Colossians 3:4 - Ohiatonhseratokénti

⁴ Ne kwáh í꞉se satónhnhets né꞉ne Kerístos tánon nó꞉nen enhathotáshion, skátke tsi entiatotáshon ó꞉ni ensatiatáren ne rahohiatanerakwatserá꞉kon!

Colossians 3:4 ပူးပေါင်းရင်းမြစ်များ

Psalms 17:15

Ók ní꞉i, sewaká꞉teriwakwahtakwèn꞉ni kwáh enkòn꞉konhsá꞉ken; nó꞉nen enhstie, kwáh enwakerientí꞉io ne tsi kén꞉ʼen í꞉ses.

Psalms 73:24

Sarihonhnienhnítshera waʼkenatónhnis tsi nihiohahóten akatʼthaʼhí꞉tha tánon ne tsi iehiotók꞉te kwáh í꞉se kaiataʼnerakwahtsherákon tsi enstiéna.

Matthew 13:43

Ethone onen ne tiakoriȣaieriton tenhionteronronten tsi niiot ne Karakȣa, raonakeraserakon ne Konȣaniha, onka tehahontakarontakȣen naharonkate, raronk.

Luke 17:30

Etho kati oni nehne nenhiaȣenne nonen ienȣatenniseriheȣe nonkȣe Roienha raȣennisera.

John 11:25

Tontahenron ne Iesos: Ii ne tsi tsiontonnhests oni ne iakaonnhets; onka taȣetakȣon niihne iaȣeronhatien nenhaȣenheion, enhronnheke.

John 14:3

Nok nonen enseȣakatention, enkȣanaktaseronnienni oni, tentke nok ienskȣaiatenhaȣe: nʼetho ki oni nise nonȣe naesehȣenterontake tsinonȣe nenkiterontake.

John 14:6

Tontahenron ne Iesos: Ii nohaha, oni noriȣiio, oni ne ionnhe: iah onka tiiaonȣe ne Rakenineha nʼiah iihne taontaieientakȣane.

John 17:24

Rakeni! Kaskaneks ne tsinihati takonkȣetaȣi, ne tsinonȣe nikiteron etho oni neneh ahatiterontake aiakȣakȣekonhake; naontkatho nakiatanerakȣatsera, neh nise takaȣi aseken ok siskehnonȣehon ohenton saontontonȣentsiatasaȣen.

John 20:31

Nok tsi kaiaton ne kenh kaien, neh ki naonteseȣetakȣe tsi Keristos ne Iesos, Niio Roienha, nok tsi entihseȣetakȣe ne raosennakon enseȣaientane naetsionnheke onȣe.

Acts 3:15

Í꞉se sewarihonníʼon tsi warénheie ne tsi nikáien thesakówis natónnhets, nók Rawení꞉io sohkétskwen ne kenheʼiátʼne—tánon í꞉i iakwariwanírats kí꞉ken.

Romans 8:18

Watʼtiatórete tsi niʼionkwaronhiakénʼen tsi nióre nónwah iáh tahónton nehʼne tahontahionteniéntenste neh kahiatanerakwátsera nen ionkhirihotáshase

Romans 8:19

Akwékon nahoténsons ne Rawenni꞉io rohsahánion iotiráres neh naiáwen ne Rawenni꞉io asakorihotáshiaʼse neh sakoienhokónhas.

1 Corinthians 1:7

kwáh iáh ne tioríhwah thetisewahnorónʼon nénskakʼkhók ne kaiataterítshera aisewahienáhon, tsi nisewáhrare ne Sonkwahiáner Ié꞉sos Kerístos nahataténesthe.

1 Corinthians 15:43

Nónen konwahiatáten, kwáh wahétken ó꞉ni iotsiʼióha; nónen skakétskwen, kwáh entiotʼkwenienstónhake ó꞉ni enskashátsʼtheke.

2 Corinthians 4:17

Kí꞉ken niiorihwá꞉sas kwáh ionkwaweiennén꞉taʼs ne ionhnheʼón꞉we kaiaʼtaterihtshera knaʼ nenʼne akwé꞉kon nonkwaronhiakénhshera iáh thé꞉nen thaʼtaonsakaierontá꞉rake ne raoiaʼtateríhtshera.

Galatians 2:20

Nakonhatsíwa iáh ónen teskónnhe, nók Kerístos akonháke non nisrónnhe. Kí꞉ken atónnhets nónwa tsi konnhétie, tsi konnhétie ne tsi thiʼietákwen ne Rawenni꞉io Roiénha, tsi nikáien ne rakenoronkwáʼon tánon rotʼkáwen ne tsi rónnhe nakeriwáke.

Philippians 3:21

Ákwe niesakosastenserakénʼnion, Tánon ó꞉ni éhtho ní꞉ioht tsi ensakwatáko kíʼ tewaiéronke ne neh tahonsakaieróntarake tsi niʼioriwanerákwat ne rahónha raierónke.

1 Thessalonians 4:17

éhʼthoʼne tsi nítion nentiónnheke neh nenkaháwike skát꞉ke tsi enhionkhihiataróhroke tsi iotsiatarónnion nónwe natentewahtátʼken ne Roiá꞉ner. Kwáh káti tsi nénwe tsi Roiá꞉ner entewahkwekónhake.

1 Timothy 6:14

nasatewénnaraʼkwe tsi niʼieshanáʼon ó꞉ni kwáh iorihwatokénhak tsi sateweiénton tsi nióre entewenniseráteke nónen ne Sonkwaianer Ié꞉sos Kerístos téntre.

2 Timothy 1:1

Kór kíʼnon nitsawénon, rotheriwanotánis ne Kerístos Ié꞉sos tsi ehʼnihonikonróten ne Ní꞉io, thowathórion nahatʼróri tsi niwahrarátston natónnhets tsi natehionkwateriwasóntere ne Kerístos Ié꞉sos—

2 Timothy 4:8

Tánon nónwah ónen wakeráh꞉re ne atesenniétsera kahkariák꞉tsera neh tsi tkaiéri tsi tionkeriwahseronniénʼni tsi nòkwa ne Rawenni꞉io, neh꞉ne Roiá꞉ner, ne kariwahkwarisióntsera Rarihwéntha, entʼthákon nètho tewenniseráte—nók iáh I꞉i khók tèken, nók tsi nihiákon neh꞉ne iakórare ne kanoronkwátsera ne rahónha enhokéthothe.

Titus 2:13

tsi nihionkwárahre nètho iawenniserahnerákwak ionkwarahratsʼténni, nónen ne rahohiatanerahkwátshera ne rosastenserowáhnen Ní꞉io ó꞉ni ne Sonkwaiatákwen Ié꞉sos Kerístos entathathénesthe.

Hebrews 9:28

Kwáh ne sahoríhwah Kerístos ó꞉ni rothatátkawen naharonhiáken nénska iakaiénthe ne iakotiokowáhnen akoriwaneraháktsera. Sékon tekeníhaton ienkaiénthe enshatotáshion, iáh tahastéristhe ne karihwáhneren, nók né nasakoniákenthe tsi nihiákon ne ronwáhrahre.

1 Tiér 1:13

Kwáh káti, ioianeréhak tsi sewanontonniónko tsi nensewátiere. Sewatateweiennentaónhak tánon ieiokontakwénhak thoʼnónwe nasewarárek neh kaiataterítsera tsi nentietsíʼion nónen ne Ié꞉sos Kerístos enʼonwéneste.

1 Tiér 5:4

Tánon nónen enhathotáshon ne Ohénton írate ne Sakonón꞉ne kentiókwa, enshèna ne ioriwanerákwat oronhónkwa neh꞉ne iáh nonwénton tahióti naoswatʼthétsera.

1 Sawátis 2:28

Hén, kwá ienokónha, rahónhak khók tetiateriwasónterak, nekáti nónen entathaténeste kwá aionkwanikonraníronke iáh tatahionthonwentióhake natsitewataséten tsi nahionkwatehén꞉en neh nón tewenniserónte nónen tèntre.

1 Sawátis 3:2

Tewatenrosónhas, ónen kíʼ Rawenni꞉io sonkwaienʼokónha ionkwatónʼon, nók iáh kíʼ arókʼke teiawenéʼon onhnahóten ientewáton. Nók kíʼ ionkwateriéntare nónen ne Kerístos enshokétote, kwá tonentewahiatótenne tsi ní꞉ioht ne rahónha, Asèken kwá tsi nihaʼiatóten thóh ní꞉ioht tsi entsitewáken.

1 Sawátis 5:12

Ónka kí꞉ken nikwékon ne Roiénha róien kíʼ natónnhets; ónka kí꞉ken ne iáh tenikwékon ne Rawenni꞉io Roiénha iáh kíʼ tehóhien natónnhets.

Jude 1:24

Tsi nikáien ne rokwénion nahiaʼiatanónstate tánon iáh othé꞉nen tahianihtséron tánon rahohénton ensathonnárake ne rahoiatanerahkwatsherákon—

Revelation 2:7

Ánion nónhkak ne tehionhontakáronhte iontahón꞉satat tsi nahó꞉ten ne Roʼnikonrí꞉ioston ratón꞉nions rononhà꞉ke ne tsi ionterennaientákwas. Ne ne tsi niiá꞉kon nenhiontesénhniete, Í꞉i kwáh enkerí꞉on ne tahiontskà꞉on tsi iorón꞉tote ne atón꞉nhets ne ne thóh nón꞉we tsi rothé꞉taien ne Ní꞉io.

Revelation 22:1

Eʼthó꞉ne ne raronhiakeró꞉non wahakenatónhase tsi kaniataratátie nonekanos ne natónnhest í꞉ken, thóh natehiostwá꞉te tsi ní꞉ioht ne teiostahrát꞉te otsishé꞉ra, thóh nontahionehnonhátse raohitskwáhrane ne Ní꞉io tánon ne teonakarontón꞉ha owí꞉ra

Revelation 22:14

Iakotaskáts ne tsi niiakon ne ienó꞉hares nakotewehiá꞉ra, ne káti ne kwáh enhó꞉tiianerenhserá꞉ièn꞉take nahón꞉hiake tsi iorón꞉tote natón꞉nhets tánon enwá꞉ton niahontá꞉weiate ne kanaʼtowá꞉nenhke thóh enhón꞉toheste tsi iotenhenrá꞉karonhtes.