Daniel 1:2 - Ohiatonhseratokénti

² Ne Roiá꞉ner wahoríhon naʼhoié꞉na ne Ronnontí꞉io Jehoiakim tánon iaháhawe tóhkaraʼ ní꞉kon ne ohwistanó꞉ron ne ononhsatokenhtí꞉ke aʼówenk. Tóhka niʼ ó꞉ni nihá꞉ti wahshakoié꞉na tánon ionsahshakoiaʼténhawe tsi thonterennaientáhkhwa ne raoʼniioʼó꞉kon nón꞉we ne Babylon, tánon tsi ní꞉kon ronenhskwenhátie ne ohwistanoronʼshón꞉a, tsi rontahkweniaientáhkhwa ne ononhsatokenhtí꞉ke nón꞉we iahatakweniá꞉ien.

Daniel 1:2 ပူးပေါင်းရင်းမြစ်များ

Genesis 10:10

Nonkwehshón꞉ʼas ne tsi kanatowá꞉nens ne Babel, Erech, tánon ne Accad, ronnónha ne kwáh tsi karihwakweʼní꞉io ronwaienawaʼséhahkwe, akwé꞉kon kí꞉ken kanatowá꞉nenʼs aotonhwentsá꞉ke ne Shinar nón꞉we nikanataién꞉tonʼs.

Genesis 11:2

Tsi tontahonná꞉tahkwe ne tsitʼkarahkwínekenʼs nokwá꞉ti nontahón꞉ne, iahón꞉newe iohontsakwèn꞉rare ne Shinar nón꞉we tánon tho nón꞉we nahontená꞉taien.

2 Kings 24:1

Tsi nikaríhweskwe ne Jehoiakim ronontí꞉iokwe, ne Ronnontí꞉iokwe Nebuchadnezzar ne Babylonia nón꞉we waʼshakonenhrénhten ne Judah, tánon né꞉ne áhsen nihioserákeʼkwe waʼhón꞉ionhnien nahá꞉tewenhnarakwe ne raʼoianerenhsera; ethó꞉ne ó꞉nen thontahó꞉nakwen.

2 Chronicles 36:5

Né Jehoiakim tewásen-wísk satehaoserihiákon saononhtí꞉ione ne Judah, tánon énska iawénhre nihioserákekwe rakorahkénʼen ne Jerusalem. Waʼharihwaneráhke tsi nòkwah ne Roiá꞉ner né Raoní꞉io í꞉ken.

2 Chronicles 36:7

Né Nebuchadnezzar iahahásehron ostónha ne kanorón꞉sons í꞉ken Nononsatokentiʼkówaʼne tánon tsi thoʼnónhshote ne raononhtiʼiotsherákon ne Babylon ionhsahá꞉ien.

Ezra 1:7

Ne Rakó꞉ra Cyrus ne Persia nón꞉we thontashaká꞉wen ne akerahsónhas tánon ne tehiontnekonhtháhkwa kátses né꞉tho Ronhnonhtí꞉io Nebuchadnezzar thó꞉ha Nononsatokentihkówane ne Jerusalem tánon thóh nónwe iehoiénhthakwe nahotinonsatokentihkó꞉wa ne raoniiohó꞉kons.

Isaiah 11:11

Né thóh enwenhniseráte ne Roiá꞉ner kwáh kíʼ iaʼthensanéntseste ne tekeníhaton ienwàteratsʼte nahonshaʼsakohiataróhroʼke ne iatehonathaʼthénron ne rahonkwetaʼshón꞉has, né꞉ne Assyria, Egypt, tánon ne Pathros, Ethiopia Elam, Shinar, Hamath, tánon ne kawenhnokwátʼtonhtses ne kaniataraʼkhekowàʼne natentʼtónhne.

Isaiah 42:24

Ónhka iehonwatʼkáwen ne Jacob rahonhàke ne rahetkéntha, tánon ne Israel rononhàke ne ratinénskwas? Iáh kén Roiá꞉ner tèken, ne tsi ionkwahrihwáneren tsi nòkwah ne rahónha, ne tsi nihaweienó꞉ten iáh ehʼthohnónwe thaʼteonatekhahákwen, tánon né raoianerénhsera iáh teonatewenhnarákwen?

Jeremiah 25:1

Ne kaiériʼháton shiʼiosehratátie nètho Jehoiakim ne rohnikénʼen Josiah ne ronnonhtí꞉ioʼkwe ne Judah nónhwe, Watiéna naʼterihwahnhothátshera ne Roiá꞉ner nónhwe nonhtáwe ne ne onhkwetaʼkwékon ne Judah raotirihwáke. (Ne kí꞉ken ne shonthonthohsehratiérenʼte ne Nebuchadnezzar shiʼhononhtí꞉io ne Babylonia nónhwe.)

Jeremiah 27:16

Ethóhʼne wakheró꞉ri ne rotikháres ó꞉ni ne onhkweshón꞉a nètho Roiá꞉ner tsi ráwenh: “Tó꞉sa ietʼtsihiathahónshaʼtat thíken rotitokénse tsi nihónton ne Ononhsatokénti ahotsokowáhtshera kwáh iostó꞉re tetkaháseronke ne Babylonia nónhwe. Onhówen ietʼtsiró꞉ris.

Jeremiah 28:3

Nohénton ne tehiosehráke tenthékhaʼwe ne kénʼen nónhwe niwahtenátaien akwékon ne Ononhsatokentiʼkówa ahotsiokowáhtsheras ne ne ronnonhtí꞉io Nebuchadnezzar iehóha ne Babylonia.

Jeremiah 35:11

Ók nónenh ne Ronnonhtí꞉io Nebuchadnezzar shaʼsakonenhrénhten ne kanakeráhsehra, iaʼtionkwahriwahiénthaʼse ne Jerusalem nahontáhiaʼkwe ne ne ahéren ahiákweʼthe tsi rónhnes ne Babyloniaró꞉nons ó꞉ni ne Syria rahononhkwetaʼshón꞉ʼa ronteriios. Ne aoríhwa Jerusalem nónhwe nihiakwahnákehre.”

Jeremiah 50:2

Kén kíʼ nahó꞉ten ne Roiá꞉ner ráton: “Ohontsakwéhkon ietʼtsiró꞉ri, tánon tó꞉sa thènenh tahtiónhnek! Sewéhnest sewahniatarahkétsko ne nonhkwetaʼkwékon ahiakotókenhse nètho Babylon tsi enkonhwahsénhni! Nahohiathonnisónhas kwáh tehiotʼtókwenh! Nahoní꞉ios ne Bel ó꞉ni ne Marduk kwáh toʼkénʼen tsi enhonwahnatéhaʼte.

Jeremiah 51:44

Tánon kwáh entréwahte ne Bel né꞉ne Babylon aoní꞉io, tánon ensetʼtháko ne kahshá꞉kon tsi nahó꞉ten iehioʼnhekwáhnon. Nonhkweshón꞉a iáh ónenh shé꞉kon thatahontáien nahonshaʼkonhwahsénhnaien. Ne tsi wahtenhenró꞉thaʼkwe ne Babylon karehniénton.

Daniel 5:13

Kwáh óksaʼk né Daniel tahonwaiaʼténhawe raohén꞉ton ne ronnontí꞉io, tánon né ronnontí꞉io wahoriʼwanóntonhse, “Í꞉seʼken né Daniel né eʼtho nón꞉we Judah ne Sitaeró꞉non thonwennanakerakwáhton tsi niká꞉ien né rakeʼníha ronnontí꞉iohkwe ken tehshakoiaʼténha?

Daniel 5:18

“Ne Roʼshatstenhserowá꞉nen Rawenni꞉io taháon ne iaʼníha Nebuchadnezzar ki kanakeráhsera tshiewakwé꞉kon naoʼshatsténhsera ó꞉ni ne kaiaʼtanehrakwáhtshera tánon ne nahahsennowánnha.

Habakkuk 1:16

Kwáh ó꞉ni iekaní꞉hareh wakonwasenhná꞉ien ne raonáhare tánon wahontsienkwahrón꞉niate; asè꞉ken thóh nitsawé꞉non tsi natehokháson kwen ne iawetowá꞉nen í꞉ken, tánon ne raókwas tsi niiókwats.

Zechariah 5:11

Watharihwaʼserá꞉ko, “Babylonia, ehnón꞉we ionterenhnaientháhkwa enkeninonhsonhniatháhkwe. Nó꞉nen enkanonhshisonhónhake ne ionterenhnaientháhkwa, ne à꞉there thóh nón꞉we nenkaiéntahke nakonwahshén꞉naien.”

Deuteronomy 32:30

Saiáta ne tehontà꞉tsons raterí꞉ios washakoshén꞉ni ne énska tewenhniaweheʼtseráhsen niháti Israerʼró꞉nons, tánon oié꞉ri natewenhniaweheʼtseráhsen niháti Israerʼró꞉nons tehnihiásek kók ne tehontà꞉tsons wahonwathishén꞉ni? Ne ki aorì꞉wa ne Roiá꞉ner, Raotiní꞉io tsi shakotiathónthakwe; ne roshatstenhserowá꞉nen Raotiní꞉io tsi shakotiakwarí꞉shion.

Judges 2:14

Tánon káti ne Roiá꞉ner wahotenakwawenhrátʼtie tsi nòkwah ne Israerró꞉nonke tánon washakoríhon ne ratinenhrénhtha niahonwanatiatónhti tánon nahonwatinenskwenháton. Washakoríhon ne tehontátʼtsons ne aktatsesónhas nahonwatiʼshastsʼtenserakénhni, tánon nʼIsraerʼró꞉nons iáh ónenh thahatikwéni ne tahonthahonthátene.

Judges 3:8

Káti ne Roiá꞉ner kwáh í꞉ken tsi wahanákwahse Nisraerró꞉nonke tánon wahoríhon ne Ronhnonhtí꞉io ne Cushan Rishathaim ne Mesopotamia nasakosénhni. Rahónʼha washakonaskónhni né꞉ne shatékon nihioseráke nikaríhwes.

Judges 4:2

Káti ne Roiá꞉ner wahatʼthóntate ne Jabin asakosénhni, né꞉ne Canaanró꞉non ronhnonhtí꞉io né rotʼkorásthonte ne tsi kanatowánenhne ne Hazor. Ne rahonkwéta ne raʼterihiosehrakweʼní꞉iokwe né꞉ne Sisera ronhwáiastsʼkwe, thóh né nonwe nihanákerekwe ne Harosheth-Né꞉ne-Iáh-Tehatiʼshíʼtaeró꞉nons.

1 Samuel 5:2

iaʼhatíhawe iahatí꞉ionte raononsatokentiʼkówaʼne ne raoʼtiní꞉io Dagon, tánon thóh wahatí꞉ien kaiatonniserák꞉ta.