Daniel 1:12 - Ohiatonhseratokénti

¹² Wahén꞉ron ne Daniel, “Oié꞉ri niwenhniserá꞉ke nikarì꞉wes takwateʼniénten. Né takwánont ne aseʼshón꞉ʼa tánon ohnékanohs aʼiakhwahnekì꞉ra.

Daniel 1:12 ပူးပေါင်းရင်းမြစ်များ

Daniel 1:11

Sók ki ne Daniel eʼtho niaháre tsi í꞉trate ne shakónonhne tsi nihoríhonte ne Ashpenaz ne ahshakotenʼnikónraren ne raónha tánon ne áhsen nihá꞉ti rontenroʼshón꞉a.

Daniel 1:13

Eʼthó꞉ne ó꞉nen ne tenhskwá꞉ren thí꞉ken nithotiiòn꞉sa tsi nihónneks ne kanontiióʼtshera aóʼkhwa, tánon eʼtho nón꞉we naʼserátahst tsi tenhshiaʼtórehte tsi nen iakwatkahthotsherò꞉ten.”

Daniel 1:16

Eʼtho katiʼ iahontáhsawen ne ranónhne washakoríhon ne iahontahshónteren ne iáh teiokhwákste ahónneke tsi ní꞉ioht ne ronnontí꞉io shakonóntenhskwe.

Romans 14:2

Otsiakhésons nónkwe tsi ní꞉ioht tsi thonethákwen rathikwénies kwáh tsitʼnahóten ahónneke, nók ónhka ne rotsihióha tsi ní꞉ioht tsi tawethákwen nek khók neh kaienthóseron írats.

Deuteronomy 8:3

Tsi nió꞉re tsi waʼtsitionhkarià꞉the, tánon ethò꞉ne kákhwa thatsí꞉tson nahí꞉sewake, né꞉ne kákhwa ne ietsisoʼthonkonhkén꞉en iáh nonhwénton tehoné꞉kon ne tiotierénhton. Ne ki aorí꞉wa thóh nahá꞉iere ne naʼtsisewarihón꞉nien né꞉ne tó꞉sa ki kákhwa kók sewaniahesénhak nahitsónhetste, ók né꞉ne kwáh orihwakwé꞉kon tsi nahoʼténhsons ne Roiá꞉ner ratón꞉nions.

Revelation 2:10

Tó꞉sa shá꞉teron tsi nahoʼténhsons aseronhiáken. Thasatatehnikón꞉raren, ne ranikonraʼsen skanó꞉rons iatsisewahiatónhti tohkára nítion tsi ionthatenotónhkwah ne káti ní꞉se naietsiiateʼniénten, tánon oié꞉ri nón꞉ta ní꞉se kwáh tensewaterientakári. Ók sewariwatokénhak tsi nió꞉re kenhé꞉iatne, tánon í꞉i entkwáhion ne oronhónkwa ne iónhne.