Daniel 10:6 - Ohiatonhseratokénti

⁶ Ne raieròn꞉ke éhthoh ʼnaʼteiohstaráthe tsi ní꞉ioht ne kwáh kanenianó꞉ron. Ne rakonhsà꞉ke tho nateiohswáthe tsi ní꞉ioht nó꞉nen tewaniʼneʼkaraʼwánions, tánon ne rakahraʼkéshon tsi ne ní꞉ioht nótsire. Ne ranentshaʼkéshon ó꞉ni ne rahsinaʼkéshon teiohstaráthe tsi ní꞉ioht nó꞉nen tekahstarathé꞉ton ne kwénnis, tánon tsi róhthare ne teskaieróntare tsi shí꞉ken ní꞉ioht ne kwáh iakotiohkowá꞉nen.

Daniel 10:6 ပူးပေါင်းရင်းမြစ်များ

Exodus 28:20

tánon ne kaieríhaton tehiotinenráton, né꞉ne tehioterónhionhthe nóhonthe, né hioteherarónhnion, tánon natʼthésa nikanenhióten. Né kí꞉ken ne nowistanóronhs takaʼwáhnenhken.

Song of Songs 5:14

Ne raʼnenhtsákes teiotʼwenónhni nowistanóron, ne kaʼrashestánion nowistanoronhshón꞉ahs. Ne rahiatákes karakara꞉ráhkens; ne thitsioró꞉ron ne teioterónhionte onénhia.

Ezekiel 1:14

Tánon ne ronhnonhnhénion wahatiʼtiéson, kwáh ètho niʼiohsháststes tsi ní꞉ioht ne tahonhninékaraʼwe.

Ezekiel 1:16

Ne kaiéri nikakahkwéntakes kwáh akwékon ne sáka; ne skakahkwentátʼtions teiosʼtarátʼthes tsi ní꞉ioht ne kwáh kanenhianóron, ne skakahkwénhta tsi nikáson tsi ní꞉ioht ne tehiokakwéntahne ákte ne nòkwah tsi tehiotkarahthénion,

Ezekiel 1:24

Honkatʼthónteʼne tsi rahthítie tsi nihioráhkareh ne rahothinerahóntʼtsas; kwáh thóh ní꞉ioht tsi nikawáhtsas ne kaniatarahkhekówa, tes kaierónhtareh tsi nihiotʼtsaróh꞉kwenh ne kanenhrowáhnenh ronterí꞉ios, teskaierónhtareh ne Roshaststenserowáhnenh Rawenni꞉io raowénna. Nónenh enhóntkaʼwe tsi rahthíties, tenshontenerahontsiásehte,

Ezekiel 1:7

Ne rathishinahkésons tiehiotʼtakwahríshions, tánon tehatiʼtsinahrénhthonte tsi ní꞉ioht ne tionónhskwahron ráhtsinn. Tehothihiatastarátʼte tsi ní꞉ioht ne tekastaratʼthéton notsínekwar nikaristhó꞉ten.

Ezekiel 10:9

Káti ó꞉ni wakatkátho kaiéri nikakawénhtakes, akwé ne sakakakwénhtas, énska iokakwénthonte ne shaʼthihiathatíson ne rathironhiakeró꞉nonh cherub. Nokakwéntas teiostharatʼthénion tsi ní꞉ioht nekwáh kanenhianórons, tánon ne skakakwenhtátʼtions tehiokakwénhtane tekakháshion skaweientethákwenh ne nòkwah tsi tewakʼkarathénies nokakwénhtakon.

Ezekiel 40:3

Shén꞉ha ákta niahatiaténhawe, tánon wahí꞉ken rónhkwe et natehohiataswátʼthe tsi ní꞉ioht ne teiotwístaron notsínekwar karísthatsi. Né roienhawáhkon ne káneks ionhtenientensthákwa tánon ne káhnia ionhtenientensthákwa tánon atenhenrákʼta írahthe.

Ezekiel 8:2

Wakatarahkétsko tánon onhkatashá꞉tarahse ónhkwe teskaierónhtare rohiathathékha. Tánon etàke ne rahshionhontáhke ne rahiéronhke kwáh tsi ní꞉ioht nahiothékhake, tánon éneken ne rashionhontáhke kwáh tehohiathastarátʼthe tsi ní꞉ioht ne teiowístaron notsínekwar karísthatsi.

Matthew 17:2

Nok rahotihenton etho ȣathatteni; eh nahakonsotenne tsiniiot ne karakȣa, nok ne raotseronniat eh nakenrakenne tsiniiot noniete.

Matthew 28:3

Eh nihakonsoten tsiniiot tsi iororote, nok eh nikenraken ne raotseronniat tsiniiot nʼoniete.

Luke 9:29

Tsini kariȣes roterennaien eh ȣathatteni, nok ȣakenrakenne ne raotseronniat eh nahaȣenne tsiniiot tsi ioronhrote.

Revelation 10:1

Tánon wahí꞉ken nó꞉ia rashátste raronhiakeró꞉non tahosnenhtonhátie karonhiá꞉ke, ne teotwanát꞉tonh notsá꞉ta, ioronró꞉te teioʼkwatá꞉se ne ranontsí꞉ne; ne rakón꞉sake thóh ní꞉iót kwáh né꞉ne karáhkwa, tánon ne rashinakéhsons thóh ní꞉iot kwáh né꞉ne iotón꞉kote.

Revelation 19:12

Ne raká꞉rakes kwáh né꞉ne otón꞉kwa ó꞉tsire, tánon wé꞉so rononwaró꞉rons; tánon thóh kashénhnare né꞉tho iáh ón꞉ka teiakoterièn꞉tare nahó꞉ten kén꞉tons kwáh rahonhatsí꞉wa khók roterièn꞉tare.

Revelation 2:18

“Tánon raonhà꞉ke ne raronhiakeró꞉non ne Thyatira nón꞉we shiá꞉ton: Ne kí꞉ken raowenhnashón꞉as ne Ní꞉io Roién꞉ha, ne rakarakéhsons kwáh né꞉ne otónhkwa otsí꞉re, tánon ne rashì꞉takes kwáh ne ne tekastarathè꞉ton kwé꞉nis:

Revelation 21:20

ne wiskkhaton onekwentá꞉ra niwashó꞉koten, ne iáh-iakʼkhaton ioteherahrónhnion onénhia, ne tsáʼtakhaton teiót꞉tsinekwahronhte nohón꞉te, ne shá꞉tekonhaton teioteronhionte ohón꞉te, ne tiotón꞉haton tehiotʼtsinekwáhronhte, noierí꞉haton teiót꞉thontonte niwashó꞉koten, nenska-aton tehioterónhionhte nóhonte, ne tekeni-iawenrehaton tetsosohkwáhkaras nariwakonhnéha.