Daniel 10:9 - Ohiatonhseratokénti

⁹ Shahiwenná꞉ronke, onhwentsià꞉ke watiaʼtaién꞉taʼne onkeʼnikonhráhton thiekkonhskárhate tsi ietiá꞉taien.

Daniel 10:9 ပူးပေါင်းရင်းမြစ်များ

Genesis 15:12

Kwáh tsi niaʼorahkwenʼenhátie, ne Abram kwáh í꞉ken tsi ioserenhtahní꞉ron tsi níʼioht tsi wahó꞉taʼwe, tánon kahteronʼtsherowá꞉nen tetió꞉karahs wahó꞉raʼne.

Genesis 2:21

Eʼtho꞉ne ne Roiá꞉ner Rawenni꞉io kwáh í꞉ken tsi wahotá꞉sten ne rón꞉kwe, tánon tsi náhe ró꞉taskwe kiʼ rón꞉kwe, énska wahonaʼatóhtshión tánon shahahnó꞉ton ne raierón꞉ke.

Job Tánon ne Raoronhiakensera 33:15

Atetsenhserá꞉kon, aiakoteriotáshien noʼkarasnéha, nó꞉nen kwáh teioserenhtanótes tsi iakó꞉tas nón꞉kwe, tsi nikarì꞉wes ratiiatiónhni ne raotináktake;

Job Tánon ne Raoronhiakensera 4:13

Énska tsi niwashòn꞉tes onhkesenhrentát꞉senhne, nó꞉nen kwáh shiahonhkí꞉taʼwe tsi ní꞉ioht nahiakonikonhratónhon,

Song of Songs 5:2

Onkítawe, ók naʼkwéri iotséwaʼte. Waʼkatahónsate! Nákʼskare thanoháiaks. Takenotónhkwas, tiatenósen, nakʼtsikhéta. Akʼtsítha, ne tsakoriwaʼiéri; asèken tsi niwaʼkenonhtsistanáwen tsi waʼowehiaste, tsi waʼkeratskéntonte iotsanónhkwe tsi niwaʼshóntes.

Daniel 10:16

Eʼthó꞉ne ne raronhiaʼkehró꞉non, ne teskaieróntare nón꞉kwe, tontaháhtsatate iahaié꞉na ne tsikshaká꞉ronte. Wahiiénhase, “Sénhshie, ki atetshénhsera kwáh í꞉ken tsi waktsiʼiohátha tánon iáh tewahtkàwahs tsi watiaʼtiʼshónhkwa.

Daniel 8:18

Tsi nikarí꞉wes ró꞉thare, waʼtiaʼtié꞉nenʼne kwáh iewakenikonratónton. Nok iahatié꞉na, tánon tonsaháktahste,

Habakkuk 3:16

Wakaʼthón꞉te akwé꞉kon kí꞉ken, tánon onhtsiatí꞉shonkwe; tsi nió꞉re tsi wáterons waʼtewakenawirohó꞉khon. Tánon tahkwaʼáshon onkatiénhase ne tiéronhke, tánon waʼtiatishónkwa tsi nón꞉we niʼttákwe. Kwáh kíʼ skén꞉nonk thenkénhake tsi nenhkateráhrate ne iaʼkáhewe nó꞉nen ne Rawenni꞉io ensakorewaʼte tsi niháti ne tionkhiiatsatónhtses.

Luke 22:45

Tonsahatane sahaterennaientako, eh niionsare tsi thatiteren ne raotiokȣa, ionsaraȣe rotitas tsini hotinikonraksens.

Luke 9:32

Kenh kaien ne Tier oni ne rontenrotiene eh nahotiiataȣen tsiniiot nakȣa ihken iakoserentaras; nok nonen sonsahatiie iah tiiaieriȣaheȣe tsini hoiatanerakȣat tsi sahonȣaken eh oni nehne niiot ne teniiasse.

Revelation 1:17

Nó꞉nen sahí꞉ken, watsiataién꞉taʼne rashitákʼtha tsi ní꞉iot nahonkihé꞉ionke. Ók wathakanisnónhsaren ne saweientenhthákwen, ratón꞉nions, “Tó꞉sa saterónh; Í꞉i ne tiotierenhthá꞉kwen tánon nonaʼkénkha í꞉ken,