tsi shahotirí꞉wa akénhake, tánon ne aónha, ó꞉ni ne ró꞉ne, ó꞉ni ne akoién꞉ʼa, tánon ne aonnhaʼtsheraʼó꞉kon tsi niká꞉ien ne wahontenroserón꞉ni kwáh ratikwé꞉kon enhonwatinonhwarià꞉khon.

Daniel 8:7

Wahiiaterò꞉roke iahotiaʼtón꞉ti thi teiotinaʼkarontón꞉ʼa rátsinn. Eʼtho niió꞉re tsi ronakhwén꞉en né iaʼthoiaʼtóiaʼke tánon tetsá꞉ron waʼthonaʼkarà꞉riʼse. Né teiotinaʼtkarontón꞉ʼa rátsinn iáh thiaʼtekaié꞉ri tsi nihaʼsátsteʼkwe ne aontahotatennhè꞉on. Waʼthaonhontsó꞉ienʼte ó꞉ni wahoratatiéhshon, tánon iáh ónhka teiotetshénrion naontahonwannhè꞉on.

Joshua 1:5

Joshua, iáh ónhka thaiekwé꞉ni naieshashén꞉ni kwáh tsi nikarì꞉wes ensónhnheke. Kwáh Í꞉i enteʼnikwekónhake tsi ki nihiothónhne ne Mahís. Kwáh tió꞉konte tsi enteʼnikonhkwéhake; Kwáh iáh nonhwénton takonhiatewenhthè꞉te.