Daniel 10:1 - Ohiatonhseratokénti

¹ Ne ahsénhaton shiiohserakehátie, né ne Cyrus shihakó꞉ra ne Persia, wahonwarihotáhshien ne Daniel, raónha ó꞉ni Belteshazzar ronwá꞉iats. Norí꞉wa kwáh í꞉ken, tsi tó꞉kenhske í꞉ken ók iohní꞉ron naiakoʼnikonhraién꞉taʼne. Atetshenhserá꞉kon tsi wahonwaʼnikonhraientáhten.

Daniel 10:1 ပူးပေါင်းရင်းမြစ်များ

Genesis 41:32

Tánon tsi naʼtekahná꞉ne ne Pharaoh raotetshènhsera kenʼ kiʼ nikén꞉tons nétho naʼkarihó꞉ten tsi Rawenni꞉io tho nihokwatákwen, tánon ne Rawenni꞉io kwáh iostó꞉re tho nenhá꞉iere.

2 Chronicles 36:22

Né sonhtonhthoseratsérenhte ne Cyrus né꞉ne Persiaró꞉non shiʼhakóra, né Roiá꞉ner né waʼrón꞉niaʼte tsi nihá꞉wen rahonhá꞉ke ne rotokenséhakwe Jeremiah né thóh naiá꞉wenhne. Waʼhonikonráhreʼke ne Cyrus nahaianerenhserónh꞉ni kén nahiotónhake tsi ashakoró꞉ri tánon iehateniethánion akahiátonke ahiorahkarenitónhake tsi akawenhnanó꞉thaʼke kwáh tsikʼnón꞉we ne raonakeraserákon:

Ezra 3:7

Nonhkweshón꞉as tahiontkawánion nowístas nahonwatikháriakse ne tehatitstenhró꞉thas tánon ne ratiskwenhkarakétas tánon ó꞉ni kákhwa tahontkawáhnion, nienekiráhthas, tánon ne iakenhiewáhtha kénhies ne iahonteniéhthonhke tsitkaná꞉thaiens ne Tyre tánon ne Sidon ne tahonthatawí꞉heke ne onenhthakwénhte okhonré꞉tsas ne Lebanon nón꞉we nahonthakónhne, né꞉ne kaniatarakheʼkó꞉wa nón꞉we nahontahatíhawe tsi nió꞉re ne Joppa. Orihwakwé꞉kon kí꞉ken thóh nahá꞉wenhne tsi ki nihoriwanonhwéhon ne rakó꞉ra Cyrus ne Persia nón꞉we.

Ezra 4:3

Ne Zerubbabel, ne Joshua, tánon ne ononhtsikowátʼtsons ne tsi ratitióhkwaiens wahonwatiró꞉ri, “Iáh thatehionkwahtonhontsó꞉ni ne sewaienawaséhtseras tsi enskanonhsonhní꞉hake Nononsatokentihkó꞉wa ne Roiá꞉ner raorì꞉wake nonkwáh Ní꞉io. Iatehiakwahiá꞉ti tsi entsakwahnonhsón꞉ni, kwáh ki tsi ní꞉ioht ne rakó꞉ra Cyrus ne Persia tsi sonhkwahrihón꞉te.”

Ezra 4:5

Kwáh ó꞉ni wathonwathitsikhetá꞉roseh ne Persia kakorahsehrakónsons rothihiò꞉te ne nahonwathihiotatʼtse. Thóh ki nihatiié꞉rakwe kwáh tsi nikarì꞉wes ne iehotkoráston ne rakó꞉raʼkwe Cyrus tánon tsi iahononhtí꞉ione ne rakó꞉raʼkwe Darius.

Ezra 6:14

Ne Sitaeró꞉nons sakotihenténhse wahotiianerásthen tsi shatinonhsón꞉nis Nononsatokentihkó꞉wa, ronhwatinikónhrare ne rotitokénhse né꞉ne Haggai tánon ne Zechariah. Wahatinonhshí꞉sa Nononhsatokentihkó꞉wa kwáh ki tsi nisakorihwatháti ne Rawenni꞉io ne Israerró꞉nonhke ó꞉ni ne Cyrus, Darius, tánon ne Artaxerxes, raónha rakó꞉ra kénʼne ne Persia nón꞉we.

Ezra 6:3

“Ne shonthonthosehratié꞉renhte Siharórakwe ne Cyrus wahathénhnane né꞉tho Ononsatokentihkó꞉wa ne Jerusalem nón꞉we nahonsakanonhsón꞉nike tsi thóh nón꞉we ne kariwihiosehokón꞉as nahonterihwathenhtsátonhke tánon nahonteskonhtʼtháke. Nononsatokentihkó꞉wa tióhton niwáhsen niwashí꞉take nahontahiotʼteske tánon tióhton niwáhsen niwashí꞉take natahonthakáronhke.

Isaiah 44:28

Ónhka sakawénhnis ne Cyrus, “Né kí꞉ken nakonkwéta sakónonne teiotinakarontónha, tánon akwé꞉kon thóh nenhá꞉iere tsi niwakenikonró꞉ten”; tánon ónhka sakawénhnis ne Jerusalem, “Kwáh kí enskakwahtákwenhke,” tánon ó꞉ni nononsatokentiʼkówane, “tánon enkakwahtákwenhke tsi enwanitskwáhren.”

Daniel 1:17

Rawenni꞉io tahshakáon ki kaié꞉ri nihá꞉ti kenʼnithotiión꞉sa ne karihonnienníhtshera ó꞉ni ne ahotirenʼnháon ne ahatihiatónsheke, ó꞉ni ne kaʼnikonhraientáhtshera iahawénhtate, tsi taháon ne Daniel ne ahorennʼhaʼónhake ne ahaʼnikonhraientáhthake nahò꞉ten ienharì꞉waken ó꞉ni ne atetshénhsera.

Daniel 1:21

Daniel eʼ tho renteróntahkwe kanontiioʼtsherá꞉kon tsi niió꞉re ne Cyrus, ne ronnontí꞉io ne Persia, wahshakoʼshén꞉ni ne Babyloniaró꞉nons.

Daniel 1:7

Ne rentiohkwakweʼní꞉io à꞉se sahshakohsennawíhon: Belteshazzar, Shadrach, Meshach, tánon Abednego.

Daniel 10:14

Tá꞉ke nakonʼnikonhraientáhten tsi nenhotiiá꞉tawen ne sonkweʼtaʼshón꞉ʼa ne tsi nienhénwe. Ki atetshénhsera né ne watró꞉ris tsi nahoténshon tá꞉we.”

Daniel 11:2

Tánon tsi nahò꞉ten ó꞉nen enkonhró꞉ri né ne orihwí꞉io.” Ne raronhiaʼkehró꞉non wahén꞉ron, “Shé꞉kon áhsen nikanontiioʼtsherà꞉ke enhsontiaʼtakwení꞉iohste ne Persia, entióhsere né ne kaieríhaton, sénha raónha enhokwáhtsheʼne tsi ní꞉ioht ne ronatiaʼké꞉shon. Né nó꞉nen kwáh enhaʼshátsteke ó꞉ni enhokwahtshéhake eʼthó꞉ne enhshakonenhróthaʼse tsi tkanontiioʼtsherá꞉ien ne Greece.

Daniel 12:4

Wahakénhase, “Ó꞉nen ki, Daniel, sasennhó꞉ton neʼtho kahiatónhsera tánon senerahkenʼtó꞉ren tsi niió꞉re iensewatonwentsaríhsi. Tsi neniohtonhátie, iakotiohkowá꞉nen ne raotiioʼténhsera enkaiésha ronteʼnién꞉tha ne ahotiʼnikonhraién꞉taʼne tsi neniohtonhátie.”

Daniel 12:9

Waʼtharihwaʼseráko, “Daniel ó꞉nenk tsi aʼéren énhsehte, áseʼken ki owennaʼshón꞉ʼa ó꞉nenk tsi enkariʼwahséhtonke tánon enwasehtánionke tsi niió꞉re ienwatókten.

Daniel 2:21

Raónha thoniarotárhon ne tsi nikahwistà꞉eʼks tánon tsi niiawénhserons ne onhwentsià꞉ke ó꞉ni tsi watkwenhrá꞉rons; shakonontiióhstha tánon sehshakonontiiókwahs; à꞉seʼken raónha thahtkà꞉wahs ne attokháhtshera tánon ne kaʼnikonhraientáhtshera.

Daniel 4:8

Eʼthó꞉ne Daniel tahatáweiaʼte. (Ne Daniel Belteshazzar, rihsenná꞉wi né natiatón꞉ni riwenniióhstha raohsén꞉na.) Ne raoʼnikòn꞉ra né Rotokénhti Rawenni꞉io nikwé꞉kon, sók kiʼ wahihró꞉ri nahò꞉ten wakatetshénʼen. Wahienháhse:

Daniel 5:12

Kwáh shónhtek thí꞉io tsi nihateʼnikonhrattókha ó꞉ni roʼnikonhrowá꞉nen tánon rorennháon nahaʼnikonhraiéntahte natetshénseras, tahaniʼtonníahsi ó꞉ni nahaʼnikonraiéntahte ne ioteriʼwahséhton; káti iaʼtshínonk ki rón꞉kwe Daniel, né ne ronnontí꞉io rohsenná꞉wi ne Belteshazzar, tánon raónha akwé꞉kon enhiahró꞉ri nahò꞉ten thi kahiá꞉ton nahshonhtà꞉ke ó꞉ni tsi ni kéntonhs.”

Daniel 5:17

Daniel waʼtharihwaʼserá꞉ko, “Í꞉se satateweienʼtónhahs ne sakweniáhtshera tókaʼ ó꞉ni ónhkaʼk akò꞉ren shé꞉ion, ók enkonwennahnóthahse Sanontí꞉ioʼ tsi nahò꞉ten kahiá꞉ton tánon tsi nikéntonhs.

Daniel 6:28

Né Daniel kwáh í꞉ken tsi kaʼshatstenhserowá꞉nen tsi ní꞉ioht tsi roterihóntahkwe tsi nikarí꞉wes rotinontiióhne ne Darius tanon ne Cyrus ne Persiaró꞉non.

Daniel 8:16

Onkahonhsón꞉kohte thónatónnionhs í꞉se nakaniatará꞉ti ne Ulai nón nontá꞉we, “Kabriér tieʼnikonhraientáhten ne Daniel tsi nahò꞉ten kéntonhs tsi nahò꞉ten rotkáhthon.”

Daniel 8:26

Ki atetshénsera tsi nokwá ne orhonʼkè꞉ne ó꞉ni ne oʼkarahsnéha iáh thaón꞉ton naterennaienthatserá꞉kon tsi aonsakowatiaʼtátshaʼahate ne katshé꞉nen tsi né iontienʼkwaronniaʼtáhkhwa, tsi niiesaʼnikonhraientahtén꞉ni eh neniá꞉wenʼne. Nok seriʼwáhseht nón꞉wa, áseʼken eniónnise ne iakáhewe ne eh naiá꞉wenʼne.”

Luke 1:20

Nok onȣa enȣatasaȣen iah taonsasatatiheke, iah oni taonsasatati tsiniiore ienkonneȣe neh nikarihotens; netsi iah tetisetakȣen nakeȣenna, ehse sane niiaȣensere nonen ienȣatenniseriheȣe.

Revelation 19:9

Tánon ne raronhiakeró꞉non wahakénhase, “Shiá꞉ton kí꞉ken: Iakotaskáts ná꞉ha tsi niiá꞉kon ne ionthontonkará꞉wi tsi roʼthennió꞉te rokhwáhere ne teonakaronhtónha owí꞉ra.” Tánon wahakénhase, “Né kí꞉ken ne raowenhnaó꞉kons ne Ní꞉io.”