Daniel 11:12 - Ohiatonhseratokénti

¹² Kwáh í꞉ken tsi enhatatón꞉niʼne tsi rotkwénion tánon tsi nihonatiohkowá꞉nen ne ronterí꞉iohs shakoʼwénthon, nok iáh kiʼ tiahatahshónteren ne tió꞉konte ahotkwénionke.

Daniel 11:12 ပူးပေါင်းရင်းမြစ်များ

2 Kings 14:10

Ó꞉nen Amaziah, sehsén꞉nion ne Edomites, tánon kwáh tsataná꞉non ne kanaiésera. Serientí꞉iosek tsi nitsenhnowánen tánon sanónskon tsi teróntak. Nontiéren tsi astsirón꞉ni nek khók nen né꞉e entkáhaʼwe ne kakaronhniátsera né shonháke tánon ne shonkwetashón꞉ás?”

2 Chronicles 25:19

Ó꞉nenh kí Amaziah, teshataterénhsaron tsi shesénhnion ne Edomró꞉nons, ók kí konhhiatenikonhráwis shaʼnónskon tatsiterón꞉tat. Nontiéren tsi asherikstónhni nek khók ienshákwahse ne kakaronhniátshera né shonháke ó꞉ni ne shonkwetaʼshón꞉as?”

2 Chronicles 26:16

Ók kíʼ nó꞉nen ne Uzziah wahashástsʼtenhne, wahatatʼkówanaʼte, tánon né kíʼ wakarihónhni tsi tahahiátenhne. Wathotiónsten ne Roiá꞉ner Raoní꞉io né tsi iahatáwehiate Nononsatokenhtiʼkówaʼne nahát꞉tsahaʼte ne kanetanóron ne ietsienharáhkwahke nétho kanetanóron ioteríhonte.

2 Chronicles 32:25

Ók ne Hezekiah shó꞉tsi rathatónhni narehnéste ne kanonhwerahtónhtsera tsi né nihotseráse ne Roiá꞉ner, tánon ne Judah ó꞉ni ne Jerusalem né wakenironhiákente.

Proverbs 16:18

Kanaiéhtshera eniakohshá꞉rine tsi nonkwá ne karihwaiesáhtshera, tánon atkenronniáhtshera ehtà꞉ke ieniakoiaʼténhas.

Ezekiel 28:17

Shatatónhnikwe tsi nisehnekénteron, tánon tsi nitsenhnowáhnen ne wesónhnien thóh náhshere tsi ní꞉ioht ne thothónhnokʼthe. Né kíʼ aoríwah ohontsáke wahkonhiathónti tánon thók iesháthaien né꞉ne ahonwahnaronhkáhten nakorénhsons Ronhtinonhtí꞉ios.

Ezekiel 28:2

“Rónhkwe iaiénha,” wahénron, “Tsró꞉ri ne rakórah ne Tyre tsi nahó꞉ten Ní꞉ih, ne Wakenonhtí꞉io Watiá꞉ner, rihrorhiánions: Né sahweráhten ne kanahiésehra, íhsehre ní꞉io nahshiathóten. Sáhthon tsi ní꞉ioht ne ní꞉io ahtitskwáhrahne sitskwáhere, kaniatarahkekówa teshatsatháton. Enhwáhton nahsèhrehke ní꞉io ashathatónhni, ók, iáh, í꞉se ne sonhontsakeró꞉non, iáh Ní꞉io thashathóten.

Ezekiel 28:5

Weshahianeráhsten tsi nihioiánere wasahtheriwahsehronhniánion tánon iaskónhthakwe wesahianeráhsten wasatwistónhni. Tsi nisahthatónhni tsi nisahkwáhtse!

Daniel 11:11

Raonaʼkwenhtsherákon ne Egypt ronnontí꞉io enhiaterí꞉io ne Syria ronnontí꞉io, tánon ronatiohkowá꞉nen ne ronterí꞉iohs tánon kwáh ratikwé꞉kon wahshakoié꞉na.

Daniel 11:13

“Ne ronnontí꞉io ne Syria ensháhkete nok sénha kanenrowá꞉nen enshanitiohkón꞉ni ne ronterí꞉iohs tsi nitiohtònne. Nó꞉nen ienskáhewe, eʼtho iénsre enhotiohkowanenhátie tánon kwáh í꞉ken tsi enhonatateweiennentaónʼhake ne raotióhkwa ronterí꞉iohs.

Daniel 5:23

Wahsatathará꞉tate tsi nonkwá꞉ti ne Roiá꞉ner Rawenni꞉io ne karonhiá꞉ke thén꞉teron tánon táhsionʼte ne kátshe ó꞉ni ne akehraʼshón꞉a ne thotíha ne raononhsatokenhtiʼkowáhne. Í꞉se tánon ne sonkweʼtaʼshón꞉ʼa ne ratihsennowá꞉nens, sewaniákhons, sahskareʼó꞉kon, ne wésewatste tsi wesewahnekí꞉ra ne notsì꞉tsa ó꞉ni wesewahsénnaien ne kaiaʼtón꞉ni ne ionniá꞉ton ne ohwistanó꞉ron, kahwistará꞉ken, ne kahwistárhon ne otsì꞉nekwar nikaristó꞉ten, karístatsi, ó꞉iente, tánon ne onén꞉ia—kaiaʼtón꞉nis ne iáh tekontí꞉ken tánon iáh teionathón꞉te iáh ó꞉ni thé꞉nen teionaterién꞉tare. Nok iáh tehtskweniénhston ne Rawenni꞉io tsi niká꞉ien thoniarotárhon ne tsi sónnhe ó꞉ni tsi satónrie ó꞉ni kwáh tsi ní꞉ioht tsi satoriá꞉nerons.

Daniel 8:25

Ne tsi nihatsítsho, raweienáksen kwáh ki enhoterihwahténtiaʼse. Enhatatonníheke ó꞉ni iakotiohkowá꞉nen enshakoʼwéntho ne kwáh iáh oʼthé꞉nen thaontontró꞉ri. Kwáh ó꞉ni enhonenhróthase ne kwáh thaʼshátste ronnontí꞉io, né ne Rawenni꞉io. Rawenni꞉io kiʼ ne enhóhtonte né ne kwáh iaʼtenhoiáʼtihste.

Deuteronomy 8:14

ioriwihióhak ne tó꞉sa ahshená꞉ieʼne tánon ahtiataʼnikónhren ne Roiá꞉ner saNí꞉io tsi raónha shianiakénton ne Egypt nón꞉we, tsi nón꞉we tsesanaskón꞉niskwe.

1 Timothy 3:6

Kwáh ahontahoʼnikonrakontakwen tsi tawetákwen, neh꞉ne tóhsa ahonontsistowáhna tsi ahanáiene nók ahonwahréwate tsi nihohiatawén꞉en ne ótkon.

1 Tiér 5:5

Kwáh ne saoríwa ne nitisewahiónsas ietʼtsikweniénstak ne thoʼtí꞉ions. Tánon kwáh sewakwékon teʼiothonwentióʼon naisewatenihiónten ne tkariwaiéri, tesewatateriwáhwas, Asèken wáhton nʼoriwatokénti, “Ne Rawenni꞉io sakonenrotánis ne hiontatónni, nók sakoténras ne ne ehtáke iakotatónh꞉ni.”