Daniel 1:4 - Ohiatonhseratokénti

⁴ Tánon né ne kwáh rontkahthotsherí꞉ios, ronteʼnikonhrattókha, ne kwáh karihonnién꞉ni né ne rotiweientehtàtskon, kwáh ni ó꞉ni iahatiiaʼtaié꞉rike, né ne ahatikwé꞉ni aʼhonwaioʼténhse ne ronnontí꞉io. Ashpenaz enhshakorihónnien ne ahatiwennahnóthake tánon ne ahatihiatónhsheke ne Babyloniaró꞉non raotiwén꞉na.

Daniel 1:4 ပူးပေါင်းရင်းမြစ်များ

Genesis 41:46

Ne Só꞉se áhsen niwáhsen shaʼtehaohseriiá꞉kon sontahatáhsawen wahoióʼtenhse ne Pharaoh né ronnontí꞉io í꞉ken ne Egypt. Tánon ne Só꞉se iahaiá꞉kenʼne tsi nón꞉we ní꞉res ne Pharaoh, tánon ohontsakwé꞉kon nontá꞉rehte ne Egypt.

2 Samuel 14:25

Nón꞉wa tsi niwatenáskwa ne Israerʼronónke iáh ónhka eh tehanekénteron tsi ní꞉iot ne Absalom; ranontsíne tsi niʼió꞉re ne rashitáke kwáh iáh othènon teorá꞉kware.

Proverbs 22:29

Takenaʼtón꞉hahs nónhka raioʼtenhserí꞉io, tánon enkonnaʼtón꞉hahse ónhka sénha ionkweʼtí꞉io tánon tehotèn꞉tshon skátne ahonné꞉sheke ne rotinontí꞉ios.

Ecclesiastes 7:19

Natenikonhratʼtokhátshera sénha ne iakoiénawase nónhkwe tsi ní꞉ioht ne oiéri nahatíhake ratikoráhsons tsi nahatí꞉iere ne kanatowáhnen.

Isaiah 36:11

Ethó꞉ne ó꞉nenh ne Eliakim, ó꞉ni ne Shebna, tánon ne Joah wahonwén꞉hase Rabshakeh, “Asatʼtónhtate né sehiatewenhnontákwen ne Aramaic, asèken né ionkwahnikonraiéntas; tó꞉sa ne takwahtewenhnontáhkwen ne raoʼnahronkhátshera ne Judah né niahonathónhteʼne nonkweshón꞉has ne tsi tekanenhiaserón꞉nion ratitsʼkwarónhnion.”

Jeremiah 5:15

Nisraeró꞉nonh, ne Roiá꞉ner aínonh nióre ienshakónonhke nonhkweshón꞉ha ne iaietʼtsihiatsiatónti. Rathishástste tánon iotsiokwasténha, tsi nihonrhonkhatseró꞉ten iáh tesehwahróntʼkha.

Daniel 2:10

Ne shakonateʼnikonhrá꞉wis, waʼthatirihwaʼseráko, “Iáh ónhka ne tsi nikakónhsa ne tsi ionhonsà꞉te thakakwé꞉ni ne aeʼsahró꞉ri Sanontí꞉io ne tsi naʼtesatonhontsó꞉ni. Iáh ónhka ne ronnontí꞉io, shé꞉kon ne kwáh ahakowanénhake ó꞉ni ne kwáh thoianerenhseraʼshátste, iáh nonwénton eʼtho téioht tsi ahshakoriʼwanontón꞉ni ne raonkwetaʼshón꞉ʼa ne shakonathiatonhseratkénse, tehontierónnions, tánon ne niaʼtehotíriwake.

Daniel 2:2

Sók iahshakó꞉nonke ne raonkweʼtaʼshón꞉a ne shakonathiatonhseratkénse, tehontierónnions, rontaʼén꞉narahs, tánon ne niaʼtehotirí꞉wake ne aontahónne ó꞉ni ne ahonwaʼnikonhraientáhten ne atetshénhsera. Shahónnewe ó꞉ni ne raohén꞉ton ne ronnontí꞉io waʼthatí꞉taʼne.

Daniel 3:8

Eʼthó꞉ne ó꞉tiaʼke ne Babylonians wahonateʼshennaién꞉taʼne ne ahonwatiríwenhten ne Sitaeró꞉nons.

Daniel 4:7

Eʼthó꞉ne káti ratikwé꞉kon ne shakonathiatonhseratkènse, tehontierónnionhs, niaʼtehotirí꞉wake, tánon né tsi iotsistohkwarónnion ronatewéienston tahonwatiiaʼténhawe, tánon waʼkhehró꞉ri nakwatetshénhsera, nok iáh kiʼ tehotikwénion naionkeʼnikonhraientahtén꞉ni.

Daniel 5:11

Shaiá꞉ta rón꞉kwe rén꞉teron ne sanakerahserá꞉kon nikwé꞉kon ne roʼnikonhratokénhti ne Roiaʼtatokénhti Rawenni꞉io. Shihonontí꞉io né iaʼníha, ki rón꞉kwe wahrotáhsi tsi nikéntonhs né kaiatorehtahtsherí꞉io, nattokhátshera, kaʼnikonhraientáhtshera tsi ní꞉ioht né raotíʼnikonhraientáhtshera ne raotiní꞉ioʼs. Tánon ó꞉ni ne ronontíiohkwe Nebuchadnezzar, iaʼníha, raónha ohén꞉ton iaʼthótahste né ronwanathiatonhseratkénse, rontenʼénnarahs, tehontierónnions, tánon ne ronttsistohkwakkénse.

Daniel 5:7

Waʼthohénrehte né ónhkaʼk aontahonwatiiaʼténhawe ne rontaʼénnarahs, niaʼtehotirì꞉wake, ronttsistohkwatkénse, né shontahontáweiaʼte, né ronnontí꞉io wahshakawénhahse, “Nónhka eniekwé꞉ni naiewennahnò꞉ten ki nahò꞉ten kahiá꞉ton ó꞉ni nenionkró꞉ri nahò꞉ten kéntonhs né enshontsherònniaʼte né kwáh kanó꞉ron waʼkóhses né ne arihwawaʼkonhnéha niwahsohkó꞉ten, enhaníhtiake nohwistanó꞉ron né ne kakwenienstáhtshera, tánon ó꞉ni ahsénhaton nienhátake tsi kanontiioʼtsherá꞉ien tsi enhoterihóntake.”

Daniel 9:1

Darius né ne Mede nahanekwenhsó꞉ten, né ne Xerxes roʼníha, ne sahonwanontí꞉iohste ne Babylonia non꞉we.

Zechariah 2:4

Tánon wahawénhase, “Tesharáhtat, tsióri thí꞉ken nithohiónha: ne Jerusalem kwáh tsi enhathiʼteróntake thóh nenhiotón꞉hake tsi ní꞉iot ne tsi kanatakérons iáh othé꞉non tewashontó꞉tons, tiorì꞉wa tsi nihiakotiohkowá꞉nen nonkwehó꞉kons ó꞉ni khonthiʼtsé꞉nen thóh kontinákere.

Acts 7:20

Neh꞉ne thóh sikaháwi ne Mahís nihonakeraton, kwáh íken tsi kawirí꞉ioʼne. Áhsen niwennítaʼke tsi rothinónshoʼte non nahonwatenʼnikonráren,

Acts 7:22

Akwékon wahonwarihwahweiénsten neh Egyptian rahotiriwasón꞉a tánon kwáh íken tsi waronkwethoʼwána ó꞉ni rawenʼnasátstheʼkwe.

Ephesians 5:27

Ne nahónton kwáh rahonhatsíwa ahaiénhase nononsatokénti tsewakwékon tsi niwatkathotserí꞉io—iáh thènen tekahetkénton iáh ó꞉ni tekanikonraksáton, kwáh iáh thènen tehiorákware iáh ó꞉ni tatehionitsʼtsiákon tóhkaʼ ó꞉ni ne thènen ne iáh tahontakaiérike.

Judges 8:18

Ethòne ne Gideon washakorihwanónhtonhse ne Zebah tánon ne Zalmunna, “Onh né ní꞉ioht nètho ronhnónhkwe ietsinonhwariakónhnion ne Tabor nónhwe?” Watnirihwasehráko, “Í꞉se tetsisehwatiéren—onhkwetakwékon thóh nihatihiathó꞉tens tsi shí꞉ken ní꞉ioht ne ronhnontí꞉io shakohiohokónhas.”