Daniel 10:8 - Ohiatonhseratokénti

⁸ Akonhà꞉ak khók iaʼtesewakatatén꞉ron, wakerihwanehrakó꞉on tsi tekká꞉nere. Kwáh iáh thé꞉nen teséksta, tánon watkatskennennatón꞉ten iáh tó꞉ka ónhka thaonsaiontién꞉tereʼne.

Daniel 10:8 ပူးပေါင်းရင်းမြစ်များ

Genesis 32:31

Taiorahkwinekenʼenhátie tsi nihotohetstonhátie ne Peniel, ratsinoʼkahtà꞉ne rahiʼià꞉ke tkarihón꞉nis.

Exodus 3:3

“Tehiotsierónhnion kí꞉ken,” tsi wahaʼnonhtónhnionʼwe. “Nonhtsié꞉ren tsi iáh tehiokwirahtékha? Ákta nienhenke tánon entkenhenhion.”

Daniel 10:16

Eʼthó꞉ne ne raronhiaʼkehró꞉non, ne teskaieróntare nón꞉kwe, tontaháhtsatate iahaié꞉na ne tsikshaká꞉ronte. Wahiiénhase, “Sénhshie, ki atetshénhsera kwáh í꞉ken tsi waktsiʼiohátha tánon iáh tewahtkàwahs tsi watiaʼtiʼshónhkwa.

Daniel 10:17

Ne teskatatierontáhrha tsi ní꞉ioht ne ranáhskwa raohén꞉ton í꞉rate ne raokóswe. Oh ní꞉ioht tsi akonhthárhase? Iáh thé꞉nen tesewakeʼshatstenhserá꞉ien iáh ó꞉ni tesewakonriserá꞉ien.”

Daniel 7:28

Né kí né tsi ieió꞉toʼkte norihwaʼshón꞉a. Eʼtho niió꞉re tsi ónkteronʼne kwáh watkatskennennaʼtón꞉ten, ó꞉ni kwáh orihwakwé꞉kon akonhá꞉ke waʼkateweiénton.

Daniel 8:27

Í꞉i Daniel kwáh wakaʼnikonhrókten ó꞉ni tóhka nón꞉ta onkenonhwákten. Eʼthó꞉ne tonsáktaʼne ionsakatahshónteren sontióʼten tsi nihakenhá꞉on ne ronnontí꞉io, nok wakaterihwakwé꞉ki tsi ní꞉ioht tsi wakatetshén꞉en tánon iáh tewá꞉tons naonkeʼnikonhraién꞉taʼne.

Daniel 8:7

Wahiiaterò꞉roke iahotiaʼtón꞉ti thi teiotinaʼkarontón꞉ʼa rátsinn. Eʼtho niió꞉re tsi ronakhwén꞉en né iaʼthoiaʼtóiaʼke tánon tetsá꞉ron waʼthonaʼkarà꞉riʼse. Né teiotinaʼtkarontón꞉ʼa rátsinn iáh thiaʼtekaié꞉ri tsi nihaʼsátsteʼkwe ne aontahotatennhè꞉on. Waʼthaonhontsó꞉ienʼte ó꞉ni wahoratatiéhshon, tánon iáh ónhka teiotetshénrion naontahonwannhè꞉on.

Habakkuk 3:16

Wakaʼthón꞉te akwé꞉kon kí꞉ken, tánon onhtsiatí꞉shonkwe; tsi nió꞉re tsi wáterons waʼtewakenawirohó꞉khon. Tánon tahkwaʼáshon onkatiénhase ne tiéronhke, tánon waʼtiatishónkwa tsi nón꞉we niʼttákwe. Kwáh kíʼ skén꞉nonk thenkénhake tsi nenhkateráhrate ne iaʼkáhewe nó꞉nen ne Rawenni꞉io ensakorewaʼte tsi niháti ne tionkhiiatsatónhtses.

Matthew 17:6

Tsinahoten ȣahonronke ne raotiokȣa, akȣa ehtake ȣahatiiatakerontane tsi nahonateronhienton.

St. Mark 9:6

Tsiniiot niah tahoterientarake nahoten raton; Aseken esoki tsi ronateronhientenni.

John 16:32

Onȣatsiok ienkaheȣe, onen ki oni ieiohe ne taietsiiareniate, tsiseȣaiatatson tsiniienhenseȣe, nok akonhaa ienseȣakatatenre; iah ki nehne teȣakonhaa.

2 Corinthians 12:7

Orihwiioʼón꞉we ó꞉nen né꞉ʼe enktharáhkwe ne iorihwanerahkwahténions wakatkáhthon. Ne aorí꞉wa shaiá꞉ta ne ranesonróhnon raonkwé꞉ta tahotó꞉ri nahakeronhiá꞉kenʼte, neh naontá꞉we tóhsa sótsi akatatonníheke.

Revelation 1:17

Nó꞉nen sahí꞉ken, watsiataién꞉taʼne rashitákʼtha tsi ní꞉iot nahonkihé꞉ionke. Ók wathakanisnónhsaren ne saweientenhthákwen, ratón꞉nions, “Tó꞉sa saterónh; Í꞉i ne tiotierenhthá꞉kwen tánon nonaʼkénkha í꞉ken,