Daniel 1:17 - Ohiatonhseratokénti

¹⁷ Rawenni꞉io tahshakáon ki kaié꞉ri nihá꞉ti kenʼnithotiión꞉sa ne karihonnienníhtshera ó꞉ni ne ahotirenʼnháon ne ahatihiatónsheke, ó꞉ni ne kaʼnikonhraientáhtshera iahawénhtate, tsi taháon ne Daniel ne ahorennʼhaʼónhake ne ahaʼnikonhraientáhthake nahò꞉ten ienharì꞉waken ó꞉ni ne atetshénhsera.

Daniel 1:17 ပူးပေါင်းရင်းမြစ်များ

1 Kings 3:12

kwáh kíʼ thóh nénhtiere tsi nasehrihwanónhton. Kwáh sénha iawethowánen nathokhátsera entkónhion tánon ne kanikonhraienthátsera tsi ní꞉ioht nónhka akóren tsi nitsawénon tánon iáh shé꞉kon nónhka nakóren thóh tahonhsahiothónhake.

1 Kings 3:28

Nó꞉nen nonhkweshón꞉as Nisraerʼró꞉nonke saherihwáronhke tsi natehohiatoréton ne Solomon, kwáh ratikwékon wahatiʼhiathánaʼne tsi nahonwakwéniensʼthe, tsioríhwa ronateriénhtare tsi Rawenni꞉io thó꞉wi ne atenikonhratʼthokhátsera naharihwakwahtáko nahioianeréhake nahó꞉ten ne tekanikónhrare.

2 Chronicles 1:10

ká꞉ti táskon naʼtenikonhratʼthokhátshera ó꞉ni ne kanikonhraienthátshera tsi naʼtewakatonhontsóni nakheʼiatkóraste. Asèken, onh ní꞉ioht tsi akʼkwéni nakheʼiatkóraste kí꞉ken tehionenhranón꞉hiani shonkweʼtashón꞉as?”

2 Chronicles 1:12

Entkónhhion naʼtenikonratʼthokhátshera ó꞉ni ne kanikonhraienthátshera. Tánon ienhiowénhteke, Kwáh entkónhion ne sénha aisakwáhtiene, né kanorónhsons, tánon ne kasenhnowaʼnhátshera iáh né ehtehiótonhne nó꞉ia thoʼtinontí꞉iosʼkwe né thóh ní꞉ioht tsi ahotiʼiéntake ne tsotserénhton iáh ó꞉ni sékon nonwénhton thóh tahonsaiáwenhne.”

2 Chronicles 26:5

Tsi kíʼ nikaríhweskwe ne Zechariah, né rahonkwé꞉ta rorihwihiostóntaʼkwe roʼtenikonhráwisʼkwe, shiʼrónhnekwe, iorihwatókenhne tsi wahohiótenhse ne Roiá꞉ner, tánon ne Rawenni꞉io wahohiatatériste.

Job Tánon ne Raoronhiakensera 32:8

Ók neh seh ne raotónhnets ne rónkwe, tánon ne rahonhní꞉sera Roshatstenhserowanenhkó꞉wa teshakó꞉wis ne kaʼnikonraienthátshera ne rononhà꞉ke.

Proverbs 2:6

Ne tsi Roiá꞉ner thatká꞉waʼs attokháhtshera ráonha ó꞉ni thatká꞉waʼs karihonnienníhtshera tánon kaʼnikonhraientáhtshera.

Ecclesiastes 2:26

Rawenni꞉io thakáwas natokhátshera, karihonnienhnítshera, ó꞉ni natsenhnonhniátshera tsi nihiákon ne thonwanikonhraiérits, ók sakohioténstha ne iakoriwáhneren né nahatiró꞉rohke ó꞉ni nahathithonhnionhniánion, né káti nahónton né ahonthasakónonh ne thonwanikonhraiérits Rawenni꞉io. Kwáh oriwahkwékon iáh othénenh tekástha. Kwáh thóh ní꞉ioht tsi síken ní꞉ioht ne owèra konhwásehre.

Isaiah 28:26

Asèken kwáh í꞉ken tsi ronwatiʼrihonhniénhni; ne ne raotiní꞉io sakorihhonhniénhni.

Ezekiel 28:3

Íhsehre sénha í꞉se satenikonhratʼthókha tsi ní꞉ioht ne Danel, iáh thènen thahónton naiesariwahséhten.

Daniel 1:18

Tsi iahontòkten ne áhsen niiohserá꞉ke tsi nihoteʼnienténhston ne ronnontí꞉io. Ashpenaz ratikwé꞉kon iashakoiaʼténhawe ne kenʼnithotiión꞉sa raohén꞉ton ne Nebuchadnezzar.

Daniel 1:20

Iáh tewatsterístha oh nahò꞉ten ne ronnontí꞉io enhariʼwanónton tókaʼ ó꞉ni nahò꞉ten tahoʼnikonhrhá꞉rake, kí kaié꞉ri nihá꞉ti oié꞉ri naʼtekaiá꞉sere sénha ratirihwaienté꞉ris tsi ní꞉ioht ne shakonathiatonhseratkénse, tókaʼ ó꞉ni né kwáh rotiʼnikonhrowá꞉nens ne kwáh tsi nikanakeráhsera.

Daniel 1:4

Tánon né ne kwáh rontkahthotsherí꞉ios, ronteʼnikonhrattókha, ne kwáh karihonnién꞉ni né ne rotiweientehtàtskon, kwáh ni ó꞉ni iahatiiaʼtaié꞉rike, né ne ahatikwé꞉ni aʼhonwaioʼténhse ne ronnontí꞉io. Ashpenaz enhshakorihónnien ne ahatiwennahnóthake tánon ne ahatihiatónhsheke ne Babyloniaró꞉non raotiwén꞉na.

Daniel 10:1

Ne ahsénhaton shiiohserakehátie, né ne Cyrus shihakó꞉ra ne Persia, wahonwarihotáhshien ne Daniel, raónha ó꞉ni Belteshazzar ronwá꞉iats. Norí꞉wa kwáh í꞉ken, tsi tó꞉kenhske í꞉ken ók iohní꞉ron naiakoʼnikonhraién꞉taʼne. Atetshenhserá꞉kon tsi wahonwaʼnikonhraientáhten.

Daniel 2:19

Eʼthó꞉ne né shonhsónta ne ioteriʼwahséhton wahonwarihótahsien né Daniel tsi nahò꞉ten wahotétshen, tánon ó꞉ni wahohsénnaien ne karonhià꞉ke thén꞉teron Rawenni꞉io:

Daniel 2:21

Raónha thoniarotárhon ne tsi nikahwistà꞉eʼks tánon tsi niiawénhserons ne onhwentsià꞉ke ó꞉ni tsi watkwenhrá꞉rons; shakonontiióhstha tánon sehshakonontiiókwahs; à꞉seʼken raónha thahtkà꞉wahs ne attokháhtshera tánon ne kaʼnikonhraientáhtshera.

Daniel 2:23

Konhsénnaienhs ó꞉ni tekonrénhsaronhs, í꞉se né Sewenní꞉io tsi takenekwenhsatátie. Í꞉se tehská꞉wi ne attokháhtshera ó꞉ni né kaʼshatsténhsera; tesarihwaʼserákwen né wakaterénnaien tánon takweʼnehstén꞉ni tsi nahò꞉ten ahshakwahró꞉ri ne ronnontí꞉io.”

Daniel 2:30

Nòn꞉wa, kí kariʼwahséhton wahakotáhshiase, iáh tókaʼken sénha í꞉i kateʼnikonhrattókha tsi ní꞉ioht ne akò꞉ren, né kí ne Sanontí꞉io nahseweientéhtaʼne tsi nikéntonhs né satetshénhsera ó꞉ni ne aesaʼnikonhraién꞉taʼne né anonhtonniónhtshera tsi wesaiaʼtó꞉renʼne.

Daniel 4:6

Iaʼkheiateriʼwaniéhten ratikwé꞉kon ne kanontiióʼtshera aonkweʼtaʼshón꞉ʼa né rontenʼnikonhrattókhaʼs ne Babylón꞉ke, nahontahón꞉ne akʼhén꞉ton, né naontónhsheke naionkró꞉ri nahò꞉ten neʼ kéntonhs kí atetshénhsera.

Daniel 5:14

Wakahrónken né raoʼnikòn꞉ra ne Rotokénhti Rawenni꞉io tsi senikwé꞉kon tánon ó꞉ni sarennhà꞉onʼ ó꞉ni íhshawe ne attokháhtshera ó꞉ni ne kaʼnikonhraientáhtshera.

Daniel 7:1

Shontontohseratiérenhte ne eʼtho Belshazzar shahonontíioʼne ne Babylonia, onkatétshen ó꞉ni tsi nahò꞉ten onkatahsatárhase ne tsi niwahsón꞉tes. Waʼkhiá꞉ton ne atetshénhsera, tánon né kí꞉ken ne kahiatónhkwen

Daniel 8:1

Ne ahsénhaton niiohserá꞉ke ne Belshazzar sihonnontí꞉io, ó꞉ia sonkatétshen.

Numbers 12:6

tánon ne Roiá꞉ner wahénron, “Ónen tsathahónshaʼtat tsi nahó꞉ten enkíron! Nónen ne rotitokénhse skát꞉ke ísehwes, tsi khehiatotashiénhnis ateʼtshenhserákon tánon rahonatetshenhserákons tsi khetaránis.

Luke 21:15

Aseken akȣa ii enkion nethone ne kanikonriio kaȣenniio oni tsiniiore ne iah onka takakȣeni aietsiriȣaiakse oni aietsirihorarake ne ietsiriȣasȣens.

Acts 6:10

Nók ne Ronikonratokénti tsi nikowánen natʼthokhátsera taháwen ne Stephen nónen enhatáti, iáh tehatikwéniensʼkwe ne tahontahonwahwennóko.

Acts 7:10

tánon akwékon wathohiathohetstánion tsi ní꞉ioht tsi ronwenthorakwenʼníhakwe. Nónen ne Só꞉se rahohénton hiathátaʼne ne Ronnontí꞉ioʼkwe ne Egypt, Rawení꞉io taháwen ne kenténrat ó꞉ni ne atʼthokhátsera, tánon ne Ronnonti꞉io wahokórasʼte ne Só꞉se kanakeraserakwékon ó꞉ni ne kanontiʼiotserákon.

Acts 7:22

Akwékon wahonwarihwahweiénsten neh Egyptian rahotiriwasón꞉a tánon kwáh íken tsi waronkwethoʼwána ó꞉ni rawenʼnasátstheʼkwe.

Colossians 1:9

Asè꞉ken kwak sakwasennáronke neh iorihonní꞉hon tsi kwáh tió꞉konthe kwaterennaién꞉ni. Wahsakwariwahnóntonse ne Rawenni꞉io neh ahtsisewahiatanáh꞉ne atthokhátshera tsi nih thóh nikonrihió꞉on, kwáh akwé꞉kon natenikonrowanhatsera ó꞉ni ne kanikonraientátsera tsi nitewetha ne rahosasténsera.

Ne꞉ne Sák Rohiaton 1:17

Ákwe tsi nahótens ne iohiánere ne kahieʼnahwaséhtseras ó꞉ni ne tkariwahiéris karonhiáke nithewétha; Rawenniʼióke nón nithewétha, né rohsahánion tsi naʼteioswátʼthes tsi karonhiátes, raónha, ne tiókonte ne sahahiáta íken iáh ó꞉ni né tetiókaras ne takarihónni ne ó꞉ia nahonsahaʼhiathótenʼne.

Ne꞉ne Sák Rohiaton 1:5

Nók tóhka ónkak tsi nítion tisewatótʼtani ne kanikonraienthátsera, teʼiontonwentióʼon Rawenniʼióke iasewaterénnaien, rahónha enthetsítion; asèken ne Rawenni꞉io kwáh raweriáne nitewétha ó꞉ni atanitentserákon tsi ákwe tesakówis.