Daniel 10:16 - Ohiatonhseratokénti

¹⁶ Eʼthó꞉ne ne raronhiaʼkehró꞉non, ne teskaieróntare nón꞉kwe, tontaháhtsatate iahaié꞉na ne tsikshaká꞉ronte. Wahiiénhase, “Sénhshie, ki atetshénhsera kwáh í꞉ken tsi waktsiʼiohátha tánon iáh tewahtkàwahs tsi watiaʼtiʼshónhkwa.

Daniel 10:16 ပူးပေါင်းရင်းမြစ်များ

Exodus 4:10

Ók ne Mahís wahénron, “Iáh, Saiá꞉ner, tó꞉sa iaskató꞉ri. Iáh nonhwénhton tehioiánere tsi tekatátis, tánon iáh ó꞉ni tewakeweienʼtetáʼhon tsi náhe tisathásawe takʼthaʼráhni. Kwáh íken tsi wahkíten tsi ní꞉ioht tsi katátis, wakewenhnaʼkenhéion tánon tethewakenikónhrahke.”

Exodus 4:13

Ók watariwahsehráko ne Mahís, “Ó Atiá꞉ner, asaʼthontátsheke ónhkak akòren iasehiató꞉ri.”

Ecclesiastes 1:18

Né sénha satenikonhratʼtó꞉kha, sénha kíʼ tensathatenikonhráhren; ne sénha seriwahientéri, sénha iononwákʼte.

Isaiah 6:7

Né seraph tsiksaʼkáronhte waharanénhthatʼte ne ioswenhthataríhen tánon wahénron, “Né kí꞉ken tsi iakaiéna ne seritsàke, tánon kíʼ ó꞉nen tsi nihsaníkon éhren sahkaháwite, tánon ne sarihwahetʼkénsera kwáh sahkarakwarón꞉ko.”

Jeremiah 1:9

Ethóhʼne ne Roiá꞉ner thontahatiáthate, skwentàhke iahaiéna, tánon wahakénhase, “Sahtahónsahtat, tkonhiáwis nohwenhnahshón꞉a nahshatáhtsiaʼte.

Ezekiel 1:26

Éhnekenh ne tsi karonhiáte ne꞉ne éhnekenh ne tsi ronahtenonhtsistatónhnions knahótenk tsi shí꞉ken ní꞉ioht nahtniskwáhra ne꞉ne tehioterónhionte onénhia nahóten ionhniáton, tánon ne atnistskwáhrahne renskwáhere teskaierónhtare ne ónhkwe akénhake.

Ezekiel 3:27

Ethòne, nónenh shé꞉kon ienskonhwénhnahrahne tánon ensetnerénhshion ne senáhsahke, tánon kwáh ensehró꞉ri tsi nahó꞉ten Ní꞉ih, ne Wakenonhtí꞉io Watiá꞉ner, kathónhnions. Ótiake enhontahónsahtate, ók ótiake enhieshatarónhtiense, asèken ronónha ne iáh tehontewenhnaráhkwah kentiókwah.”

Ezekiel 33:22

Ne wahsontháteʼkwe nohénton sáhrahwe, watʼkátʼtoke tsi nikashastsʼtenserowáhnen thóh íres ne Roiá꞉ner. Nónenh ne rónhkwe sáhrahwe nóhia sihioronhkéne, ne Roiá꞉ner thontahákon ne kashastsʼténsera nahonsahkatáti.

Daniel 12:8

Onkathón꞉teʼne tsi nahò꞉ten wahén꞉ron, nok iáh tewakeʼnikonhraientá꞉on, sók kiʼ waʼkeriʼwanónton, “Nok rawénhshe, oh ní꞉ioht ne orihwakwé꞉kon tsi ienwatókten?”

Daniel 4:19

Eʼthó꞉ne, Daniel, raónha ó꞉ni Belteshazzar ronwá꞉iats, tsi nontahatónʼneke iáh tehokwénion ne thé꞉non ahá꞉wenke. Ne ronnontí꞉io wahawénhahse, “Belteshazzar, tóhsa natetshénhsera ó꞉ni tsi nikénton tisatonʼnékten.” Belteshazzar tonsaharihwaʼserá꞉ko, “Sanontí꞉io, aiá꞉wens ne eʼtho atetshénhsera tánon tsi nikaʼnikonhraientáhtha né ne iesáhswenhs aiakotónheke nók iáh ní꞉se.

Daniel 7:15

Tsi nahoʼténshons wakatkahthóhseron tonkwatonnékten, tánon kwáh í꞉ken tsi waʼtewakeʼnikonrháren.

Daniel 7:28

Né kí né tsi ieió꞉toʼkte norihwaʼshón꞉a. Eʼtho niió꞉re tsi ónkteronʼne kwáh watkatskennennaʼtón꞉ten, ó꞉ni kwáh orihwakwé꞉kon akonhá꞉ke waʼkateweiénton.

Daniel 8:15

Í꞉i Daniel kateniénthakwe naonkenikonraién꞉taʼne tsi nahò꞉ten kéntonhs neʼtho atetshénsera, ók thontaiawénstsi ónhkaʼk akhén꞉ton waʼtié꞉taʼne, kwáh ne teskaieróntare ne ron꞉kwe.

Daniel 8:17

Ne Kabriér ákta nontà꞉re tánon tiaʼtákta waʼthá꞉taʼne, eʼtho niió꞉re tsi onkateronhiénhten onhontsà꞉ke watiaʼtaién꞉taʼne. Wahakénhahse, “Rón꞉kwe iaʼiénha, saʼnikonhraiéntaʼn tsi nikéntonhs. Thi atetshénsera né iewatihénthos nó꞉nen ienkáhewe tsi ienwatonhontsaríhsi.”

Daniel 8:18

Tsi nikarí꞉wes ró꞉thare, waʼtiaʼtié꞉nenʼne kwáh iewakenikonratónton. Nok iahatié꞉na, tánon tonsaháktahste,

Daniel 8:27

Í꞉i Daniel kwáh wakaʼnikonhrókten ó꞉ni tóhka nón꞉ta onkenonhwákten. Eʼthó꞉ne tonsáktaʼne ionsakatahshónteren sontióʼten tsi nihakenhá꞉on ne ronnontí꞉io, nok wakaterihwakwé꞉ki tsi ní꞉ioht tsi wakatetshén꞉en tánon iáh tewá꞉tons naonkeʼnikonhraién꞉taʼne.

Daniel 9:21

Tsi nikarí꞉wes wakaterénnaien, ne Kabriér, tsi niká꞉ien rí꞉ken ne tiotierénhton tewakatetshén꞉en, tontahatá꞉senhte tsi nón꞉we níkeskwe. Eʼtho shikahá꞉wi tsi nihotirenhaʼón꞉ne ne oʼkarahsnéha katshé꞉nen enkonwatsiaʼtátshaʼahte.

Luke 1:64

Ethone onen sontnerensi ne raȣennason, nok ȣathononȣeronnion ne Niio.

Luke 21:15

Aseken akȣa ii enkion nethone ne kanikonriio kaȣenniio oni tsiniiore ne iah onka takakȣeni aietsiriȣaiakse oni aietsirihorarake ne ietsiriȣasȣens.

John 20:28

Nok nʼAtonȣa tahenron: Saianer nok Ake-Niio.

Joshua 5:14

“Iáh ne kakniká꞉ien akénhake,” ne rónhkwe wathariwaʼsehrá꞉ko. “Tsi kén꞉en í꞉kes í꞉i ne kenenhrakweʼní꞉io ne Roiá꞉ner rahotióhkwa ne ronhterí꞉ios.” Ne Joshua ohontsá꞉ke wahathatiaktiénenhte tsi nahokwéniensthe tánon wahèn꞉ron, “í꞉i ne shanátsera, shénshion. Nahó꞉ten teshatonhontsóni tsi nátiere?”

Revelation 1:13

tánon ashén꞉non nón꞉we kíʼ wathaseranihiontháhkwa waʼhí꞉ken saiá꞉ta kwáh tesiatié꞉ren nón꞉kwe roién꞉ha, ne rotieronhniáton ne waʼkó꞉ses tánon owistanó꞉ron niwashohkó꞉ten ská꞉ti nokwá꞉ti khók rotentskweʼnorónkton.

Judges 13:8

Ethòne ne Manoah wahaterénhnaien rahohénton ne Roiá꞉ner, “Asatʼthontátʼtsheke, Saiá꞉ner, tieríhon nètho rónhkwe né Ní꞉ione roteríhonte né thetsiató꞉rionhne tétʼre nonhkenónhake tánon nashonkeniʼró꞉ri onhnahiakerí꞉iere nó꞉nen enrenhnákerate ne raksáha.”

Judges 6:13

Ne Gideon wahawénhase, “Tó꞉ka ahónton nakonhrihwanónhtonhse, sénhshie, onh nihiotséren tsi kí꞉ken akwékon éhtho nihionkwahiáthawens tó꞉ka ne Roiá꞉ner iakwahkwékon? Onh nihiawénhon nakwékon tí꞉ken iorihwanerakwahthénions né iakhinihokonhkénʼen hionkhiró꞉ri tsi nihaiérakwe ne Roiá꞉ner—tsi ní꞉ioht tsi tetheshakohiatinekénʼen ne Egypt nónhwe? Né Roiá꞉ner shonkwahtewenhthéton tánon thóh waʼshonhkwátkhaʼwe kwáh tsi nenhthatinónhwene ne Midianró꞉nons.”

Judges 6:15

Ne Gideon watharihwasehráko, “Ók Saiá꞉ner, onh ní꞉ioht tsi ahonsakheʼniákente Israerʼró꞉nons? Tsi niwakitaró꞉ten né ahonháʼa iáh tethatishástste tsi hionhkwenhtsókwahien ne Manasseh, tánon í꞉i tsiahonháʼa ken nitetsenhnáha natwatsirákon.”