Daniel 1:6 - Ohiatonhseratokénti

⁶ Tsi nihá꞉ti ne ronwatiiaʼtarákwen Daniel, Hananiah, Mishael, tánon Azariah, ratikwé꞉kon eʼtho nón꞉we nithoné꞉non tsi tkenʼtá꞉raien ne Judah.

Daniel 1:6 ပူးပေါင်းရင်းမြစ်များ

Ezekiel 14:14

Iehióhe thí꞉ken áhsen niháti ronhnónhkwe Noah, Danel, ó꞉ni ne Job ne thóh ahonnhésehke, ne raothiriwahkwahrihshióntshera iáh ónhka tahiakoniáhkenhte, ráton ne Roiá꞉ner Ní꞉io.

Ezekiel 14:20

Shékon ó꞉ni ne Noah, Danel, tánon ne Job thóh nónhwe nahatináhkerehke—tsi nihioriwiʼiohónwe tsi Í꞉i, ne Wakenonhtí꞉io Watiá꞉ner, né konhnhehónwe Kení꞉io—áh tahatikwéhni nahshakothinónhsthate ne shakothiʼienhokónhas. Ne tsi nihothihiánereh nék khók ne tsi ronnónhnhe enhatinónhsthaʼthe.”

Ezekiel 28:3

Íhsehre sénha í꞉se satenikonhratʼthókha tsi ní꞉ioht ne Danel, iáh thènen thahónton naiesariwahséhten.

Daniel 1:19

Ne ronnontí꞉io kwáh ratikwé꞉kon tsi wahshakohthárhaʼse, tánon ne Daniel, Hananiah, Mishael, tánon ne Azariah kwáh í꞉siʼ nón꞉we tsi nontahoʼnikonhratihéntho tsi ní꞉ioht ne roná꞉tiaʼke. Eʼ tho ki nontá꞉we tsi wahontiá꞉taren ne kanontiioʼtsherá꞉kon.

Daniel 2:17

Thó꞉ne ne Daniel sahahtén꞉ti tánon sahshakohró꞉ri ne rontenroʼshón꞉ʼa Hananiah, Mishael, tánon ne Azariah tsi naʼáwenʼne.

Daniel 2:25

Kwáh katiʼ óksaʼk ne Arioch iahoiaʼténhawe ne Daniel raohén꞉ton ne ronnontí꞉io Nebuchadnezzar tánon wahohró꞉ri né ronnontí꞉io, “Shaià꞉ta shakwaié꞉nen Sitaeró꞉non né kí꞉ken enhakwé꞉ni aʼhathró꞉ri Sanontí꞉io tsi nahò꞉ten kéntonhs ne satetshénhsera.”

Daniel 5:13

Kwáh óksaʼk né Daniel tahonwaiaʼténhawe raohén꞉ton ne ronnontí꞉io, tánon né ronnontí꞉io wahoriʼwanóntonhse, “Í꞉seʼken né Daniel né eʼtho nón꞉we Judah ne Sitaeró꞉non thonwennanakerakwáhton tsi niká꞉ien né rakeʼníha ronnontí꞉iohkwe ken tehshakoiaʼténha?

Daniel 6:14

Ne shaharihwà꞉ronke né ronnontí꞉io kwáh í꞉ken tsi tahaʼnikòn꞉renʼne, wahateʼnikonhrí꞉sake oh nahá꞉iere nahonónhstate ne Daniel, kwak thiaʼtewatshéntho tsi né ranonhtonniónkwahs.

Matthew 24:15

Ne kati nonen enseȣatkatho ne kariȣaiesatatsera neneh iakohnikonraksatakȣa, tsiniiot tsi rotrori ne Rotokensehakȣe Daniel, enkariȣataton nʼonaktato-kentike, (ratennikonraren onka roȣennanotha netho Rotokense.)

St. Mark 13:14

Neh kati nonen enseȣatkatto Kariȣaiesasera iakokaronniatta eh naioton tsiniiot tsi rotrori ne Rotokensehakȣe Daniel eh nonȣe nakakȣatakȣen tsinonȣe iah teionakte (ratennikonraren onka roȣennanotta ne kenh Rotokense); ethone ne Judé nonȣe niienakere Onontoharake enhiontekȣassen.