Colossians 3:5 - Ohiatonhseratokénti

⁵ Ó꞉nenk tsi ensewéntho, é꞉thoh káti, ne owentsiakékha askanéktsheras tsi iohiotáties ne tionhákes, né꞉ne kentéhseras kanakwaieshátshera, iáh teiotʼkwéniens, tahiontathaskanék꞉se, kariwáksen askanéktsheras, tánon iakotetʼtsien (né꞉ne satetiotʼte ne kahiatón꞉ni akonwashén꞉naien).

Colossians 3:5 ပူးပေါင်းရင်းမြစ်များ

Exodus 37:22

Noskwéhias, ne onathasónhas, ó꞉ni ne watʼthasehranihiontákwa skátsons íken ne tsi kanekónhre nowistanó꞉ron.

Matthew 15:19

Aseken Akaȣeriane tkaiakens ȣahnontonniontseraksens; Atatahseton, Kanakȣaiesatsera, Kanenskȣen, Kanikonrhaton, ne oni nʼatatenratonnisera.

Romans 1:26

Ne tsi éhʼthoh nihathiʼhiéra ne ronʼnónkwes, Rawenni꞉io tiesakotʼkáwen ne tahontathaskanéksʼseke. Iehióhe nòn꞉ne neh tionatʼthonwísens kontatenikonrothákwas nákonsthe tsi naʼtehiotonhontióha nakontʼwatsirónni ohiaʼásks wahothinonwáthaʼne.

Romans 1:29

Ne rathihiatanánon neh niateʼioriwákes neh kariwaneraháktseras, wanonthonniontseráksens, ronaskéʼnaʼse tánon kanakwátsera; kwáh rathihiatanánon neh kanosátsera, asakonásehthe, ronaterihioháties, rathinikonrátha, tánon rathiseróhen. Rothiriwakáte,

Romans 6:13

Tóhsa ó꞉ni sewatiakwaríshas ne kariwáneren tsik nahiotónhake ne tsionhakésons nehʼne ahónston ne kariwaneraháktsera. Khèkenk, Rawenni꞉io tatʼtsítsion ne tsiʼtión꞉nhe, tsi nihiáwenhe nhótiake tsi sonnatonʼnhéton, tánon kwáh sewahiathakwékon sewahtiakwarísi rahonháke nehʼne ahʼhónston tsi nòkwa ne kariwakwarishóntsera aoriwáke.

Romans 6:6

Tánon ionkwateriéntare nonkwahiathakáion konwarhio skát꞉ne ne Kerístos ne rahohiásake, neh nahontáwe nahosatsʼténsera ne kariwáneren ne iaʼteiehiáti nahónton akariwathónʼton, nehʼne tóhsa iahontasontaráke nahionkwanaskón꞉nike ne kariwáneren.

Romans 7:23

Nók katʼkáthos kwáh thikaianerénserate iohióte natiéronke—kaianerénsera neh꞉ne iórhios neh kaianerénsera tsi niwakeriwaniráton nakenikónrake. Wahkonʼniénʼnis nahonkatenaskónniate ne kariwáneren ahoianerénsera tsi niʼióhiote natiéronke.

Romans 7:5

Tóhka thoʼní꞉ioht tsi entewathonʼnhaténti tsi nahitewanonwésekes ne iatethewaiáti, ne kaianerénsera hiontionniénʼnis naihtewariwánerake, káti kí꞉ken naskanéktseras neh enhiontiónnien nahitewénheie.

Romans 8:13

Asehken tòhka thoʼní꞉ioht tsi entsioʼianénhawe naihtiónʼnheke neh tionháke, kwáh ensewénheie; nók kih tòhka nonikónra saiénawaʼse ne kwáh iaonhtsiáksʼtsi tsi nisaiérha ne sariwaneraháktsera.

1 Corinthians 5:1

Nónʼwah, kwàse tsi nihónen né tsi ononwahroríta kanakwaiesháh꞉tshera tsi nisewahtiéra thóh nió꞉re tsi teiotenonianíton akwékon ne iáh tethohnetákwen iáh kíʼ nèn꞉ne tahotinontáh꞉nake. Ionkróri rónkwe skát꞉ke ianónwets ne ieseshahkonisténha!

1 Corinthians 6:11

Shewáhtiakes tohnisewahweiennótenʼne. Nók kíʼ tsi sehwatonnakanonníʼon tsi nòkwa ne kariwahnerenhatsherákon; tsi sewahriwatokentíston tsi nòkwa ne Rawenni꞉io; tsi shewahteriwaseronniénni raohénton ne Rawenni꞉io né꞉ne Roiá꞉ner Ié꞉sos Kerístos thóh nihóshon tánon ne Raonikónra Nonkwaʼní꞉io. Ne rónkwe roianerasténhni ne iáh thaoniake kehs ensíron nètho rónkwe roianerasténhni ne iáh thaoniake.

1 Corinthians 6:13

Ónhkak enhiaiéron, “Kákhwah né꞉ne onekwáhta ahówenk, tánon nonékwahthe né꞉ne kákhwa ahówenk.” Hén; nók kíʼ Rawenni꞉io tetsáron enháiake. Noierónta iáh ne tahónston ne ononwahroríta ahoweiennakséntshera, nók né꞉ne Roiá꞉ner tahoriwásnieʼse; tánon ne Roiá꞉ner rasniénons noierónta.

1 Corinthians 6:18

Sheʼwahtiatontákwas ne kariwáhneren. Ne rónkwe nó꞉ia ní꞉ioht tsi ahariwáhnerahke iáh tehohiatakʼsátha; nók ne rónkwe roníkon tsi nòkwa ne ononwahrorítha ahoweiennakʼséntshera ne kariwáhneren tsi nòkwa ne raoierónta.

2 Corinthians 12:21

Wákterons ne Rawenni꞉io enhakwatehén꞉seron nó꞉nen shé꞉kon ienskwanatahré꞉nahse. Tentewakkahserá꞉rake ne tsi sewatiohkowá꞉nen shé꞉kon iáh tesewahtsakwaríhsions ne sewarihwaneraʼáktshera. Shé꞉kon né꞉ʼe sewaterihwahtentiatonháties tsi nahoʼténhshon ne kentéhsera, iáh teiotkwénies, atehénhsera.

Galatians 5:24

Tánon tsi niʼiákon ne Kerístos Ié꞉sos rahonkwéta íken konwárhio akwékon nakoronhiakénseras ó꞉ni nakoskanéktseras.

Ephesians 4:19

Kwáh ónen iáh thènen thesontstherístha ne thènen ahonsahonthehénseke; nek rathihiathonthákwen naskenʼnhátseras tánon nek khók rothihióte tsi nahoténsons ne iáh tehiotkwéniens kwáh iáh thènen tateshothitástha.

Colossians 2:11

Tsi tetiateriwahsóntere ne Kerístos iesawahrakwè꞉taron, iáh ónhkwe teiesawahrakwetá꞉ron, onk Kerístos iawahrakwè꞉taron, neh iehiokwékʼton tsi tsisatatewenniió꞉on tsi nokwáh ne kaʼsatsténhsera ne sariwahnerahatʼténni.

1 Thessalonians 4:3

Rawenni꞉io tehotonwentióʼni naisewahiatatokentíhake ó꞉ni kwáh iaiotkontakwénhake tsi aisewahtatewenní꞉ioke tsi nòkwa ne kanakwahiesátshera kentétshera.

1 Thessalonians 4:5

iáh né꞉ne tahontakaráh꞉ke kentétshera nahiontataskáneke, tsi ní꞉ioht ne iáh tethonetákwen iáh tehonwahientéri ne Rawenni꞉io.

1 Timothy 6:10

Ne iewistanorónkwa ne kaiatakweʼní꞉io ne iatehioriwáhke ne kariwáksen. Ótiakes thóh nióre tsi tehotisteríhens nahatiʼiéna kwáh ahéren ronéhthon ne tewetákwen tánon iawehthowánen ne kanikonrakséntseras né tehonerhiasharíhton.

Hebrews 12:16

Tóh꞉sa ónhka tahiakohiatationháke tóh꞉ka ó꞉ni iáh thahiakoriwiʼiosthóntake tsi ní꞉ioht ne Esau, skahkhwák khók iahatkéne tsi wahotennínon ne rhotsíha.

Hebrews 13:4

Ne kaniá꞉tshera kwáh onhkweʼtakwé꞉kon tsi teiotonwentióʼon naʼieriwahkweniénstake, tánon ne rotiniátʼkons ó꞉ni ne iotiniákons ioteriwíson ne ahotirihwahtokénhake tsi naʼtehónteron. Rawenni꞉io enshakoréwahte nónka ne ieweienʼnáksen ó꞉ni ónhka ne iontenakwaiesátha.

Hebrews 13:5

Tóhsa sewahwistanorónkwak, nók sewaktsennonníhak tsi nahoténson sewáhien. Asèken ráwen ne Ní꞉io, “Iáh nonwénton tiakonhiatewénhtethe; iáh nonwénhton tiakonhiáʼkaweh.”

Ne꞉ne Sák Rohiaton 4:1

Kanónwe nitewétha ne aterihióseras ó꞉ni ne taieriwakéna? Thóh nón nitewétha ne tsi nisewaskáneks natenikonrohriátshera, né tsi nihioriwathóken tiotkonhónwe sewaterihio.

1 Tiér 2:11

Kwanekénnis, tewatenrosónhas, tsi kenkʼthitionkwénon ó꞉ni ionkwanahtenháwis ne kén꞉en ionwentsiáte! Tóhsa sewatiakwarísias tsi nitewaskáneks noierónta, nehʼne tsi tiókonte ionaterí꞉io natónnhets.

Revelation 21:8

Ók ne roʼnát꞉tsens, ne iáh teotí꞉ien ne tewetá꞉kwen, ne teotihiatátions, ne sakonaséh꞉thas, ne roʼthí꞉teha, ne rontahenná꞉ras, ne rontenakwaiesáthas, tánon ratikwé꞉kon ne rotinhó꞉wenhs, ne raotinák꞉tes kwáh thóh nón꞉we tsi kaniatá꞉re ne iotékhas nótsire ó꞉ni iontenatentástha, ne né꞉tho ne tekeníhaton kenhé꞉iat.”

Revelation 22:15

Akste ne kanaʼtó꞉wanenhke thóh ronhnes érhar tánon rontenhenhná꞉ras tánon ne tihó꞉thiteha tánon sakoná꞉sehthas tánon ne rontená꞉kwahiesathas, tánon tsi niiakon ne ienón꞉wes ó꞉ni ne ahiakoioten nonhó꞉nenhs.